أنا بعشقِك

قالهالي مرة واختفى

أنا بعشقِك

قالها وحسيت بالدفا

ولقيتني طايره في السما ويا النجوم

وساعتها قلت ان الفرح جاي كل يوم

وكنت شايفة ان الفرح كان مستحيل

لكن فاجأني بكلمتة وعشقة الجميل

ولقيتني باغزل م الفرح توب الغرام

ولقيتني باعشق بسمته طول الدوام

ولقيت ايديا بترتعش لما تلاقيه

ولقيت لساني بيرتجف من غير كلام

آآه يازماني آآه

عيشتني ف حلمي الجميل

آآه يازماني آآه

سهرتني ف ليلي الطويل

ولا كنت حاسة بالجفا بعد الوفا

ولا كنت شايفة م الزمن غير الصفا

ليه بس قاللي واختفى

ليه بس ضاع مني الدفا

وياريت ماقال ولا عاد وزاد

ولاكنت ادوق طول البعاد

ولااكنت أعيش أحلم وافكر

ولا كنت أعيش ليل السهاد

لكن أعمل ايه ياهل الهوي

أنا أعمل ايه ويا الهوي

غير إني أحلم باللقا

وأعيش غرامي مصدقة

انه حيجي ويقولها تاني

وأشوف آمالي متحققه

ماكدبش قلبي ياناس عليا

لما لقيته باعت هدية

هوه جواب بيقوللي فيه

سامحيني ياقلبي وعنيا

أنا غبت عنك غصب عني

لكن النهارده انتي اللي ليا

ولا عمري مره رايح اسيبك

دانا باعشقك  أنا باعشقك

قد روحي وقد عمري

وقد أيامي الهنية

مع تحياتي

عاشق الورد

السابق الصفحة الرئيسية التالي