<EnJoY LiFe 96> - Eunice's Wedding
終於到左今日喇，今日係 Eunice 嘅大喜日子 ~
我嘅心情都非常非常緊張，因為第一次做姊妹兼晚宴 MC。
我晨早六點鐘就起身 set 頭，再趕去 Eunice 係藍田嘅屋企份妝，
同埋準備接新娘嘅遊戲，時間過得好快，新郎同班兄弟好快已經黎左。
我地玩嘅遊戲都唔係好激，玩甜酸苦辣問答遊戲，Edwin 答錯左好多條，
成班兄弟要陪佢食我地泡製嘅甜酸苦辣棉花糖，Edwin 仲食到標眼水呢，哈哈！
之後佢地要拎番舊冰裡面條鎖匙出黎，Edwin 好型，一手就整碎左舊冰。
最後，當然係愛的宣言啦，好 sweet sweet 呀！
新人敬完茶之後，我哋就搭車返教會準備婚禮儀式，我負責接待，
因為好多人都直接上左三樓教堂，無去到二樓接待處，我都唔係好忙。
儀式好簡單，但係都非常感人，每一次參加別人嘅婚禮都無感動得眼濕濕呢！
儀式好快就完左，而我嘅心情就愈來愈緊張，時間過得真係好快，
好快就要做 MC 喇，我地仲未綵排過，真係好驚呀！
因為做 MC 所以第一批出發去酒店，因為心急一制，
一坐落架私家車個陣，坐爆左條裙嘅肩帶....
好彩Belinda坐我隔離，幫我用扣針整番咋。
去到酒店，超級凍又超級驚，先同嘉城綵排左一次，
之後搵化妝師幫我 set 過個頭，set 得好靚呀！
係我又凍又驚咁等待晚宴開始嘅兩個鐘，各位兄弟姊妹都好好人咁鼓勵我，
送上熱水及熱餃子，為我祝禱，多謝你哋呀！^_^
晚宴終於開始喇，可惜隻 DVD 最初播唔到，延遲左幾個字先開始，
頭一 part 新人進場，切蛋糕同埋合巹交杯，都好順利咁完成左。
之後開始上菜，唔知點解酒店上得好快，一個菜未食完已經上第二道菜，
打亂左我哋嘅節奏，我地好快就要再上台講解祝福語 SMS 遊戲，
好彩大家嘅反應都好好，差不多每一台都有 send 到祝福語 SMS.
敬酒完之後，Edwin 獻唱左一首歌俾 Eunice，加插左拋花球環節
(出去嘅每一個兄弟姊妹其實無一個想接架，哈哈)，
最後，宣讀埋大家俾 Eunice 同 Edwin 嘅祝福。
YEAH，搞掂左喇，終於可以鬆一口氣，同埋勁食野啊，哈哈！
今晚好彩有嘉城係度，好多突發野都係靠佢搞掂架，
希望 Eunice 同 Edwin 會鐘意我哋嘅安排啦！
Eunice & Edwin,
Wish you two have a happy & joyful life together！
May God Bless You！
 |
That's my life! =D VienneTTa 27-December-2008 |
-------------------------------------------------------------------------------
~ Love Never Fails ~