¡ EHTREMAÚRA, IHPIERTA!


¡Ehtremaúra, ihpierta! ¡No te queih
Enchihconá, hadiendu pucherinuh,
Pulisa po' la ehtoria y el olbíu;
Solbiendu, laguinosa, glarimonih
Ahita d' ehperal!
¡Ehtremaúra, huerti, da rehuerti;
No ehih que te huellín loh olbíuh,
Que mairí que loh ihuh, da al trabaju,
Ya tie pol qué esehil;
No tie pol qué callal!
¡Alantri, Ehtremaúra! ¡Ala p' alantri!
No ehih de palral. Un hurtu 'e sangri
Bien hadrá que s' ehtrumpan loh oyíuh
D' ehta Ehpaña lehía a tu himplal.
¡Palra, mi tierra, palra,
polque na máh gatean loh galronih
Y loh pacientih, na!
Gañil, ay que gañil;
Degolbel loh desaciuh en gritíuh
ahta qu' ehtrumpan muehtrah sierrah toah.
Asín, moh oyirán.