黑米藍


	畢文集----劇本 <<黑米藍>>


黑片Ricky (V.O)：一出世阿媽就教我，忠忠直直終須乞食，所以小學五年班，我已經出來搞生意喇：一放小息，我就守住低年班那層的廁所，想屙尿咩，位位兩毫。出來時，我會找番個豆令畀佢地。點解？因為我仲有番D人性囉。 -------------------------------------------------------------------------------------- 場數：1 時間：日地：公司會議室人： Ricky Ho，Sam Yeung老板，秘書Jenny *蜥蜴：狗男女。* △Sam坐在會議室，Jenny坐在他旁 Sam: 個mintue你識得點寫嫁啦。 Jenny: 無問題丫，咁今晚－－ Sam: 你打完麻雀call我丫，我來接你。 Jenny: 你真係好既唧。 △敲門聲 Sam: come in △Jenny拿起文件走近門口，迎面Ricky進入會議室，Jenny瞄瞄Ricky。 △Ricky恭敬地站在Sam前，輕輕鞠躬。 Ricky：楊生 Sam：Ricky, 講個好消息畀你知!公司話你今年工作表現好好......我都話你得架啦！ Ricky：都係多得楊生你的提攜遮！(△狀甚刷鞋) Sam：咳、、、咁既，公司想送你去為期三個月的Tranning。你要好好珍惜呢個機會喇！ Ricky：Tranning?? Sam：係！完成之後，哈！哈！你仲會成為我地高層的一份子啦！ *Ricky：咁，係去Italy定係london呀？* Sam：噢！no no no!Ricky，係邊到係唔重要，重要的係學野！學野Ricky,係咪? *Ricky：係，我會畀心機嫁啦。(心聲：最緊要學你D衰野丫嘛!)* ------------------------------------------------------------------------------------------------------------------------------ 場數：2 時間：日地：寫字樓內人：職員一人,Ricky, 乞兒甲 △Ricky衣著光鮮穿過走廊，進入HE-MAN training內，朝接待處職員甲走，敲桌。 △職員甲看著報紙，不耐煩地瞄瞄Ricky，向內指，示意內進。 △ 乞兒甲出，Ricky內進，瞥見一邊牆上貼著一張紙，上書 "本月成績排行榜"。 △Ricky換上乞兒裝，手持破碗出。 △特寫學員証 *Ricky(VO心聲)：弊，放工時間喎，都係遲D先落去。* --------------------------------------------------------------------- 場數：3A 時間：日地：天橋底人：Ricky、路宿者訓練中心主任vo：呢張係你的學員証，夜晚照上面的地址去，我地安排左地方你住。上面有電話號碼，有緊要事可以打去。為免濫用，每秒鐘六毫。內線有100條。 Ricky發現天橋底有個用紙皮蓋成的窩。每個窩外都貼著編號：2046 △Ricky 進2046，內中躺著一高大的路宿者，貌甚兇惡，一手拿玻璃瓶，一手拿球衝出，Ricky被嚇退。 ---------------------------------------------------------------------------------------- 場數：3B 時間：日地：隧道人：Ricky △Ricky拖著紙皮走進隧道。 *訓練中心主任(VO)：唔想上呀？可以退出嫁，而家無人迫你嫁!我地都收晒學費咯。* *Ricky(心聲VO)：咁既乞兒COURSE都收錢？* *訓練中心主任(VO)：冇既，如果你退出，你公司會唔會處分你就好難講喇。你知啦，經濟唔好，你地D中層就最多餘既。* *Ricky(心聲VO)：唉，就呢度啦，咁肚餓，都唔知訓唔訓得著呢。* ------------------------------------------------------------------------------------------------- 場數：3C 時間：日地：街（暗角）人：Ricky（何顧洪） △Ricky發夢：在後巷找食物。 △夢見自已在垃圾桶中找到一個飯盒，盒內有幾隻蟑螂爭相逃走。 △Ricky口張得好大。有一隻爬到的嘴邊。Ricky大叫。 ---------------------------------------------------------------------------------------- 場數：3D 時間：日地：街人：Ricky（何顧洪） △Ricky驚醒，大叫，滿頭大汗。 -------------------------------------------------------------------------------- 場數：4 時間：日地：街人：Ricky，一個女人，路人若干。 △碗中仍無進賬，Ricky百無聊賴地打量經過的女人。邊抓癢，邊捽腳趾。 △一個老婆婆經過 Ricky(心聲v.o)：阿毛，施捨下啦，D錢唔施捨畀我，咪又係畀D孫偷來買fing 頭丸。 △ 從Ricky的觀點出法，低角度追蹤路過女人的胸部。 Ricky(心聲v.o)：嘩，身裁好正喎。……嘩，起碼36C喎… △一女人停下在掏錢，Ricky似有很大期望。女人摘下錢。 △特寫碗內五元人民幣。 △Ricky拿著人民幣五元，很無奈地瞄瞄走遠了的女人。 Ricky(心聲v.o)：下，人民幣？乜原來北姑黎架？ ------------------------------------------------------------------------------------ 場數：5 時間：日地：天橋底人：Ricky、路宿者 Ricky(V.O.)：訓報紙訓到骨都赤埋。唔得，成世人只有我佔人便宜，個竇係我既，我一定要搶番來。 △路宿者抬頭望Ricky，貌甚兇惡，一手拿玻璃瓶，一手拿球衝出，Ricky被嚇退。 ------------------------------------------------------------------------------------ 場數：6 時間：日地：街人：Ricky，一個女人，一個小孩 △ 破碗明顯並沒多少錢，漸漸看自到Ricky坐在街上睡。小孩：媽咪，佢係咪死左呀？ RICKY(V.O)：你死我都未死呀!** △小孩被拖走，Ricky仍沒起來。 ------------------------------------------------------------------------------------ 場數：7 時間：日地：街人：Ricky，傻仔 △Ricky經過一些食市，看看門外的菜單，摸摸肚皮。看見一個男子在吃老婆餅。 △Ricky抓著背，行近，坐在傻仔傍，打量老婆餅，慢慢用破碗作掩護，想從盒中偷一個老婆餅。 △傻仔瞪大眼看著Ricky的碗。 △Ricky看見傻仔的眼神，立刻縮碗。再看看傻仔，又想偷老婆餅。傻仔（△再看看破碗，對著破碗）：你個嘴崩左既，係咪好肚餓呀，我請你食一個丫！ △Ricky伸手拿老婆餅，一口吃下去，傻仔大叫。 △傻仔緊捉Ricky 傻仔：老婆！老婆！畀番個老婆我呀！ △傻仔扣Ricky喉，Ricky吐出剛進口的老婆餅。傻仔仍不肯放手，把RICKY打倒，拿起老婆餅，得勝地離開。 △Ricky躺在地上，五元人民幣掉在地上。 ------------------------------------------------------------------------------------ 場數：8 時間：日地：寫字樓內人：Ricky、乞兒同學三人、主任主任(VO)：連50蚊Quota都做唔到，成個月先得20蚊？你呀，人地淨係畀野你食，唔畀錢？你呀，人民幣？仲跌埋？咁既大話都作得出。你地唔好以為乞兒就唔使做。呢個世界係無不勞而獲既，只有不擇手段。 △ 主任從走廊走到會議室內，會議室外貼著 "本月成績排行榜" ，排行榜以倒數形式排序，明顯看到Ricky排在首位。主任：你地記住，要保持污糟，但唔可以有體臭，如果唔係邊個肯走埋黎畀錢你呀？你地重複一次我頭先講過既守則。乞兒乙：碗內唔可以放超過30蚊。亦唔可以無錢。乞兒甲：執垃圾，隨身攜帶，等人覺得你無家可歸。 Ricky：搵適合地點，遠離警察同黑社會份子。乞兒丙：發掘自己的潛能，化妝、表演樂器，用演技取爭路人的同情心。主任：記住，唔好以為人多就好，人流多，D人都唔得閒理你。最緊要認清對象，細路、女人就最有同情心。老人家就最好呃，演技差D都可以過骨。不過，記住仲有大把人好管閒事，會拆穿你。所以眼光要放得遠，一呃就要以呃全世界! 五人：係! 主任：好，大家再嗌一次口號！五人：做完乞兒，就做波士！主任：大聲D！五人：做完乞兒，就做波士！主任：好，散會。*返去自己練習下。* ------------------------------------------------------------------------------------ 場數：9A 時間：日地：隧道人：Ricky、乞兒甲 △Ricky起床，走到乞兒甲前，叫甲起床。 *Ricky(VO心聲)：起身啦。* *甲(VO心聲)：訓多陣先啦。* *Ricky(VO心聲)：快D啦，你都想發圍架!* △兩人朝隧道口走去 ------------------------------------------------------------------------------------ 場數：9B 時間：日地：廁所人：Ricky、乞兒甲、小便人 △小便人在小便，兩人走近，放下破碗，小便人馬上離開。 △Ricky小便後走到洗手盆前，甲還在小便。 *Ricky(VO心聲)：D尿咁黃咁濁既。* *甲(VO心聲)：扯，我D尿，黃到好似檸檬茶咁啦，咁先勁呀。* *Ricky(VO心聲)：勁？* 乞兒甲：夠勁未？ △兩人在洗手盆前整理儀容，Ricky點頭示意可以開始，乞兒甲一把掌刮Ricky Ricky：再大力D。乞兒甲（再一巴）：死未？ Ricky：再大力D。（乞兒甲再打一巴） Ricky:唔夠慘呀。乞兒甲：你咩新絲蘿白皮呀？想做高層？你憑咩呀？（再大力打Ricky）乞兒甲：你以為你過到呢關咩？做乞兒要食屎喎？你得咩？你鍾唔鍾意食屎？ Ricky:我鍾意食屎。乞兒甲：大聲D！ Ricky:我鍾意食屎！乞兒甲：你係咪人渣？ Ricky:我係人渣！我係人渣撈屎，我唔係人，我正乞兒！為左錢，我咩都肯架。乞兒甲（呆）：我叫你講一句之嘛！依家輪到我啦。打我丫！ Ricky:上頭叫我地要有創意丫嘛，唔係點做乞兒呀? -------------------------------------------------------------------------------- 場數：10 時間：日地：街/天橋(住宅區) 人：Ricky、伯伯 △教堂前 △Ricky坐在街角，跟前有"孤兒，無屋企"的字。 △伯伯拖著紙皮走近。 *Ricky(心聲 V.O)：教堂仲未放人嫁，耶穌，快D放D好心既教徒來啦。* ê伯伯走到Ricky前。 *Ricky(心聲 V.O)：阿伯，趁無乜人，快D畀我練下先啦。* 伯：你無屋企人既咩？ Ricky：我屋企人唔要我，你可憐下我啦？（扮低能）婆：你叫咩名呀？ Ricky：我叫２０４６呀，我最鍾意食揚州炒飯，不過我好耐都無食過啦。姑娘教我要做一個唔好怕蝕底的人，但係要成日捱肚餓。你可憐下我啦！我會好聽話嫁，我唔會賴尿，我仲識得唱歌添訝！你唔信呀？我唱畀你聽丫！ Ricky（唱歌）：世上只有媽媽好，有媽的孩子像個寶，我是個乞兒似根草，最想有米落肚。 △伯伯感動流淚 *Ricky(心聲V.O)：阿伯，睇完show畀錢呀。* △伯伯把幾張百元大鈔塞進Ricky袋中。 △*Ricky(心聲V.O)：咁就幾舊水喎，ALILUYA。* ------------------------------------------------------------------------------------ 場數：11A 時間：日地：會議室人：Ricky，May，Jenny *蜥蜴：狗男女。* △Ricky坐在會議室桌上，Jenny坐在他旁。 Jenny (拿起Ricky的領帶)：新買架?我未見過既？ Ricky:咩都要畀你知，咁我咪好唔得閒？ Jenny：你死啦你。係呀，真係死啦今次，富達陳生個度點埋尾呀？陳生發晒脾氣呀!我唔制呀，你呀阿May搞掂佢呀。 Ricky：得啦，(△Ricky拍拍Jenny手背)陣間阿May入來，乜都塞晒畀佢咪得囉。傻妹。 Jenny：你真係幾衰喎。(△托腮看著Ricky) △敲門聲 Ricky：入來! △ Ricky 向Jenny打眼色，示意離開。 △ May內進，與Jenny擦肩而過，Jenny望向May。May不安地站在Ricky前垂頭。 May：何生，咩事呀？ Ricky：講個好消息你知，富達陳生個Project畀左你跟喎，呢個係好機會呀，希望你畀D心機啦。點呀，有無問題呀？ May：你上次咪畀左Helen跟個囉! Ricky:總之你搞掂佢啦。呢次係一個好機會黎嫁。陳先個人無乜點丫，有時掂下你，摸下你咁遮，唔好介意呀。份單好緊要唧。係咪？ May：不過—— Ricky：好啦，你返出去啦。 △May無奈地離開 *Ricky(V.O)：要怨就怨你唔識做啦，唔好怪我呀。* -------------------------------------------------------------------------------- 場數：11B 時間：日地：辦公室人：Ricky，May △May在座位吃飯，沒心情，吃了一口，把飯盒掉進垃圾桶。 *MAY(V.O)：變態佬，摸下，掂下咁遮，不如去做扯皮條丫，正乞兒黎嫁。* △Ricky進房，經過May座位，看見桶內飯盒，左顧右盼，發現無人，拿起飯盒離開。 -------------------------------------------------------------------------------- 場數：11C 時間：日地：廁所人：Ricky △Ricky蹲在馬桶上，打開飯盒，立刻拿起來吃，還表現出很滿足的樣子。 *Ricky(V.O)：人性？都係錢實際D，起碼可以醫肚丫，你話呢？*