PIANCIILNA 6
Pianciilna 5 Pianciilna 7 Innpii
Mihingte
Ngitlona
1. Leitung
theampo ah mihing
khang va-ial a, tanute hong nei ciangin,
2. Pathian
tapate in tua tanute phasa ahikom a dei po tenpui hi.
3. Taciang
TOPA in, “Mihingte sia cii le sa taw ahikom a nuntak tawntung tu ka oai bua hi. Tu a kipan
kum 120 kanin nungta ngawl tu hi” ci hi.
4. Tua
hun le tua zawkciang zonghin Pathian tapate le mihing tanute ii suan le paal
Nephilim a kici mihing thatang lian namte leitung ah om
hi. Hite sia taangh lai a ngalhangte le mihing
minthangte ahi uh hi. (Job 1:6; 2:1;
Ngam 13:33)
5. Leitung
ah mihingte ngitlona le khua ngaisut a sia bebek a neina thu
TOPA in a mu ciang,
6. Leitung
ah mihingte a pian sak sia khuangai hi. Ama kisiik kikin,
7. “Ka pian sak mihingte nganhingte le vacimte
zongh ka bo sak siat tu hi, banghangziam cile amate ka pian sak sia ka khuangai
hi” ci hi.
8. Ahizong
Noah tungah TOPA lungkim hi. (Mt 24:37;
Lk
Noah
9 -10 Hi
sia Noah tangthu ahi hi. Ama in tapa thum nei a, Shem, Ham le Japheth te ahi hi. Noah in khialna nei ngawl a, ama hun lai in ama bekma
mipha om hi. A nuntak sung Pathian taw kithawl a, (2Pe 2:5)
11. ahizong akua mapo Pathian muna ah pha ngawl a, koima po ah maitatna
kizel hi.
12. Pathian
in leitung en a, a sia in mu hi, banghangziam cile mihing theampo siatna taw
kidim in nungta hi.
13. Pathian
in Noah tungah, “Mihing theampo bo sak tu in ka khensat zo hi. Leitung sia amate maitatna
taw kidim ahikom amate ka mon siat tu hi.
14. Nang atu in thingpha taw teambaw khat vawt
in a, a sungah innkhante vawtin, a sung a pua thingnaai taw zut in.
15. Tua teambaw sia pi 450 a sau, pi 75 a zai,
le pi 45 a saangin vawt in.
16. Teambaw khuvum vawt in a, a khuvum le a pang
kilaklaw letmat 18 vang sak in. Dawl thumin vawt in a, a
pangh ah kongkha khat koi in.
17. Nuntakna a nei theampo a mon
tu in leitung ah tuipi khatvei ka liim sak tu hi. Leitung a om
theampo thi siat tu a,
18. ahizong nang taw kiciamna khat ka vawt tu hi.
Teambaw sungah na zi, na tapate le a zite taw pai in.
19-20 Amate a nuntak natu in, nganhing namcinte le
vacim namcinte sung pan a nu khat le a pa khatveu teambaw sungah paipui in.
21. Noma le amate atu in an namcinte zongh
paipui in” ci hi.
22. Pathian
thupiak bangin Noah in na theampo vawt siat hi. (Heb
11:7)
Pianciilna 5 Pianciilna 7 Innpii
______________________________________________________________
Siyin Bible, TEV,