Waise main professional shaayar hoon nahin,
lekin kabhi kabhi shaayari karti hoon
Aapko meri shaayari shaayad pasand aaye nahin
lekin ek baar padh lijiye, yehi request karti hoon

Dil ka ek tukda tha
yahin kahin...shaayad kho gaya
Ab tak to humara tha
ab shaayad aapka ho gaya

Hum bhi pagal hain
Har cheez se dil laga lete hain
Kaash hum is dil ko qaabu mein rakhte
to aaj judaai ke ghum mein na rote

Insaan bhi kitna naadaan hota hai
Har cheez ko dil mein rakh leta hai
Par woh yeh nahin jaanta
ki...Judaai har pyaar ka naseeb hota hai

Koi aisa na hoga, jise pyaar na hua hoga
Koi aisa na hoga, jiska dil na khoya hoga
Koi aisa na hoga, jo ishq mein na roya hoga
Koi aisa na hoga, jisne mohabbat ka yeh imtehaan na diya hoga

Sazaa mili is dil ko
jiski koi khataa hi nahin thi
Qasoor to in aankhon ka hai
jin mein waffa nahin thi

More Shaayari
Shaayari Home Serious Shaayari Humorous Shaayari Hindi Shaayari In English My Favourite Lyrics Quotations