Ang Sulat ni Pablo kay Filemon |
|
|
|
(Ang Dating Biblia at Ang Bagong Ang Biblia) |
1 |
ADB - Si Pablo, na bilanggo ni Cristo Jesus, at si
Timoteo na ating kapatid kay Filemon na aming minamahal at kamanggagawa, ABAB - Si Pablo, bilanggo ni Cristo Jesus, at si kapatid na Timoteo, Kay Filemon na aking minamahal na kaibigan at kamanggagawa, |
2 |
ADB - At kay Apia na ating kapatid na babae, at
kay Arquipo na kapuwa kawal namin, at sa iglesia sa iyong bahay: ABAB - at kay Apia na ating kapatid na babae, at kay Arquipo na kapwa namin kawal, at sa iglesya na nasa iyong bahay: |
3 |
ADB - Sumainyo nawa ang biyaya at kapayapaang mula
sa Dios na ating Ama at sa Panginoong Jesucristo. ABAB - Sumainyo nawa ang biyaya at kapayapaang mula sa Diyos na ating Ama at sa Panginoong Jesu-Cristo. |
4 |
ADB - Nagpapasalamat akong lagi sa aking Dios, na
ikaw ay binabanggit ko sa aking mga panalangin, ABAB - Lagi akong nagpapasalamat sa aking Diyos kapag naaalala kita sa aking mga panalangin, |
5 |
ADB - Sa pagkabalita ko ng iyong pagibig, at ng
pananampalataya mo sa Panginoong Jesus, at sa lahat ng mga banal; ABAB - sapagkat nabalitaan ko ang iyong pag-ibig para sa lahat ng mga banal at ang pananampalataya mo sa Panginoong Jesus. |
6 |
ADB - Upang ang pakikipagkaisa ng iyong
pananampalataya, ay maging mabisa sa pagkaalam ng bawa't mabuting bagay na
nasa iyo, sa kay Cristo. ABAB - Idinadalangin ko na ang pamamahagi ng iyong pananampalataya ay maging mabisa kapag nalaman mo ang bawat mabuting bagay na maaari nating gawin para kay Cristo. |
7 |
ADB - Sapagka’t ako’y totoong nagalak at naaliw sa
iyong pagibig, sapagka’t ang mga puso ng mga banal ay naginhawahan sa
pamamagitan mo, kapatid. ABAB - Sapagkat ako'y totoong nagalak at naaliw sa iyong pag-ibig, sapagkat ang mga puso ng mga banal ay naginhawahan sa pamamagitan mo, kapatid ko. |
8 |
ADB - Kaya, bagama’t kay Cristo ay mayroon akong
buong pagkakatiwala upang ipagtagubilin ko sa iyo ang nauukol, ABAB - Dahil dito, bagama't kay Cristo ay mayroon akong sapat na lakas ng loob upang utusan kitang gawin ang kinakailangan, |
9 |
ADB - Gayon ma’y alangalang sa pagibig ay bagkus
akong namamanhik, kung sa bagay akong si Pablo ay matanda na, at ngayon
nama’y bilanggo ni Cristo Jesus: ABAB - gayunma'y alang-alang sa pag-ibig ay nanaisin ko pang makiusap sa iyo -- akong si Pablo ay matanda na, at ngayon ay isa ring bilanggo ni Cristo Jesus. |
10 |
ADB - Ipinamamanhik ko sa iyo ang aking anak, na
aking ipinanganak sa aking mga tanikala, si Onesimo, ABAB - Ako'y nakikiusap sa iyo para sa aking anak na si Onesimo na ako'y naging kanyang ama nang ako'y nasa bilangguan. |
11 |
ADB - Na nang unang panahon ay hindi mo
pinakinabangan, datapuwa’t ngayon ay may pakikinabangin ka at ako man : ABAB - Noon ay wala kang pakinabang sa kanya, ngunit ngayon ay kapaki-pakinabang siya sa iyo at sa akin. |
12 |
ADB - Na siya’y aking pinabalik sa iyo sa kaniyang
sariling katawan, sa makatuwid baga’y, ang aking sariling puso: ABAB - Siya'y aking pinabalik sa iyo, na kasama ang aking sariling puso. |
13 |
ADB - Na ibig ko sanang pigilin siya sa aking
piling, upang sa iyong pangalan ay paglingkuran ako sa mga tanikala ng
evangelio: ABAB - Nais kong manatili siyang kasama ko upang siya'y makatulong sa akin bilang kapalit mo sa panahon ng aking pagiging bilanggo para sa ebanghelyo. |
14 |
ADB - Datapuwa’t kung wala kang pasiya ay wala
akong magagawang anoman; upang ang iyong kabutihang-loob ay huwag maging
tila sa pagkakailangan, kundi sa sariling kalooban. ABAB - Ngunit ayaw kong gumawa ng anuman na wala kang pahintulot upang ang iyong kabutihang-loob ay hindi maging sapilitan kundi ayon sa sarili mong kalooban. |
15 |
ADB - Sapagka’t marahil sa ganito siya’y nahiwalay
sa iyo sa sangdaling panahon, upang siya’y mapasa iyo magpakailan man; ABAB - Marahil ito ang dahilan kung bakit nahiwalay siya sa iyo nang ilang panahon, upang siya'y mapasaiyo magpakailanman; |
16 |
ADB - Na hindi na alipin, kundi higit sa alipin,
isang kapatid na minamahal, lalong lalo na sa akin, nguni't gaano pa kaya sa
iyo, na siya'y minamahal mo maging sa laman at gayon din sa Panginoon. ABAB - hindi na bilang alipin, kundi higit sa alipin, isang kapatid na minamahal, lalung-lalo na sa akin, at gaano pa kaya sa iyo, maging sa laman at gayundin sa Panginoon. |
17 |
ADB - Kung ako nga ay inaari mong kasama, ay
tanggapin mo siyang tila ako rin. ABAB - Kaya't kung ako ay itinuturing mong kasama, tanggapin mo siya na parang ako. |
18 |
ADB - Nguni’t kung siya’y nagkasala sa iyo ng
anoman, o may utang sa iyong anoman, ay ibilang mo sa akin; ABAB - Ngunit kung siya'y nagkasala sa iyo ng anuman, o may anumang utang sa iyo, ay ibilang mong utang ko na rin. |
19 |
ADB - Akong si Pablo na sumusulat nito ng aking
sariling kamay, ay siyang magbabayad sa iyo: hindi sa sinasabi ko sa iyo na
ikaw man ay utang mo pa sa akin. ABAB - Akong si Pablo ay sumusulat nito sa pamamagitan ng aking sariling kamay: Ako ang magbabayad niyon. Hindi ko na ibig banggitin pa na utang mo sa akin pati ang iyong sarili. |
20 |
ADB - Oo, kapatid, magkaroon nawa ako ng katuwaan
sa iyo sa Panginoon: panariwain mo ang aking puso kay Cristo. ABAB - Oo, kapatid, hayaan mo ng magkaroon ako ng kapakinabangan na ito mula sa iyo sa Panginoon! Sariwain mo ang aking puso kay Cristo. |
21 |
ADB - Kita’y sinulatan sa pagkakatiwala sa iyong
pagtalima, palibhasa’y aking nalalaman na gagawin mo ang higit pa kay sa
aking sinasabi. ABAB - Sinulatan kita na may pagtitiwala sa iyong pagsunod, yamang nalalaman ko na ang gagawin mo ang higit pa kaysa aking sinasabi. |
22 |
ADB - Datapuwa’t bago ang lahat ay ipaghanda mo
ako ng matutuluyan: sapagka’t inaasahan kong sa pamamagitan ng inyong mga
panalangin ay ipagkakaloob ako sa inyo. ABAB - Isa pa, ipaghanda mo na rin ako ng matutuluyan, sapagkat umaasa ako na sa pamamagitan ng inyong mga panalangin ay maibabalik ako sa inyo. |
23 |
ADB - Binabati ka ni Epafras, na aking kasama sa
pagkabilanggo kay Cristo Jesus; ABAB - Binabati ka ni Epafras na aking kasamang bilanggo kay Cristo Jesus; |
24 |
ADB - At gayon din ni Marcos, ni Aristarco, ni
Demas, at ni Lucas na aking mga kamanggagawa. ABAB - gayundin nina Marcos, Aristarco, Demas, at ni Lucas na aking mga kamanggagawa. |
25 |
ADB - Ang biyaya ng ating Panginoong Jesucristo ay
sumainyo nawang espiritu. Siya nawa. ABAB - Ang biyaya ng ating Panginoong Jesu-Cristo ay sumainyo nawang espiritu. |