Pal Friûl Val-de-Travers : Présentation.

La Pal Friûl Val de Travers.

Dal scomençament al dì di vuê.
Tai agns 60 la emigrazion furlane te Val de Travers e jere une vore impuartante, e rapresentave incirche il 30 % de emigrazion italiane.
Tal 1968, un grup di amîs furlans a an sintût la dibisugne di unîsi e di meti adun une associazion furlane, pal fat che al jere l’unic mieç di pupilâ e di fâ cognossi i ûs e i costums dal Friûl.
Il 23 dal mês di novembar dal 1968, lì dal ristorant "Place d’Armes" di Fleurier, in presince di 31 associ&aicirc;ts, si è davuelte la prime assemblee gjenerâl di Pal Friûl Val de Travers.
Di cheste assemblee al nassè il prin comitât de associazion.

La associazion Pal Friûl Val de Travers e partecipe ae vite locâl dal comun in cualitât di membri de "Union des Sociétés Locales de Fleurier".
E je cun di plui membri dal Comitât Citadin Val de Travers, organisim impegnât a judâ i emigrâts italians de Val de Travers.
Tal 1974 la associazion Pal Friûl de Val de Travers e à vût une oportunitât che e segnà un volt impuartant pe associazion.
In efiets l’ospit d’onôr dal "7ème Comptoir du Val de Travers" al jere la Regjon Friûl-Vignesie Julie.
In chê ocasion la associazion e à podût esponi diviers prodots tipics dal Friûl e fat scuvierzi la sô regjion ai tancj visitadôrs.
La associazion Pal Friûl e partecipe ogni an a la Abbaye de Fleurier, fieste locâl che si davuelç par trê dîs. La Pal Friûl participe annuellement à l'Abbaye de Fleurier, fête locale qui se déroule sur trois jours.
Pai siei membris e organize ogni an un pique-nique des fameis e une fieste di Nadâl.

Cumò il numar dai associâts al tocje cirche 80 membris ma considerant la recession economiche che si è discjadenade inte val, l’avignî de associazion al è in belance.

Par altris informazions:

palfriul@oocities.com

New's Pal Friûl Val-de-Travers.

6.2.2000