مش ح اقدر انسى
مهما حاولت تنسيني
مش ح أقدر أبعد
هوه اللي بينا ياروحي شويه
ده حب عمري وضي عنيا
حبي ليك أهو رجعني
وتعالى ياحبيبي طاوعني
وف حضن قلبك دفيني
***
ان كنا مرة اتفرقنا
دي مره واحده مش اكتر
وان مرة تانية تزعلني
ف البعد عنك مش ح اقدر
ر ايحه ارسمك صورة جميلة
واحطها قدام عيني
وانشد واغني وتسمعني
عطشانه ياروح قلبي اسقيني
وتعالي ياحبيبي طاوعني
وف حضن قلبك دفيني
***
واوعاك تجرح قلبي
بعد الحب معاك
دا انا ياحياتي ياروحي
بفرح لما القاك
والقى الحب ياخدني
بجماله واحلامه
والقى الفرح يجيني
وبعيش مع ايامه
آدى قلبي بينده لك
يجري لك ويروح لك
يسعد لما يشوفك
يتنسم بهواك
ياحبيبي ..عطشانه
باندهلك تسقيني
اسمعني ياحبيبي
وف حضنك دفيني
* * *
مع تحياتي
حسني جاد