هوه مش آن الأوان

والا ليل الظلم باقي والفجر ماطلعلوش آدان

هوه الضمير مات يابشر  وعقولكو تاهت من زمان

وانتو بتشوفوا الصهاينة بيقتلوا ف خضر العيدان

ورصاص كلابهم ينطلق  وبيقتل الدره وايمان

مهرك حبيبتي ياقدس غالي  الدم سرسب ع الحيطان

نازل بيروي ف أرض طاهرة  اتخضرت فل وريحان

ياأرض حيفا وأرض يافا وأرض عكا وعسقلان

ياأرض شبعا الحرة قومي  وصحصحي أرض الجولان

زلزلوا أركان كيانهم واطمروهم بالطوفان

وانتي ياقدسي الجريحة  اصرخي ف جوف الزمان

واندهي وبأعلى صوتك  دول رجال سدوا الودان

مابيسمعوش غير للأغاني مابيطربوش غير للكمان

مايروحوش غير للملاهي للست نانسي أو رزان

ويناضلوا قدام الدشوش والمصيبه انه كمان

يستنجدوا باللي اسمه بوش مابيعرفوش انه الشيطان !

دالشيطان تلميذسيادته !  قاعد بيلعب بالخيطان

والمصيبة فاكرنا  لعبه يقدر يحركها ببنان

بوش ده ياسادة هولاكو مش حكيم أو دونجوان

يارجال الأقصى شبوا واطلبوا العزة بنيشان

والنيشان هو الشهادة   لجل ماشرفكم يصـــــــــــان

وانتوا ياابطال الفالـــــــوجا اثبتوا ف أرض الميدان

بإيديكو تبنوا مجدكم  وتأدبوا  الغازي الجبان

ساعتها نور الفجر يضوي . وودانا تسمع له آدان

***

شعر... حسني جاد