مابتتحرمش  باين طبعك عِنَدي وكداب

ومابتبعدش اما باقولك ارحل ياعذاب

إن كنت عنيد أو تتعاند انا برضه عنيده

واوعاك تتصور في خيالك أنا لعبة جديدة

تفرد في شباك انت فاكرني ح اتعلق بيك

وتقول أشعار ح تغرقني في بحور لياليك

لكن على مين المرة دي وانا عارفة حكايتك

وقريت في قاموس غرامياتك اللعب هوايتك

أصلك بتواعد وتدوب في قلوب عاشقين

وياما وقعوا كتير قبلي دا صحيح مساكين

مابيعرفوش انك أكبر خاين وحسود

تسرح وتمشي بخطاويهم في طريق مسدود

روح روح صدقني روح اتعلم ازاي حاتحب

ولايمكن يوم حا تغرقني  وافتح لك قلب

وان كنت بتحسب مراسيلك تعمل مفعول

كان ممكن قبل انت ماتكتب تصدق في القول

لكن دا طبعك ايه الفايدة عليه اتربيت

و الغدر فيه دايما غالب مهما ادَّاريت

انت اللي جيبته كده لنفسك خلتني اقول

واكشف عمايلك وأقولك ارحل على طول

****

مع تحياتي

عاشق الورد