THC : Se donas Di' al vi favoron
TTT-Himnaro Cigneta (al la titolpagxo)

FIDO AL DIO
PRO LA BELO DE LA TERO

Se donas Di' al vi favoron
La Gaja Migranto

Germana originalo : Wem Gott will rechte Gunst erweisen
Der frohe Wandersmann

Verkis (germane) : Joseph von EICHENDORFF
(HE misliterumas lian nomon "Richendorff")
Esperantigis : Ludoviko Lazaro ZAMENHOF

Fonto : TK 29 (= Ad 917, HE 107)

  1. Se donas Di' al vi favoron,
        Li sendas vin for el la dom',
    Por montri sian mirlaboron,
        La belan mondon, al la hom'.

  2. De l' montoj riveretoj fluas,
        Alaŭdoj kantas super mi;
    Mi ankaŭ gajan kanton bruas
        Al la tutmonda harmoni'.

  3. Al Dio fidas mi kun ĝojo.
        Li zorgas pri la tuta ter':
    Li ankaŭ min, sur mia vojo,
        Eterne gardos de danĝer'.

Melodio: WEM GOTT WILL
Komponis: Friedrich Theodor FRÖHLICH
MIDI TK*

Alternativaj Melodioj:

GOTT WILL'S MACHEN
Komponis : J. Ludwig STEINER : MIDI CSH*
Rim. : Mi ne plene komprenas, kiel oni laŭigas la tekston al la melodio de Steiner. Tamen, ĝin mencias kiel alternativon HE.

STRATHFIELD
Komponis : Granville BANTOCK, antaŭ 1906 : MIDI HE*

TTT-Himnaro Cigneta
is affiliated with
Eldonejo Cigneto