Katuturan ng Gawaing Enta

sa Layunin ng

Ateneo

Kasaysayan ng Entablado

Adhikain ng Entablado

Mga Miyembro

Kahusayan sa Larangan ng Akademya

Sa Larangan ng Kristyanong Pagtubo

Sa Larangan ng Pakikibahagi Sa Lipunan at Pulitika

Sa Larangan ng Kultura

Sinisikap ng Ateneo na buhayin sa isipan ng mga miyembro ang apat na adhikain ng isang Heswitang Edukasyon.

1.) Kahusayan sa larangan ng Akademya

Likas sa ENTABLADO ang hingin ang oras at pagtataya ng mga kasapi nito sa kadahilanang maraming mga gawain at pageensayo ang kinakailangan gampanan. dahil dito, mahalaga na ang mga miyembro ay mag-aral ng mabuti upang magampanan nila ng maayos ang kanilang mga tungkulin.

Pinapaalala ng mga pinuno na maari lamang nila isabuhay ang mga adhikain ng grupo kung sila ay mananatili sa Ateneo. Ang tunay na paghamon at pagsubok ng kanilang pagkamiyembro ay makikita nila pagkatapos nila sa kolehiyo. Kainakailangan angkin nila ang kakayahan upang magawa silang kongkreto para sa lipunan. At ito ay maarai lamang kung pinaghusayan nila ang kanilang pagaaral. Sabay na pagpapaalala sa kanilang responsibilidad bilang magaaral, hindi hinhihikayat ng ENTABLADO umarte o gumanap ng mabigat na tungkulin ang isang miyembro na may mababang marka o QPI sa nakaraang semestre.

"Atenista ka muna bago Entadir."

2.) Sa larangan ng Kristyanong pagtubo

Makikita sa kahulugan ng ENTABLADO ang pag-aalay ng mga gawa ng grupo sa DiyOs. Ito ang prinsipyong gumagabay at kumakalinga sa bawat hakbang ng grupo. Ang bawat gawain o pagtitipon ay sinisimulan sa isang sama-samang dasal upang magpasalamt sa mga biyayang natamo sa mga nakaraang araw, at paghingi ng lakas, paggabay, at bukas na isipan sa mga darating na gawain at pagsubok.

Pinapaalaala rin ng mga pinuno sa mga miyembro na kinakailangang pausbungin ang tiwala at pagmamahal sa bawat ias upang makapagtrabaho ng maayos at matiwasay. Para sa mga taga-ENTABLADO hindi mahalaga ang mga palakpak sa pagtatanghal o mga gantimpala; ang mahalaga ay mayroong mga taong napagpamuni at nakakuha ng mensaheng gustong ipaabot ng grupo, at ito ay ang magsumikap na kumilos, pagkatapos makapanood ng dula.

Ang pagbalik sa ugaling mag-prayer session ay isang pagpapakita na pinahahalagahan ng organisasyon ang isang masaganang buhay ispirtwal. Kabilang ng pagiging mas malapit sa Panginoon, ang mga prayer session ay pagkakataon upang magkaroon ng mas malalim at mas buhay na pagkakaibigan ang mga miyembro ng organisasyon.

3.) Sa larangan ng pakikibahagi sa lipunan at pulitika

Bilang organisasyon naniniwala sa pagiging tao para sa kapwa ng bawat Atenista, sinisikap ng ENTABLADO na gamitin ang teatro bilang instrumentong makapagpakita ng mga panlipunang katotohanan sa ating bansa. Hinahangad ng organisasyon namaging mulat sa mga pangyayari na nagaganap sa Pilipinas, at maging bukas sa pagkakataon na makakilos ukol dito.

At dahil dito ang mga tema ng mga isinasadula ng grupo ay ang mga isyu na ukol sa mga nagaganap sa buhay ng tao, sa lipunan, bayan, lansangan at Diyos. Ang mga ed sessions ay mahahalagang bahagi ng programa ng organisasyon ngayon. Dito namumulat ang mga miyembro hinggil sa kaganapang panlipunan. Nagkakaroon rin sila ng lugar kung saan maari silang makaisip as kanilang sarili at nakabuo ng opinyon tungkol sa iba't ibang isyu.

Bilang kaisa-isang socially-relevant experimental theater organization sa Ateneo, tinatanggap ng ENTABLADO ang hamon at responsibilidad na isalamin ang mga katiwaliang nangyayari sa ating lipunan sa pamamagitan ng mga produksyon, mga impormal na pagtatanghal ukol sa napapanahong mga isyu, at mga makakabuluhang proyekto ng mga kapwa mag-aaral --- tulad ng

naganap na pagtatanghal sa mga area ng Musmos, AtSCA at ACIL, pagtatanghal sa Sapang Palay sa tulong ng OSCI, ang MULAT para sa Sanggu at pagsasagawa ng mga caf raids para sa ADSA, Sanggunian ng mga Mag-aaral, OSA, COA, SOA, at iba pang mga organisasyon. Tuluyang ginagawa ito ng ENTABLADO upang ang mga miyembro ay mamulat, mag-isip at makilahok sa paggawa ng mga pagbabago sa mga nakikita at nararanasan nila.

Mayroon rings mga benipisiyaryo ang mga produksyong ng ENTABLADO, isa na rito ang New Beginnings at Musmos Scholorship Fund noong tinanghal ang Angnas sa Laman, ang Payatas ng MeCO noong tinanghal ang Mga Indios Bravos, at ang MOLDA para sa Paano Kung.

4)Sa Larangan ng Kultura

Sinisikap ng ENTABLADO na manatili at manatili at malinang ang pagkaugat ng organisasyon at ng mga miyembro sa kulturang Pilipino. Ipinapalagay na sa pagtangkilik lamang sa sariling kultura tunay na malilinang ang sarili at maisusulong ang mga adhikain ng grupo.

Lahat ng mga dulang isinulat at itinanghal ng ENTABLADO ay gamit ang sariling wika ng bansa. Naniniwala ang oraganisasyon na mas maiintindihan at mas malakas ang tatama sa kaibuturan ng mga manonood kung ano mga ang ay nasa salitang Filipino. Nagpapalabas rin ang grupo ng mga dulang hango sa sinulat ng mga Pilipinong manunulat. ("Manynila: Sa

Mga Kuko ng Liwanag" ni Edgardo Reyes, "Agnas sa Laman" na hango sa Noli Me Tangere ni Dr. Jose Rizal, at ang dula ni Paul Dumol na "Pagliltis ng Mang Serapio."). Bukod pa rito, nagtatanghal rin ng mga dula ang ENTABLADO tungkol sa ating mga bayani gaya ng "Fuego", isang dula mula sa duolohiyang "Paano Kung".