LAWIWING PAMBANSANG FILIPINU
[PHILIPPINE NATIONAL ANTHEM]
Labuad Mapalad
Mutia ning lalu sampat
Ning daiat malat
A queca misapuac
Budning Sultana
Guinu na ning Malasia
Pemalena'na
Ning tapang at sinta
Caring batis, bunduc
Caquenan, uluit pulung dacal
Bitasang ma-calimbagan iang
quecang catimauan
Quing bandera mung maningning
A tecutan da ring tacsil
Capilan man e culimlim
Ing aldo na at ding batuin
Labuad ning aldo, sinta at tepangan
Maiumung diling queque ca mie
Iyang ligaiang quequeng paniangian
Ing queca que ngan paimate
Translated by: Mariano Proceso Pabalan Byron
[1862-1904]
HIMNO NING KAPAMPANGAN
Kapampangan misapwak
King legwan na ning alaya
Gabun ding pantas at marangal
Sibul ning lugud karinan ning tepangan
Batis ning katalaruan at panamdam makabalen
Ligaya mi ing mie payapa
King malugud mung kandungan
KORO
Kapampangan, sale ning legwan
Kapampangan sandalan ning katimawan
Kilub ding pusu mi atin kang dambana
Luid ka! Luid ka!
Palsintan ming Kapampangan
Luid ka! Luid ka!
Palsintan ming Kapampangan
Lyrics: Serafin D. Lacson [1910-1991]
Music: Msgr. Greg L. Canlas
ATIN CU PUNG SINGSING
Atin cu pung singsing
Metung iang timpucan
Amana que iti qñg indung ibatan
Sangcan queng sininup
Qñg metung a caban
Meuala ia iti, ecu camalaian
Ing sucal ning lub cu
Susucdul qñg banua
Picurus cung gamat
Babo ning lamesa
Nino mamng manaquit
Qñg singsing cung mana
Calulung pusu cu
Manginu ia quea
CLICK HERE FOR RINGTONE
BASULTO
E ca sa mangare qñg tau Candaba
Miglutu yang pindang, miba licucu ya
Linub ya qñg silid quinua yang espada
Salbahe cang pindang, O ba't lalaban ca
E ca sa mangare qñg tau Baculud
Miglutu yang manuc e ne man mo pitput
Saca ne linulan qñg metung a mangcuc
Iniang candutan ne gulping migpalpatuc
E ca sa mangare qñg tau Paroba
Manali yang lubid mesaclit ya dila
Milai yang menic quinua yang candila
Iniang misindi ya balg-balag ya lua
CLICK HERE FOR RINGTONE
INIANG MALATI CU
E cu pa quelinguan iniang malati cu
Malati ca naman icang quequialung cu
Maligaya cu bie queti baboyatu
Uling balang saglit ati ca siping cu
Mamialungan cata picu ampong sintac
Ninu mang masambot parusan yang terac
O neng acu rugu migculang cung palad
Pigtiririn mu cu saca cu tinerac
Cabang teterac cu lulundag lulucsu
Sabe ning sagacgac, palacpac qñg gamat mu
E mu cu ticnangan anggang mepagal cu
Sinunga cu rugu't tinulong pawas cu
ATING
METUNG A DALAGA
Ating metung, ating metung a dalaga
Qñg talaga, qñg talaga mamipi ya
Linabas ya, linabas ya’y Seferina
Inuma ne, inuma ne mecatatlu
A bante ne, a bante ne ning wali na
Sinumbung ya, sinumbung ya cang tata na
Aurelia, Aurelia manik na ka
Quening papag, quening papag sacab na ca
Pemarug ne, pemarug neng mecatatlu
Quetang lati, quetang laticu nang bayu
E na cu pu, e na cu pung pasibayu
Pauma
cang, pauma cang Seferino
CLICK HERE FOR RINGTONE
ARO!
Aro! Katimias
na nitang dalaga
Lawan ke pa sa nung ninu ya
Pakeling-keling ne itang buntuk na
Puntuk a salikap maibug manabu ya
Inyang akilala kuya
Ing malagung Isyang pala
Anak nang Indang Maria
Bibinkang nasing tinda na
Kaya ku pa sa ikutang
Nung
bisa ya ping pautang
Sulung a guiang gisanan yu ngan
Ing lugud cu keka dakal
CLICK HERE FOR RINGTONE
O CACANG MAPUTLA
O cacang maputla
Bisang lare ditac
Matul cung panulo queca macacayap
Sagu ning cabayu, quiling ning damulag
Saca me aruban qñg ebon ning tarat
Ilutu mu na man
Qñg curan a dutung
Layun mulang tamban qñg marimlang danum
Pa ngadalise na, agad mung ipainum
Camandag ning saquit anti mong melasun
Nung a sacaling eca pa cumayap
Manintun naca man balbas ning tugac
Atdung e mapait, larang e maparas
Qñg asung apagquit carin mo 'pa raldac
CLICK HERE FOR RINGTONE
ING MALSINTA (from Tarlac)
O ba't mo quetang Sabado
Migpasyal cu queta quecayu
Iniang abatiawan mu cu
Pepatagal mu cung asu
Ania pepatagal da ca
Caretang asung de familya
Ban canita maquilala
Ing tune mung pamalsinta
CLICK HERE FOR RINGTONE