Tocántenes a les sos grabaciones dicir que nel añu 88 punxeren dicir na cai una cinta de calter caseru onde ente pallabres esbillaes d'entrvistes radiofóniques y glayíos de la manifestación celebrada'l 24 de mayu del 84 pola mor de la fuelga xeneral entamada n'Asturies, van apareciend diez temes grabaos en direutu n'estremaos conciertos. De soníu más bien probe nella figuren cancios que dempué se fadrien abondo conocíos y dalgún qu'otru qu'enxamás llegaron a grabar n'estudiu; fexeron trescientos exemplares que tovieron una mui bona acoyida agotándose desiquida.

La primer grabacion asoleyada en formatu vinilu apeció nel inviernu de 89, tratabase d'un discu compartíu con otros dos grupos onde enxertaben un par de temes (un d'ellos el famosu "Rapaza nacionaliega" que tanta sonadía-yos dio).

Un añu dempues vieno lo que sería'l so primer trabayu en solitariu, concretamente un minielledé titulaú "Grieska" (Fono Astur) incluyendo dalgunos cancios que dempués seríen más conocíos, comu por exemplu "Merucu Xusticieru" (Premiu Super ventolín al meyor canciu del añu 1991) o "Da-yos caña".

El so segundo discu titulabase "¿Asturies o trabayes? (GRabaciones L'Aguañaz) y apareció n'avientu del 93, nelli nótase cierta evolución hacia un soníu más duru y complexu, peru ensin perder la so llínea de mestizax musical (apaecen temes de ritmu ska, reggae, folk o rocanrol) y manteniendo la ironía que davezu amuesen nes sos lletres. El tercer y caberu discu hasta'l momentu saliu a la cai en xunu de 1995 col nome d'Apuntate a la llista" (Grabaciones L'Aguañaz), siguen entemeciendo infinidá d'estilos y tendencies misicales (dende'l rap a la salsa pasando pol folk, el punk o'l rocanrol) con testos de calter social ensin escaecer el referente asturiano.
Tubo mui bona acoyia por parte de crítica y públicu.

A principios del 1996 sal el discu titulau "Las palabras nos separan los hechos unen" compartu ente Intolerance, Escandalo Públiko y Dixebra (apaecen cuatru cancios d'ellos).

Tienes enxertaos amás dellos temes en tres casetes recopilatories ("Esto ye los que hai", "Konciertu Escontra'l Paru" y "Mikelín 92") ............