لأول مرة من عمري

مابين ورقي وأقلامي

تتوه الكلمة عن سطري

ومالقاش حرف قدامي

تاهت ليه الحروف عني

وليه تاه عني الهامي

وكانت كل يوم تظهر

لوردي وعشقي وغرامي

وبعد مناهدة وملاوعة

لقيت الحرف جاي ساعي

حاولت الملم الفكرة

واقول كام كلمة ف وداعي

تقول الكلمة لايمكن

أكون منبت لأوجاعي

بلاش تبعد بلاش ترحل

وداعك ده مالوش داعي

أنا الكلمة ف عبير وردة

تعطر قلبك الصافي

أنا البسمة أنا الفرحة

وساكنه ف حضنك الدافي

لقيت كل الحنان عندك

وكنت تقوللي ماتخافي

أنا عاشق ورود حرفك

وحلمي إنتي وأطيافي

وبعد دا كله جاي تكتب

عن اللي يخلق احزاني

وتبقى نسيت كده عشقك

وتبقى وحدك الجاني

ومين يسقي الزهور بعدك

ياويلك لو صبح فاني

لايمكن عندي راح تلقى

حروف العشق من تاني

لأني مش حاكون ملكك

راح ابقى للي يهواني

***

مع تحياتي

عاشق الورد