ناداني الشوق وانا غايب عن الأحباب
وشوفت الفرحه نسياني بين الأغراب
لافرح معايا يسعدني والا اللي غاب
شكيت البعد وجراحي مالاقي جواب
***
رجعت لوحدتي ابكي وحالى حزين
رجعت اتذكر أيامي وأحلى سنين
لقيت الذكرى بتزيدني عذاب وأنين
وأنا اللي كنت باتغنى باحلى رنين
***
لإمتى يادنيا واخداني بعيد عنهم
وانا اللي كنت باتشرَّب حنان منهم
يادنيا جاوبي وكفايه عذاب ومرار
عشان اكتب بأحلى كلام واطمّنهم
***
والاقي الدنيا بتجاوب ياعيني عليك !
عذاب البعد ومراره دا كان بايديك !
حياة البعد مختارها بكل رضاك
رجعت وتشتكي مني وعايزني ارضيك !
***
رجعت لوحدتي تاني وقولت يأاااااه
فينك ياحبيب قلبي ياأغلى حياه
ولسه دموعي راح تنزل ودق الباب
لقيت ساعي البريد جايني وجوابه معاه
***
فتحت جوابه قولت أقراه واتصبر
لقيت شوقه قصاد شوقي ماتتصور
لقيت الكلمه في جوابه تقول بلسم
***
كتبت كلام واحلى كلام بغازلهم
ناديت ساعي البريد تاني وقولت تعالى
وخد جوباتي يالا قوام روح ارسلهم
مع تحياتي