Aayyootu roorrifame
         Aabbootu dararame
         Ofi taanee dhalanne
         Ofi ta'uun yakkamne
         Kabajaa namoomaa
         Mirgoota uumamaa
         Jireenyaan mulqamne
         Jiruun awwaalamne
         Ajjeechaan daangaa tare
         Amma yoomi obsinaree?
      
         JENNEE__JENNEE
         Qalamaan katabnee
         Kitaaba qabannee
         Gaaffii mirgaa gaafanne
         Oromoon maa sarbamaa?
         Mirga abbaa biyyummaa
         Cubbuun maaliif yakkamaa?
         Shiraan maa ajjeefamaa?
         Labsii qonnaa sirreessaa
         Kun oromoo iyyoomsaa
         Kan barnootaas sireessa
         Wallaalatti nu geessaa
         (Safaraa fi qubsiisaa)
         Shira qaba of keessa
         akkum dargii kaleessa
         Oromoo godaansisaa
        
          Jennee --Jennee
          Gaaffii mirgaa gaafanne
          Deebii arganna seenee
          Garuu----garuu....
          Deebiin rasaasa taate
          Lubbuu keenya gaagate
          Lafeen cubbuun nucabe
          Dhiign cubbuun nucophe
          Lola'ee lafa gube
          Imimmaan aayyoo roobe
          Lubbuun karaatti nu hafe
          Rasaasa diinaan kufee
          Mirga sabaaf ol-kaanee
          Lubbuu keenya arjoomne
          Jireenya hin mararfanne
          Bilisummaaf of laanne
        
          OROMOO___OROMOO--OROMOO
         Lafee keenyaan adaraa
         Bilisummaa ijaaraa
         Dhiiga keenyaan barreessa
         Bilisummaa galmeessaa
         Booree keenya isin baasaa
         Imimmaan aayyoo qoorsaa!!!!!
         Imimmaan ayyoo qoorsaa!!!!!!

         Artist kumalaa addunyaa
         29 -4-2002

Sagale ekeraa ---- (kuta lammaffaa)