Jedhee sinitti dhaammata
          Ekeraan barattootaa
          Adaraa siniin jenne
          Akka lafatti hin ganne
          Dhangala'ee hafaree???
          dhigni keenya akka saree
          Ilmi isaa diinaan kufaa
          Abbaan galee rafaaree???????
          Booree ijoollee isaa nyaatee
          Lammiin koo callisaaree??????
          Jedhee sinitti dhaammata
          Ekeraan barattootaa

           Maarree----maarree
          eenyuutu booree nyaata
          Kamtu booree baadhata????
          Eenyutu booreen hafa??
           Kamtu kuffisee kufaa?
           Eenyutu boorree baasa
           Kaayyoo keena dhugoomsa
           Immimmaan aayyoo qoorsa

             AMMOO___GARUU
          Fedhii aangootiif jecha
          Ol-aantummaa barbaacha
          Ofittummaan of jaamsee
          Kan qabsoo gufachiise
           Alagaa jala goree
           Kan oromoo gurgure
           Saba isaa ajjeesee
           Kan alagaaf shubbise
           Sabaisaa irraa dheessee
           Kan alagaadhaaf tumse
           alagaaf eegee raasee
           Kan haqa oromoo dabse
           Kutaadhaan gagar hiree
           Kan lammii Walitti dire
           Oduu dharaa tamsaasee
           Kan oromoo addaan baase

               FARRAA____FARRAA
           Inni oromoof farraaa
           Akkas jedhee abaara
           Ekeraan barattoota
           DHiigni sb-boontotaa

           Imimmaan haadha dhiiraa
           Cituu didee wal irraa
           Fuula aayyoo coollessee
           Gad-roobee dachii jiise
           Galaana gannaa ta'ee
           Marsee sitti naanna'ee
           Guutee siyaa liqimsu
           NYaatee siyaa dhabamsiisu

           Ekeraan goota dhumee
           Lubbuun haqaaf dhabame
           Dhiigni goota lola'ee
           Lafeen goota boba'ee
           Sitti iyyee si naasisee
           Sitti huursee si wareersee
           Namummaa irraa siyaabaasu
           Jiruudhaan si haa joorsu
              Raata'ii
              Joortuu ta'i
             Namummaa keessa ba'i

         Artist kumalaa addunyaa
         07 -05-2002