ماكانش العشم تهجر وتنساني
ماكانش العشم تفوتني وحداني
والا عشان قلبي حياته محبتك
تسقيني من كأس الجفا وملاوعتك
***
اثبت لي مره إني كنت بلوعك
أو أي كلمة كنت اقولها تجرحك
***
وكل ثانية باشتهي لحظة لقاك
وكل كلمة قولتها نالت رضاك
وكل فرحة شوفتها كانت معاك
***
أنا مش باعاتبك أنا بس عايزه افهمك
أنا عايزه قلبك يمكن بحبي يرجعك
وياريت تريح قلبي الله يريحك
***
ومهما كان ردك عليا لازم وأبدا أقبله
ومهما كان يحمل قسيه قلبي الكبير يتحمله
وان كان هواك عالى عليا لابد إني أوصله
***
وياخوفي لو كان الهوى وهم وسراب
ساعتها اخبي دمعتي وارضى العذاب
ولازم ارضى بالقدر من غير عتاب
***
صارحني وحياة الهوى اللي جمعنا من زمان
ح نعيش ف دنيتنا سوا والا أنا ماضي وكان
واوعى تكون وهم ف حياتي واوعى تكون صورة وخيال
واوعى تكون رحلة سفر كان اللقا فيها محال
****
مع تحياتي