Welcome to Sher Aur Shairies Page No.29

  1. Nagari Nagari

Nagari nagari phiraa musaafir,
Ghar kaa rastaa bhool gaya.
Teri kayaa dekh kar gori,
Man apanaa paraayaa bhool gaya.

  2. Har Gali

Har gali achchhi lagi,
Har ek ghar achchha lagaa.
Voh jo aayaa shahar main to,
Shahar bhar achchha lagaa.

  3. Yaadagar-E-Shahar

Kuchh Yaadagar-E-Shahar-E-Sitamgar hii le chalen.
Aaye hain unki gali main to patthar hi le chalen.

  4. Teri Yaaden

Ujaale apani yaadon ke,
Humaare saath rahane do.
Na jaane kis gali main,
Zindagi ki shaam ho jaaye.

  5. Rahate The

Rahate the kabhi jin ke dil main,
hum jaan se bhi pyaaron ki tarah.
Baithe hain unhi ke kuche main,
Hum aaj gunahgaaron ki tarah.

  6. Tum Ho Yahan

Log samajhte hai ke humne tumhe bhula rakha hai,
woh nahi jante ke dil mein chupa rakha hai.
Dekh na le koi tumhe meri in ankho me,
Is darse palko ko jhuka rakha hai.

  7. Mohabbat

Mohabbat ke naam se darte the,
Dil ki dhadkan dhadka gaya koi.
Hum anjaani raahon pe chal rahe the,
Achaanak hi manzil dikha gaya koi.

* Home * Prev * Next * Last *