Acents

Par furlan a esistin l'acent (à) e l'acent dopli (â).

L'acent si lu segne:
1) in peraulis acentadis su la ultime silabe che a finissin in vocâl seguide di S.

Esemplis

patràs crodarès finìs boboròs catùs
2) su la silabe finâl acentade "in" dome tai vierps.

Esemplis

nô o mangjìn lôr a mangjin nô o finìn lôr a finissin
3) in peraulis che a finissin par vocâl acentade.

Esempli

lui al viodarà
4) in peraulis di une sole silabe dome se si puedin sconfondi cun altris.

Esemplis

lui al à (vierp vê) e a (preposizion) là (avierp) e la (articul)
L'acent dopli si lu segne:
1) su lis vocâls lungjis in ultime silabe.

Esemplis

vocâl frêt inzignîr disegnadôr brût
2) tal infinît dai vierps che a finissin in vocâl acentade, ancje te forme sustantivade (es. il podê, il savê).

Esemplis

imparâ capî