• Anterior: O lobo, o raposo e o home.
  • Seguinte: Os compadres e os galos.

    PARA QUEN CUCOU O CUCO

          Eran dous homes que, indo por un camiño, sentiron cucá-lo cuco, e díxolle un ao outro.
         - Cucou para min.
         Ao que o outro respostou:
         - Non, ho, ¡ese cucou para min!.
         E sobre desto tiveron tal disputa que acordaron leválo asunto a un abogado. Ao chegar ao despacho contáronlle ao señor abogado o choio que os levaba xunto del. E abogado díxolles:
         - Poñan cincuenta pesos cada un e despois dígolles para quen cucou o cuco.
         Sacaron da carteira e botaron encima da mesa os cincuenta pesos cada un. Entón o abogado, botando man aos cartos, dixo:
         - Nin para un, nin para o outro, o cuco cucou para min.
      .

     
    Indice de contos
    Páxina Principal
    O que sexa...