"Pois todas son por un xeito, xa non vexo muller pra casar coela que eu lle teña confianza".

    Entonces volveuse pensar que había unha na parroquia que era coxa, fea e probe; entón dixo il:

    "Voulle falar segredamente, que esa teño a seguridá que non é como as outras".

    E faloulle e casóu coela, e unha noite, estando na cama, díxolle ela:

    "Ai Manoeliño, quérote moito!"

    E dixo il :
 
    "Porque dis eso muller?"

    Entón dixo ela:

    "Porque tiñas mozas tan boas mozas e ricas e nonas quixeches, pra casares comigo, coxa, fea e probe".

    Entón contestoulle il:

    "Pois eu quíxente porque figúraseme que és unha muller segreda".

    Entón ela contestoulle:

    "Manoeliño, tan segreda coma min non hai outra, pois parín sete veces, e ningueno sabe, soilo o sabes tí que cho digo eu".

Páxina Principal