direktor(paano)

Paano Kung

(Tala Mula Sa Mga Direktor)

Fuego

D_ernald(paano).jpg (10561 bytes)

Ilang tao na ba ang nakasalamuha natin sa ating buhay na nabigyang pagkakataong sumulat, gumanap, at magdirehe pa ng isang kakaibang dula ukol sa ating pambansang bayani?

Bihira lamang dumaan ang ganitong uri ng pagkakataon sa ating buhay kung kaya't sinunggaban ko na kaagad ito na parang asong hindi pa napapakain ng isang lingo.

Sa sang banda'y masasabing ang aking desisyong tanggapin ang Pagkakataong ito ay dulot lamang ng isang silakbo ng damdamin. Ngunit, lalo na't heto nandito na tayo at kami'y nagpapalabas, unti-unting namumulat ako sa katotohanang may malalim na dahilan ang aking pagiging narito ngayon. Habang kayong mga manonood ay sumisilip at unti-unting namumulaga sa kakaibang landas Na tinahak ng ating bayani, ako rin ay unti-unting namumulat sa aking mga responsibilidad sa loob at labas ng tanghalan. Ngayon.

Ernald Andal

Taglagas

D_mervin(paano).jpg (10849 bytes)

Una kong sinimulang isulat ang katha na ito noong ikalawang taon ko sa Ateneo. Iyon dapat ang magiging unang pagkakataon na makapagsulat ako ng dula para sa Entablado, ngunit dahil na rin sa pagkakakulang ng panahon, hindi rin siya natuloy. Buti na lamang.

Ngayon, sa ikaapat (at huli nang) taon ko sa paaralang ito, magiging ikatlong dula na ito kung saan ako ay nakapag-sulat. Matapos na rin ng apat na dulang gumanap ako sa pag-arte, ito na ang magiging unang pagkakataon ko upang makapag-bigay ng direksyon sa umaarte sa sarili kong cast.

Noong unang simulan ko ang pag-habi sa istoryang ito, aaminin kong na-"astigan" lang ako sa ideyang makapagsulat ng kontemporaryong kwento na naka-dugtong pa rin sa "sinaunang mga alamat" sa Bibliya. Naaliw at na-"kyutan" lamang ako na magamit bilang romantikong metopora ang Katapusan ng Mundo sa pagpapakita sa Tag-lagas na nagaganap sa loob ng tao.

Marami ngang magagawa sa tao ang paglipas ng panahon - kahit sa akin siguro ay marami na ang nagbago, sapagkat ang limitadong pananaw na iyon ay kusa na ring lumisan sa akin. Buti na lamang at ngayon ko lang bubuhayin ang dulang ito; hindi ko siguro makakayanan ang lahat ng ito kung pinilit kong gawin ito dati.

Maraming salita ang masasayang, maraming eksena ang magkukulang, maraming pananaw ang hindi maiintindihan. Buti na lamang at ngayon, ay alam ko na ang tunay na kahulugan ng Tag-lagas.

Kaya't ngayon, sa pagpapalabas ng obrang ito, nagpapasalamat ako sa lahat ng mga kaibigan at pamilya na nakatulong sa pagbibigay direksyon sa akin sa pagbibigay direksyon at buhay sa dulang ito. Nawa'y makita ninyo ako, at ang sarili ninyo sa munting kathang ito.

Mervin Ignacio

buod | ang mga nagsipagganap | mga piling larawan