TECHNIKON PRETORIA, Pretoria, Gauteng.
Die wapen mag so geblasoeneer word:
Wapen: In swart, ’n penning van silwer met drie klawerblaarpunte, waarop ’n koek gesny van rooi en swart, belaai met vyf biljette van goud en een van silwer, piramiedvormig gerangskik 1, 2 en 3, die silwer biljet in die onderste ry sentraal geplaas.
Wrong en dekkleed: Silwer en swart.
Helmteken: ’n Kasteel van twee torings, silwer gelig.
Leuse: PROSPERITAS PER PERITIAM.
Oor die wapen:
Die wapen soos dit in terme van die Heraldiekwet geregistreer is, bevat die (nie-heraldiese) wapen van die ou Pretoriase Tegniese Kollege (die rondeel in die middel). Die beskrywing wat deur die technikon voorsien is, sluit nie ’n blasoen in nie. Dit begin, buitengewoon, met die leuse en die helmteken. Dit lui:
“Die leuse PROSPERITAS PER PERITIAM (Voorspoed deur vaardigheid) vorm die basis en onderstreep die simboliek van die wapen.
“Die rooi kasteel op ’n silwer helm koppel ons met die Hoofstad Pretoria waar Technikon Pretoria geleë is.
“Die sirkel wat op ’n swart skild staan is ’n beeld van perfeksie, sterkte, eenheid en wisselwerking.
“Die trappe in the sirkel toon groei, en verskyn op ’n swart agtergrond wat ’n soliede basis aantoon.
“Die goue (geel) trappe styg tot in die rooi, wat die positiefste kleur is.
“Die enkel silwer (wit) blok verteenwoordig die indiwidu wat ’n groeiende uitdaging konfronteer.
“Die drie klawers, ook bekend as die trimontium, is ’n eksklusiewe simbool wat deur die Buro vir Heraldiek aan Technikon Pretoria toegewys is.”
Oor die technikon:
Die Pretoriase Tegniese Kollege is in 1906 gestig.
Die inrigting het in 1979 ’n technikon geword, en het vandag ongeveer 30 000 studente, wat dit die grootste residensiële technikon in Suider-Afrika maak. Hierdie syfers (soos in Januarie 2001) bestaan uit sowat 25 000 studente aan die technikon se verskeie kampusse, en ’n verdere 8 000 aan ander inrigtings wat met die technikon saamwerk.
Die ou kampus in Kerkstraat, Pretoria, behuis tans die fakulteite Lettere en Natuurlike Wetenskappe, terwyl ’n nuwe hoofkampus te Technikonrand gebou is. Die perseel is 96 ha groot en lê 6 km wes van die stadsentrum. Satellietkampusse is ook op Witbank, Nelspruit, en KwaMhlanga in Mpumalanga aangelê, en ook in Polokwane (Pietersburg) in die Provinsie Limpopo.
For English, click here
Terug na Armoria academica-indeks
Opmerkings, navrae: Mike Oettle