EUSKARAZ ETA KITTO Lin Ton Taun, X. Amuriza Herri baten izate maila, gorpu batentzako bihotza, nortasun agiri dugu hizkuntza. Euskeraren zapalkuntzak behar du norbaiten laguntza guztion artean aurrera bultza. Zertarako dek gehio? Euskeraz eta kitto!! Zertarako dek gehio? Euskeraz eta kitto!! Espainiar edo frantsesak gu ez gera, harro esan goizetik gauera. Noizko bildu Euskaldun guztiok batera? Gaurko egoera hauxe xelebrea da beraz. Harritzen naiz guraso askoren joeraz. Kalean gora Euskadi, etxean erderaz. Hizkuntzak asko dira mundu zabalean, bat behintzat gorde dezagun modu apalean, amak erakutsia bere magalean. Azken agurra LIN TON TAUN Kalean barrena euritan galdua. Bizitzaren ametsa erabat zapuztua. Kalean barrena euritan galdua. Bizitzaren ametsa erabat zapuztua. Burua gora doakit eta NORA NOA, NORA NOA?? Neure barrenengo zoramana HAUNDIAGOA HAUNDIAGOA. Euriaren basamortuetan dena da galdua, erabat GALDUA. Bizitzaren azken unea hurreratzen doa, HURRERATZEN DOA...... BENTARA NOA (Herrikoia) Bentara noa bentatik nator bentan da nere gogoa bentako arrosa krabelinetan hartu dut amodioa Ez dakit zer dan neure maitea ene aspaldiko bizia gurina sutan oi dan bezala urtu zait gorputz guzia. MADDALEN Joseba Tapia Zutaz oroitzen naiz nere Maddalen etxetik urrun nabil maite zaitudan arren. Festa bakar hartan azaldu zinen dena esango dizut maite zaitudan arren. ILUNTZEAR DIHOANEAN J.C.Perez Iluntzear Dihoanean Kabo Matxitxakok, iluntzear dihoanean keinuak egiten dizkio Mendebalde gorriari... Mendebalde gorriari... Ekialdeko horitasunaz ohartzeke bere kaosaz Bere hiri eta zelaietako iluntzeaz Bere liburu Saintuetan idatzitako bakeaz ...ohartu egin gabe ere... ...ohartu egin gabe ere... ...eguzkiak, egunero, izpi batzuk gorde izpi batzuk gordetzen bait ditu Bir Bou Rebka estazioko adreilu zurietan Adreilu zurietan. Aizak! ...esaidak munduarekiko nere istorio hau, atsegina al dukan... "ez zik esan polita ez dela" azpi kantatzen Sakabiren 'Larriñaga-Guerrini'arekin eta gero atseden bat hartzen duenean." BAGARE Herrikoia Araban bagare Gipuzkun bagera Xiberun bagire Ta Bizkaian bagara Baita ere, Lapurdi 'ta Nafarran. Guziok gara eskualdun guziok anaiak gara Nahiz eta hitz ezberdinez Bat bera dugu hizkera. Bagare, bagera Bagire, bagara Euskadi askatzeko oraintxe dugu aukera. HAURRAK IKAS ZAZUE (herrikoia) Haurrak ikas zazue, Eskuaraz mintzatzen, ongi pilotan eta, oneski dantzatzen. (bis) Aide ttun ttiki ttun aide ttun aide.... Gure kantu zaharrak, kontserba ditzagun, aide politagorik, ez da sortu nehun, (bis) Aide ttun ttiki ttun aide ttun aide..... TXURIKO Txomin Artola Gu gazte giñadela txalupa guziak zakurtxo bat ohi zuten ontzi barrenean begi erne, abilla, ez zen zaunkaria ihes zihoan arraia harrapatzailea Seme esango dizut nola gertatzen zen puñittutako arraia, suelto batzuetan legatza ospa, ihes, txakurra jauzten zen 'ta bet-betan arraia hartzen zuen hortzetan. Lana horren saria 'txakurraren partia' deitzen genuen guziok, ongi merezia maitea-maitea zen txakur ehiztaria txalupa betetzen zuen anima gabeak. Unea etorri da zuri kontatzeko zer nolako txakurra zen gure Txuriko uhin izugarriak ez zuen izutuko arraia utzi baino, lehenago itoko. Goiz itsusi batean ez naiz ez ahaztuko bere lana beteaz jauzi zen Txuriko baga haundi artean, ehiza ez utziko legatz haundi batekin ito zen betiko. JOSEPA ANTONI herrikoia Josep Antoni, kolore gorri kapitan baten alaba, aitak doterik emon ez arren bilatuko deu senarra. Astelenean ezkondu eta, martitzenean basora, eguastenean orbela batu, eguenean etxera. Bariekuan bendeja presteu zapatuan be plazara, domekan bere apaindu eta hamarretako mezara. AITORMENA Hertzainak Ez dira betiko garai onenak, azken finean gizaki hutsak gara, barearen ostean dator ekaitza, udaberri berririk ez guretzat. Denborak aurrera etengabian, ta orain ezin eutsi izan giñana, rutinaren morroiak bihurtu gara, laztana, lehen baino lehen aska gaitezan. Ohartu gabe arrunt bilakatuta, ohartu gabe heldu gara mugara, mundua jausi zaigu gainera, maitia, lehen baino lehen aska gaitezan. Ez dakigu non dagoen hoberena, bila dezagun beste lekuetan. Bai, zin dagizut, ez dizudala inoiz gezurrik esan eta, zaude ziur, ezin izango zaitudala ahaztu inoiz; aitortzen dut izan zarela ene bizitzaren onena, baina orain, maitia, lehen baino lehen aska gaitezan. EUSKAL EUSKALDUNAREN BALADA (Oskorri) Ikusten duzu karrikan Euskara doa korrikan Ez nabil ni bakarrikan Gure kultura ondoa dago Haritz nobleko barrikan Bero naiz ni negu gorritan Hizkuntzak ez du harrikan Oskorrik ez du gorrikan Ez eman guri harrikan Entzuten duzu alboka Hantxe naiz ni ukondora Enziklopediak erosten ditut Binaka eta plazoka Gustatzen zait letra azopa Erdarari erasoka Aizkora zuzen jasota Apurtuko dut nik soka Ez da beltza bai nabarra Ile luzeko kalparra Mingaina elebakarra Euskaraz elkar maitatzen dugu Bera eme ni arra Gozo kentzen dit sukarra Kopetan tente adarra Esnetan gainez aparra Gora nire behi naparra

AITOREN HIZKUNTZ ZAHARRA (Herrikoia) Aitoren hizkuntz zaharra nahi dugu zabaldu. Munduaren aurrean gizonki azaldu. Batez ere zainetan odolik badugu, euskaldunek euskeraz hitz egin behar dugu. Lehendabiziko hitza haurtxo nintzanean amaren besoetan bular barrenean, Hitz hauek erran zidak hizketa garbian gora euskara semetxo, bihoatzaren barrenean. Amatxok erran zidan, heriotz aurrean agur semetxo Baztan, laster lurpean, euskeraz otoitz egin neure lur gainean euskera entzun nai dut nik bai zorionean. Gora euskara maitea, xoragarriena,euskaldunen artean maitagarriena, Munduan sortu denik hizkuntza zaharrena, gora ta gora euskalduna eta gure euskara. EUSKAL HERRIAN EUSKARAZ X. Amuriza Euskal Herrian euskaraz nahi dugu hitz eta jolas, lan eta bizi euskaraz eta hortara goaz, bada garaia noizbait dezagun guda hori gal edo irabaz. Zabal bideak eta aireak gure hizkuntzak har dezan arnas, bada garaia noizbait dezagun guda hori gal edo irabaz. Euskal Herrian euskara hitzegiterik ez bada, bota dezagun demokrazia zerri-askara; geure arima hiltzen uzteko bezain odolgalduak ez gara. Hizkuntza gabe esaidazue nola irtengo naizen plazara, geure arima hiltzen uzteko bezain odolgalduak ez gara. Euskal Herri euskalduna irabazteko eguna, pazientzia erre aurretik behar duguna; ez al dakizu euskara dela euskaldun egiten gaituena? Zer Euskal Herri litzake bere hizkuntza ere galtzen duena? Ez al dakizu euskara dela euskaldun egiten gaituena? GALTZETAN GORDETZEKO KOBLAK. Sarrionandia - Ordorika Artizarra ortzantzean lehena da argitzen saguzahar zaharrena oraintxe da esnatzen teila gorri orma grisa ixilean laztantzen zoko beltzen hegaztiak gau berria ehuntzen. Hemen gautza ezin irten errautsen gaztelutik gaua sare erraldoia gugana abaildurik azpian nau gatibatzen tristurari loturik hemen natza hau zer denentz adierazi ezinik. Hau izuen gordeleku eta belar hitsena hau malkoen katedrala gizaseme hutsena hau eremu bezperage biharamun motzena hemen datza gorpu bizi herri bat izan zena. Hanitz lore sortzen omen hurruneko bizira gartzelara sartu oro heldua da hobira saguzahar ehunleen urkabeen hegira zelan kulun-katzen garen bi begiez begira. Argi gabe ari nauzu giltzapean koblatan oinazea bisitari gogoaren zainetan zaindariak paper bila ari dira zeldetan erdu eta to zuretzat gorde itzazu galtzetan. HERRIA ETA HIZKUNTZA Xalbador Iragan egun batez, Ostatu batean, bi lagun ari ziren ez ta bai betean; biak ziren euskaldun zintzoak ustean, halere ezin adi elgarren artean; entzuten egona naiz umore tristean. Ez dut osorik hartu baten parabola, erderaz mintzo baitzen, berak jakin nola: gure herri maiteaz zuela axola, hau, bere gain beharra, bertzen men dagola, <<Gora Euskal-Herria>>, frantsesez ziola. Bertzea oldartu zen euskara garbian: <<Gure hizkuntza ez da galduko agian! Hori dugu bereixik guk Euskal Herrian, Gainerakotan gaude bertzen negurrian; frantsez egina gira joan den aspaldian!>> Bi gizon horietan, zugaitz onekoa batek ondoa zuen, bertzeak ostoa; gauza arraro hori ez dut gustokoa, mendian bizi arren, dut ikustekoa gaztainaren aldaxkez janzirik pagoa. Bat herria goratzen arrotz baten gisa, arrotz nahiak berriz herriaren hitza; gureak ja egin du, gaiten garbi mintza, lainopean bezala galduak gabiltza ez daizke bi nagusi batean zerbitza! Elgarri direlakotz bi gizon jazarri, gauza bat bera dute bi pusketan zarri; erakatsi nahi dut nik puskak elgarri, gure hizkuntza eta gure Euskal Herri Konparatzen baititut izaite bateri. Anai-arrebak entzun ene ahotsa: izaite bat ez daike hezur utsez osa; herria da gorputza, hizkuntza bihotza; bertzetik bereixtean bitarik bakotxa, izaite horrendako segurra hilotza. Batzu herriaz orroit, euskaraz ahantzi bertzek euskara maite, herria gaitzetsi; hikuntza ta herria berex ez doatzi, berek nahi daukute konpreniarazi bata bertzea gabe ez daizkela bizi. MAZISI OKEITA DENBELEK J.Muguruza Mazisi Okeita Denbelek Bilboko kafetegian kafe kikara eskuetan hartu eta ezpainetara darama pentsakor. *Zer ari ote da pentsatzen Mazisi Okeita Denbele kafetegi hontan, urrun etxetik hain urrun, Bilbon. Afrikatik etorritako gizon honi begiratzen diot mostradore-atzeko ispiluan kafea hartzen ari da pentsakor. *Zer ari ote da....... Ispilu aurrean dauden bi koinak botilen artean justu hortxe ikusten ditut gizon honen begiak, pentsakor. *Zer ari ote da......... Afrikako bere herrian ari ote da pentsatzen? hango andre batengan? hango lehorteaz? hango gerraz? Lingo lingo Mboka te (maitasunik ez du herririk) Lingo lingo Mondele te (maitasunak ez du zuririk) Lingo lingo Moginolo te (maitasunak ez du beltzik) Tina Tokabuana Ngo Salo (zergaitik bereizi behar dugu?) Noko Mama Tina Toyinama?(zergatik gorrotu izan elkarri?) O AMA ESKUAL HERRI (Etxahun) Anaia etxen da ezküntü Bortxatu niz orai joaitera Ene ophilaren egitera Pariserat banüazü (errepika) O ama Eskual Herri goxua Zutarik hürrün ni trixterik banua Adios ene etx'ondua Adios Xiberua. Pariseko bizitzia Lan khostüz irus baguatzü Hargatik berantzen zitadazüt Zure berriz ikhustia Bena denbora da llaburxko Othoi ama entzün nezazü Xokho bat haita izadazüt Azken egun horientako. NOR-NORI-NORK Otxandioko AEK Eusko Jaularitzak dio, dirurik ez dagoela baina zer kasualitate, gurea falta zaiela baina, laister ikusiko dute, joder, potrotaraino gaudela, joder, potrataraino gaude. Nor-nori-nork, baldintza ta subjuntibo, joder baldintza ta subjuntibo, joder baldintza badakigu. Ertzainek erosi dute, kriston helikopterua baina zertarako nahi dute, holako aparatua? Baina, laister ikusiko dute........ MATALAZ Dolu gabe, dolu gabe, hiltzen niz bizia Xiberuarendako emaiten baitut. Agian, Agian egun batez Jeikiko dira egiazko Xiberutarrak, Egiazko eskualdunak Tirano arrotzen ohiltzeko, Egiazko eskualdunak Tirano arrotzen ohiltzeko. Kanta gehiago