ماتحلميش إني ح ارضى بالرجوع
ولا تحلميش إني ح ابكي بالدموع
ومهما كان سحر الشفايف
مش ممكن اقبل بالخضوع
وانتي المي اللي ف عذابي ووحدتي
وانتي فصل كانت نهايته
أول ما شوفتك قلت الله ع الجمال
عشقت صورتك وعشت باحلم بالآمال
يوم مااتقابلنا واتفقنا ع الوصال
ماكنتش اعرف الجمال ده مخبي ايه
ولا كنتش اعرف الخداع اللي مداريه
بس كانت قصة لازم تنكتب
وحب كان طهر وبراءة بابتديه
ولقيتني باجمع كلمتي وبدأت أكتب قصتي
كل الفصول كانت تمام كل الكلام حب غرام
مافضلشي غير أكتب نهاية واقدر اكمل فرحتي
بس ياخسارة النهاية ياريتها ماكانت نهاية
النهاية شيء مخيف كلها لعب وغوايه
لما شوفتك في الطريق ماشيه ومعاكي رفيق
والشفايف لامسه الشفايف وعيون بتنطق بالخيانة
كدبت عيني وقلت لأه دي واحده تانية غيرك انتي
قربت منك وسمعت صوتك وضحكة طالعة منك انتي
صدقت عيني وصدقت نفسي وجرح عمرى اللي اتولد
جرح الخداع اللي ف جمالك والخيانة منك انتي
مستحيل اقدر اسامح أو أفكر في الرجوع
عزة النفس اللي عندي ماتجاريش لحظة خضوع
ياجرح عمري ابتعد ابعد هناك خليك بعيد
مش ح تملك قلبي تاني لو بكيت دم ودموع
مع تحياتي
حسني جاد