Hubert Booy a nace na Corsow y aki ta na unda e la desarolla su talento di locutor na diferente emisora na Corsow, manera entre otro Radio Hoyer, tambe pa amplia su conocimiento mas e la sigui diferente curso relaciona cu locucion y transmission, manera entre otro na Puerto Rico.
Despues Hubert a muda bin pa Aruba y a cuminsa traha pa Radio Antillana AM (conoci awendia como Radio 1270).
Aki Hubert a traha como locutor y despues a bira station manager di e emisora aki pa hopi tempo.
Su popularidad tawata masha grandi mes den pueblo pa su estilo unico di presenta programanan musical y propaganda y naturalmente su parti humoristico cu tawata unico riba su mes.
Despues di basta tempo como station manager di Radio Antillana, e la dicidi cu e ta bay move cu e technologia como cu Frequencia Modulá tawata algo nobo den e epoca di 1970 y a dicidi cu mester bin un radio pa Pueblo di Aruba riba e banda FM, den e epoca aki apenas 2 radio so tawata riba Frequencia Modulá.
Despues di a cumpra tur e equiponan neccecario cual porcierto Hubert tawata tin un relacion excelente cu e firmnan: Harris, Singer Corporation (representante di equiponan di transmission "Sintronic y Mc. Martin"),Moseley Associates y Hillman Associates, nan tur a duna tur nan cooperacion pa Caruso por a realiza su soño pa a habri su mesun emisora FM, tambe semper Caruso su esposa, Sira semper tawata tey pa apoye y dun'e asistencia pa e projecto grandi cu lo ta Radio Caruso Booy.
