|
Biografia
OTko
irabazle suertatu ondoren, Ainhoari ateak ireki zitzaizkion. Emilio
Estefanekin lehenengo diska grabatzeko aukera eman zioten baina hori
burutu aurretik, bira bikoitz bat zuen. Lehendabizi bere OT2ko
kideekin eta ondoren "Generación OT" izeneko
ikuskizunarekin. Azken bira hau egiten zuen bitartean grabatu behar
izan zuen diska Miami-n, Emilio Estefan-en "Crescent Moon"
estudioetan. Diska honetako kantuen artean ("Esencia
Natural") izugarrizko bitxiak aurki ditzakegu: "Acéptame
Así", "El Amor Me Está Llamando" eta
"Decídete" single-etatik hasita, "Cuando Tú No
Estás" eta "Resignación" bezalako kantu leunetara
iritsi arte. Hala ere, dudarik gabe azpimarratu behar dugun kantua
Ainhoak konposatutako kantu bakarra da (diska honetarako): "Lo
Bueno Queda". "Esencia Natural" honetako
partehartzaileak izen ezagunekoak dira: Jon Secada, Diane Warren,
Gian Marco, Shakira...
Diska
kaleratu orduko (2003ko uztailaren 7a) promozioaren ateak ireki
ziren. Promozio honi ekiteko, lehenengo single-aren bideoklipa
grabatu zen, "Acéptame Así"-rena hain zuzen. Single
honekin egin zen promozioa oso eskasa izan zen arrazoi bat zela eta:
bere udako bira hastear zihoala, auto-istripu bat izan zuen. Hau
zela eta, kontzertuak, TVko agerpenak, etab. ezeztatuak izan ziren.
Ainhoaren promozioa denbora batez geldirik egon zen.
Iritsi
zen bigarren single-a eta honekin bat Ainhoaren eraberritzea.
Istripuko kolpeetatik berreskuratu zenean, "El Amor Me
Está Llamando"ren bideoa grabatu zuen Bartzelonan. Bideo
honetan gehienbat aipatu behar duguna ainhoazaleen partehartzea
da. Single honekin Ainhoak egin zituen telebistan agerpen
gehiago baina ez berak merezi duen adina. "El
Amor Me Está Llamando"ren ondoren, beste single bat
kaleratzeko dudak sortu ziren, baina azkenik, "Decídete"rekin
geratu ziren. Kantu honek ez zuen izan bideoklipik baina irratietan
gehiago entzun zen telebistan baino. Ainhoa
ere ihardun da penitsulatik kanpo bere lehen pausuak ematen.
Konkretuki Puerto Rico-n bi aldiz egon zen: bata, 2003ko abenduan
eta bestea 2004ko uztailean. Azken honetan, PR-ko "Festival de
la Bahía"n parte hartzera joan zen. 150.000 pertsonen aurrean
bere emanaldia egin ondoren, irabazle suertatu zen gure Galdakaoko
pantera (Urrezko Garita eskuratu zuen). Ongi
dakizuenez, Ainhoak egin dituen kontzertuak oso urriak izan dira.
Bakarlari moduan hiru bakarrik egin ditu: Bilboko "Garden"
eta Bartzelonako "Luz de Gas" aretoetan (bi hauek diskaren
aurkezpenak) eta Santurtziko jaietan. Ainhoak
2004ko abuztua erabili du "Mi Tiempo Roto" izenpean
aurkitu dugun diska berria grabatzen. Urriaren 19an kaleratu zen eta
"Seguiré Estando Yo" kantua aukeratu zuen lehenengo
single bezala. Single honek ere badu bere bideoklipa. Bideoklipa
Madril-en errodatu zen eta webgune honetan aurki ditzakezu zenbait
irudi. Diska
berri honetan gehiago zentratuz, 12 kantu dituela eta horietako 3
guztiz bereak direla esan behar dugu. Hiru kantu horiek "Tengo
Que Aprender", "A Veces" eta "En Silencio"
dira. Bestalde, gainontzeko kantuetan Ainhoak bere partehartzea
erakutsi du, bere bizipenen letrak eta zenbait abestiri ere koroak
eginaz. Dudarik gabe, orain arteko diskarik pertsonalena dela esan
genezake. Ainhoa
Valentzian promozioan aurkitzen zela, bigarren auto-istripu bat
jasan behar izan zuen irrati batera taxian zihoala. Taxistak
"ceda el paso" bat saltatu zuenean gertatu zen gertatu
beharrekoa. Ondorioetaz hitz egitean, esgintze zerbikala eta
sudurraren fisura bat esan beharko genuke. Honek Ainhoaren diska
berriaren promozioa oztopatu zuen 2 astez. 
 
|
© 2004