Derivadow a Borpos

Benynes Keltek Keswlasek, a-ban veu dallethys, re vedras dhe gowlwul kemmynieth an bys dre gevranna ha skoedhya gans mantol a helghyansow skiansek ha gonisogethek. Y feu fondys nans yw pymp blydhen gans bagas a dus neb o bywek y'n gemmynieth Geltek, mes a welas edhomm rag aswonvos brassa a venynes y'n wonisogeth.
An kowethyans a veu furvys der enora, solempnya hag avonsya benynes Keltek ha'ga ertach. Ynwedh, ni a hwil dhe avonsya konvedhes a dhiversieth a-ji dhe'n gonisogethow Keltek dre honansys, kresadewder ha purwiryonsys.
Yth eson ni y'n eur ma ow fondya sel arghansek yagh, ow lesa eseleth ha kressya bywderow an kowethyans yn tre ha dres an bys. Agan kostenn yw dhe vos hembrynkyas aswonnys dre dhrehevel kemmynieth geswlasek rag benynes Keltek.

Keyndor

Benynes Keltek Keswlasek a veu ynkorforys yn mis Metheven 1997, hag y'n eur ma a'n jeves Kesva Geswlasek a Lywydhyon, gans eseli diworth 5 stat ha 3 bro, ow synsi Kanada hag Iwerdhon y'ga mysk. Eseleth an kowethyans a's teves kannasedhieth diworth seyth bro, ow synsi brassa rann an ranndiryow devedhyans Keltek dres an Keskar Keltek.
An kowethyans keswlasek re synsas 4 keskusulyans blydhennek sewen ha re dhros warbath kevrannoresow ha presentyoresow diworth pub rann an bys yn solempnyta ha kevrannans a'ga gonisogeth gemmyn. Kompas an keskusulyansow ma re rosyas a helghyansow dyskansek sevur dre furvyans a felshyps a dhur.
Yn 1999, towlenn Piwas Benynes Keltek Marthys a veu fondys. An piwas a enor benynes neb re gowlwrug bryntinsys y'ga fark ha re beu an mayn dhe aweni re erell. Bagas meur y rowedh a skoloresow hag artystyon Keltek a furv bagas a eseli a enor neb a'gan kennerth dre wul revrons dhe ha displegya agan ertach Keltek.
Benynes Keltek Keswlasek a dhyllo lyther nowodhow trimisek rag y eseli ha re dhisplegyas gwiasva efan. Benynes Keltek Keswlasek re hwilas dhe furvya kowethyansow gans bagasow gonisogethek a vyw.

Acheson

Benynes Keltek Toronto a veu fondys yn kynyav 2001 dhe avonsya an gannasedh a Venynes Keltek Keswlasek. Ni a hwil dhe dhrehevel war an gannasedh ma ha hy thempra dhe'n edhommow dibarow a venynes Keltek yn Kanada. Hemm a syns ynno displetya ertach Keltek Kanadek ha provia mentorieth rag benynes Keltek yowynk.
Yth arwodhon ni a'n studh dibarow a Doronto avel kemmenieth liesgonisogethek ha ni a aswonn an edhomm dhe wul agan gonisogeth gans styr gwiw a-ji dhe'n gettestenn ma. May hyllyn ni drehedhes an gostenn ma, ni a vynn kennertha keskows ynter tus diworth keyndoryow divers ha displegya chonsow rag an nessa henedh may hyllons i bos Keltek mes a-ji dhe gettestenn wonisogethek brassa.
Wosa an keskusulyans, ni a wayt dhe besya kowlwryans an kostennow ma der usadow a dowlennow dyskansek rag tus yowynk ha'n skoedhyans a artystyon ha skoloryon usi owth omsevel. Ynwedh, ni a vynn aswonn an eseli fondys na a'n gemmynieth neb re oberas yn kosel y'n keyndor dres lies blydhen the witha gans meur a vywnans an hengov.
Benynes Keltek Toronto yw kommytys dhe greatya an chons dhe wul kevrennow gans gonisogethow erell. Yth yw gwel deskrifa dres eghen a ertach Keltek dhe dremena fordhow gans gonisogethow erell, yn unn gevothegi pub.

Towlennans

Titel an keskusulyans, Hynsow Keltek, a syns ynno meur a'n kostennow a vynnyn ni diskwedhes. Y sord an konsayt a vyajya bys yn, ha vyajya diworth, yn y styr herwydh an lytherenn ha konsaytys abstrakt. Ha ni ow hwithra an le may teuth gonisogeth Geltek, ni a vir yn-rag dhe'n le may hwra agan ledya y'n termyn a dheu.
Orth an keskusulyans, ni a wra presentya artystyon neb a yll kevranna fatell wrons i nesha aga ober yn teknologethek, yn teg hag yn honigosethek. Hemm a syns ynno furvow kevoes ha hengovek a art, warbarth gans pub rowliansow artystek. Ynwedh ow kemmeres rann y fydh skoloresow neb a wra kevranna aga honnekter yn rowliansow akademek kepar ha istori, hendhyskans ha lien-gwerin.
Ni a wra hwithra fatell re devis gonisogeth Geltek a-dhiworth hy devedhyans yn bywnans an werin dhe dhiwysyans hewul a ystynn a-dro dhe'n bys. An troe'lergh ma re ledyas dhe profyl an wonisogeth Geltek, mes treweythyow re ledyas dhe sakrifis a wiryonsys ha diversieth. Ni a vynn aswonvos ha kennertha an wreyth lien-gwerin a'gan gonisogeth y'n kettermyn solempnya kowlryansow an re na neb re'n dros dhe wariva an bys.
Ni a'gan byth keskusulyans may fo klywys levow a dus. Towlenn an keskusulyans a wra synsi puptra ha pub huni hag a wra kennertha omjunyans. An fordh may hwren ni towlenna a wra poesleva an pyth a brof pub henedh ha kennertha ynterwryans leun y styr.

Derivas kott

Benynes Keltek Keswlasek re wrug an kynsa kammow istorek war an fordh dhe aswonvos brassa a venynes marthys a-ji dh'agan gonisogeth. Orth y wul, i re'gan awenis dhe omjunya gansa hag avonsya an konvedhes hag ewnvreus a'n bobel Geltek oll.
Benynes Keltek Toronto yw kommytys dhe fondya y skorenn avel ankor rag tevyans an keskowethyans yn Kanada ha ri gweres dhe dhisplegya kompas keswlasek an vammvagas.Hynsow Keltek. an keskusulyans, a vydh rann yntegral dhe gowlwul an kostennow efan a bagsaow keswlasek ha teythyek kekeffrys.

Home | Statement of Purpose | Background | Programming | Register | Contact