لو تسألوني أنا الحب حكايته ايه
بس اسمعوني أنا لما اجاوبكو عليه
أبدأ كلامي واقول جاني الهوى ف ليله
إلا ورماني الهوى بسهمه اللي وراني
أجمل قدود شوفتها مهره بجد أصيلة
وندهني الحب وسمعته وبكلمة حلوه وجاوبته
قاللي سلام لك ياغالي ياأغلى حب آنا صادفته
قاللي افتح القلب لحبي وفتحت قلبي ودخَّلته
سألني مره وسألته وجاوبني برضه وجاوبته
قاللي بصراحه حبيت حد أنا قلت قبلك ماعرفته
أنا كنت عايش ف الأحلام وعمر حلمي ماحققته
سألته فيه غيري حبك و حد قبلي شاف قدك
قاللي لاقبلك ولا بعدك أصلي أنا سهم وقاصدك
وانت كمان سهم وصابني مكتوب عليا ومكتوب لك
أنا قلت قرب واحكيلي وياريت تكون انت دليلي
قاللي ح أكون لك نجم الليل
وانت كمان قمري ف ليلي
أنا قلت ياأعز الأحباب ياأغلى م الناس والأصحاب
برضايا راح اسلم قلبي وتعالى و اسمع مواويلي
وفرشنا بالحب طريقنا وقلوبنا ترسم أحلامنا
أنا قلت الله ع الدنيا لما القلوب تهوى ف ثانيه
****
مع تحياتي
حسني جاد