招乎大病初癒出院以來第一次返屋企食飯o既家姐......（ 好自然"木頭"
姐夫也會出現）......不但令到阿君想番起家姐入院o既原因，仲令佢憂
慮緊同 "木頭" o既關係終於都要畫上句號......
我：我返o黎啦！......
媽：（好嬲）......咁耐o架！...我以為妳走o左入去屯門度買咋...
我： ...屯門...唔係...（我都已經冇入去好耐啦）
媽：（越o黎越嬲）......細妹......寧俾人知莫俾人見......妳地係搞都行遠
o的呀！......妳知唔知今日我落到街，個個都望住我[手音]住半邊咀
笑 ......笑我唔識教女呀！......o個個係妳家姐個老公o黎o架......妳咁
做對得住妳家姐咩？
我：（一定係俾樓下[車立]口個衰看更見度啦！）......阿媽呀...唔好再講呢
o的o野啦...好唔好呀！？...嗚嗚嗚...
媽：（比頭先仲嬲）......宜家唔係我想講呀......係成條村o既人都話妳拖住
佢隻手......妳...妳仲錫埋人添！......我同妳講呀，一陣間人o地上到o
黎
o個陣，妳要同我醒醒定定先至好呀！...... 成日都係咁樣......話妳兩句
又喊苦喊弗......成個傻婆咁......快o的[手羅]隻雞過o黎啦！......買o
左幾
多錢呀？
我：（妳先至係傻婆呀！...嗚嗚嗚）......廿幾蚊o羅（唔敢話俾佢知要四十四
個八咁貴，怕佢會去百佳度同人o地討價還價）
媽： ......嘩！咁貴！...不過算啦，橫掂大妹佢鍾意食雞......咦！個垃圾桶滿晒
添......細妹，快o的過o黎同我扎好袋垃圾拎出去門口度啦！
我： 哦！......
事實上，一返o黎無端端又俾媽媽咁樣"省"o左一輪真係好唔開心，
不過估唔到當我一打開大門，想拎袋垃圾出走廊o既時候，眼前所
見到o既已經話o左俾我知一切即將要完結了...... 原來"木頭"同家姐
已經手拖住手咁企o左o係門外......實在太過份啦！......家姐佢仲 ......
佢竟然著o左......我最鍾意o個套熊仔衫o黎喎...... 我唔制呀！......
（呢舊"木頭"搞到家姐病o左仲入埋醫院添，家姐入院初期一直都
唔退燒，病況仲一日比一日差，可能真係有 "一夜夫妻百夜恩"呢
回事， "木頭" 平時咁樣對待家姐，但係家姐都仲好掛住佢，都已
經病到五顏六色，仲要擔心佢識唔識照顧自己，仲叫我不如得閒
入去佢度睇o下佢點，相反，家姐入o左醫院咁耐，舊衰 "木頭" 都
冇o黎過探過家姐一次，仲離譜到叫我幫佢等人送電視機o黎佢屋
企......o個時我真係好憎佢，家姐有o的乜o野對佢唔住先，自己唔
o黎就好啦，仲要諗辦法去駛開埋我......試問連我都走開埋，邊個
去睇住家姐喎？！......）
（家姐成日都同我 "申"，話嫁o左俾"木頭"之後，唯一o既娛樂，就
只有留o係屋企睇電視，所以家姐一直都好想舊衰 "木頭" 換過部大
o的o既電視機......而木頭一向咁鬼孤寒，我都唔係好信佢會肯用成
差唔多半個月o既人工去買過部電視機，但係如果佢真係咁做，宜
家又冇人收貨o既話，萬一搞到有o的乜o野拖延，又或者佢去退貨
唔買，咁咪仲益o左佢，咁家姐咪好唔抵，所以我最後都有入去等
人送貨o黎......我個心一路諗：[我唔係幫舊衰"木頭"，我淨係為o左
家姐好......] ，不過家姐可能都等唔到出院睇新電視呢一日啦！......）
（第二朝早我又如常去醫院照顧家姐，同平時唔同o既係佢呢朝一早
就起o左身等我o黎，當家姐知道o左"木頭" 真係買o左部新電視機o既
呢一個"喜訊"，真係令佢精神番唔少，我見佢好似好番o的咁，仲同
佢傾o左陣偈[主要內容都係圍繞住"F4" 同 "流星花園"o既劇情]，見佢
個咀有o的乾，諗住搣個橙佢食，但係當我分心去搣橙o既時候，都
冇發覺到家姐原來已經突然間暈低o左......我即刻叫o的醫生、護士o黎
幫手，佢o地就圍住晒家姐張病床......我好驚......我真係好驚......因為記
得之前輝仔臨要離開我o個陣時，以前都係咁有過一段時間係好精神
......我問過媽媽點解會咁，媽媽話呢o的就係叫做乜o野 "迴光反照" 喎，
仲話以前爸爸死o個陣都係咁樣......唔得o家！唔得o家！......我唔可以再
一次眼白白咁睇住我最疼愛o既人o係我o既面前離我而去o架啦！......我
一直企o左o係床邊大喊，六神無主都唔知點好，有一個護士長就走埋
o黎安慰我，將我手上摙都溶溶爛爛o既橙拎開o左，仲叫我快o的叫埋
佢其他o既屋企人o黎埋啦......本來我好想攬住佢，扑落去佢個膞頭度大
喊一場，但係因為護士長肩膞同心口個袋都有聽筒同好多功具，所以
我只好挨埋牆角不斷飲泣，我真係好想要一個靠得住o既膞頭啊！............
o係呢個發晒矛唔知點好o既時候，我第一次......我突然間......我......我諗
起佢...... "呢位職員" ~~~~~~~>亦都即係 "木頭" ）
（後來家姐被送o左去深切治療部，我一路喊一路打電話通知 "木頭"，
始終都係自己個老婆，就算係幾唔得閒都好，佢都終於o黎o左醫院......
佢一出[車立]都冇睬我同阿媽，就好緊張咁想走入病房，但係俾o的護
士阻止，因為深切治療部o既探病規矩同普通病房好唔同，不單止時間
有限制，出入病房仲要穿著衛生袍，"木頭" 佢好心急，甚至連著件袍
都手震震著唔到......於是我就走埋去幫佢......我本來都想入埋去病房度
見多家姐幾面，不過我最後都讓 "木頭" 自己一個入去......可能......到o左
呢個時候......佢會有好多o野會同家姐講......）
（從部新買o既電視機，到今日所見度o既 "木頭"，我發覺佢其實真係
好關心、好愛錫家姐o既，只不過係佢一直都收o係個心度唔講出o黎......
今日見佢成個憔悴晒，同平時一見到我就成日玩我又激我o既衰 "木頭"
節然不同。其實，真正令到佢唔開心o既，可能唔單止係家姐o既病情，
試問一個平時習慣o左有老婆照顧一切o既男人，宜家要晚晚返到一個如
同廢墟o既家，又有邊個會笑得落呀？......我對 "木頭" o既感覺漸漸由憎
惡，變成冇咁嬲佢，見到佢出返o黎個樣想喊想感咁我仲開以覺得佢好
可憐、好需要人幫助添......o係呢個時候，我o的義工精神就再一次驅使
我去慮理一個又會令我傷心o既個案啦！......）
（家姐留o左o係深切治療部之後，雖然漸漸有好轉仲退o左o的燒，但
係每次去探佢都唔醒，周身插住晒o的候管、電線同儀器，就好似以前
輝仔咁......我怕家姐真係會好似輝仔就咁......所以初頭幾日我都日日去
醫院探家姐......就算係非探病時段，我都坐o左係大堂o既長[木凳]......我
怕......我真係怕萬一家姐會有乜o野事o既話......每次我一諗都呢度，我都
會忍唔住自己一個人挨埋一二邊度係咁喊......喊都收唔到聲，終於有一
次，o個日o個個護士長又走過o黎安慰我，同我講......
護士長：小姐......就算妳日日咁o係度等都幫唔到個病人o既，咪仲棧自己
辛苦，成日胡思亂想......o黎緊有幾日假期試下返屋企度抖下啦，
去做番一o的真真正正可以幫到病人o既事情，等個病人出院之後
都開心o的呀嘛！......
我 ：嗚嗚......家姐唔好死呀！......嗚嗚嗚（今次我毫不猶疑咁扑o左落去
佢個膞頭度放聲大哭，雖然佢掛住個聽筒真係整到我塊面好痛，但
係都比唔上個心咁痛......）
護士長： ......放心啦......我幫妳留意住佢啦......妳家姐係咪叫蔡卓欣呀？
......
其實o係呢個時候，最幫到我o既係......一個靠得住o既膞頭啊！......）
......(待續)
