مجروح ياقلبي وجرحك قاسي مالهوش حدّ
جرحك دا لو في جبل كان الجبل ينهدّ
راحت ليالي الهنا مفضلشي غير البعد
وانت زرعت المحبه ملقيتشي غير الصدّ
***
مجروح ياقلبي وياريت الجرح تلقى دواه
حاسس ياقلبي بلوعتك م الغدر واللي وراه
اوعي تسلم مهجتك للي ح يلعب بيك
وكفاية ظلم اللي غدر واللي مضى بننساه
***
مجروح ياقلبي بإيد اللي افتكرته حبيب
اللي عشقته بروحي واللي جعلته نصيب
فايت ودادي وهجرني والغدر بان ف عنيه
واهو رماني وسابني نســي كأني غريب
***
مجروح ياقلبي وضناك جرح الزمان والآمه
واللي غدر به الزمن راح يبكي ع اللي جراله
هوه الزمان ده كده اتغيرت أحواله
زمن المحبه انتهى واتبددت أحلامه
***
مجروح ياقلبي والبكى قاسي وصعبان علينا
لا حد داري بنارنا ولا فيه زمان يداوينا
حنعيش ياقلبي حزانى ولا حد حاسس بينا
تعالى ننسى اللي غدر إلا عمايله .. فينا
***
ياللي نسيت الهوى قلبي حزين مجروح
هوه الفراق لعبتك والهجر لك مسموح
بكره عمايلك تقولك دوق الالم والنوح
وا ما ح تيجي تلاقي القلب مش مفتوح
***
مع تحياتي
عاشق الورد
