|
28/2/2005 - Sharing... 今日Land train, 無跑步, 做計時... 其實做計時, on居居坐響度真係好悶, 我都想跑下... 唔跑一個星期再跑返會好辛苦... 不過, 一諗到warm up時, 自己隻右腳發出清脆的"卜"一聲時, 都係... 身子緊要... 之後做浮屠... 本來諗住firm爆彬彬的... 但, 諗返自己又無跑, 做腳既我又全部變晒做煎魚... 好似無乜意思呢... 今日首領生日... icq祝佢生日快樂之餘... 之後仲傾左幾耐偈... 中二識佢到而家, 真係同佢傾得最多野係今次... 或者人越黎越大, 越黎越珍惜真心朋友... haha... |
|
27/2/2005 - 小小工程師... 晏晝返左UST去做Lang206既野... 難以置信... 匪而所思... 一組三個人, 要整一個投石器... 唔講真係唔知係英文, 以為係Mech野... 我就上網搵到一個幾方便既design... 用紙就攪得掂... 就同埋Wiston同埋Tommy快手快腳攪掂佢... 無乜大阻濟... 好快攪掂... 雖然差小小手尾因為唔夠料整唔到, 但都距成功不遠矣... 臨走既時候, 隔離排緊戲既drama soc, 有一位哥哥同一位姐姐走左黎搭訕: 我第一下感覺... 覺得唔好受, 好似睇小我能力咁... FYP做d咁既野? 但一諗到做proj既苦況... |
|
26/2/2005 - 樣衰... 頂... 頂唔住... 傷膝... 痛到收左皮... 2'11... 自己都覺得唔可以接受... 跟住落艇... 只係盡量比力... 但效果都係麻麻... 自己想點... 只有自己最清楚... |
|
24/2/2005 - 走走走走走... 今日除左LANG堂之外... 全部堂唔見晒... 嗯... 又係要靠自修了... 就黎17個credit入面有9個要自修了... 返到屋企, 本來見今日都興奮到無乜mood做野... 本來諗住拎部PS2出黎打打... 點知見到張字條 - 君: 我頂... 難得我想打下機... P.S.: 終於親眼見到班男仔既威力... 女仔只係差小小... 輸左比"mix"... 同埋, 真正既mix有牌拎呀... P.S.: 我都係鐘意的的式式的...... 我唔要我既強化版呀...... |
|
22/2/2005 - 仆直再來... 終於feel到... 仆直既感覺又再埋身了... 仲要... 同一team未合作過既人一齊共渡... 希望, 平安渡過吧... 我知我係煩人一個來的... |
|
21/2/2005 - 過度活躍... Land train既時候, 做station, 阿tim好興奮... 係咁不停加料... 開頭只係做掌上壓既時候撐多十秒, 做做下, 撐多三十秒... 再做做下, 做多十下彈彈彈... 繼續做... 做夠50下... 仲要挑埋阿鋒佢地組... 唔知點解, 我今日又咁鬼興奮, 同埋佢地一齊挑... 仲大大聲咁撩佢地做多d... 不過, 太揚啦... 比阿康罰我地兩組人做多五十下彈彈彈.. 原因係因為我地私自加操, 無team work可言... 就咁, 我就連續做左100下彈彈彈 (中途間住左十下走去隔離組挑機既sit up)... 嗯, 又真係好似無理其他人咁... 下次要加既話... 似乎一係就要land train完叫齊全部人了... P.S.: 阿康問我地知唔知乜事既時候, 我仲未興奮完, 仲未識死字點寫, 幾乎想大大聲答: 想練多d... 好彩直覺話比我知呢個唔係正確答案... 收住左把口... 如果唔係, 睇怕斷腳都未做完... |
|
20/2/2005 - 嚴重失誤... 好凍... 好凍... 沙田我諗一定唔夠10度... 仲要去Regatta... 500m短途賽... 比著一個正常人都應該會話我地係痴線既... 但無計啦, 我地真係傻既... 今日估唔到自己有得出2 + 1場... 第一場 4+ Hits, 拍住Eric, Sunny同埋阿康, 阿Ben做Cox... 除左第一槳starting missing之外, 全程平安... 順利入到Final... 跟住上水回一回氣... 再黎, 8+, 直接係Final啦... 阿楠帶槳, 跟住仲有Ricky, Rick, 阿銘, Eric, Sunny同埋阿傑, Jenny做Cox.. 划得最好係呢場啦, 無乜大失誤... 結果好彩到拎到個銅牌... 今次係第一次用Croker + Filippin... 靚艇加靚槳... 好彩無唔慣... 其實呢兩場比賽, 我地科大都出兩隻艇... 都係新舊人mix... 不過另一隻8+既新人們... 除左河馬之外, 其他都無練過starting... 一做就要比賽做... 真係幾大壓力, 但都好似無聽到乜野意外... 勁!! 不過如果有練就一定會做得好d... 之後, 最後一場, 4+ final... 都係原班人馬... 頭250m... 好順... 划得仲好過之前響8+... 但係唔知係咪過左畫舫, 自己對手開始累呀, 定係開始有小小分神 (可能係小小, 小到自己都唔覺...)... 我... 犯左極嚴重失誤... Cap槳..... 本來cap一槳都未停晒的, 個心諗"唔緊要, 下槳即刻做返好", 點知第二槳, 再cap半槳... 無啦, 成隻艇幾乎停響度咁濟... 唉... 對唔住班兄弟... 對唔住頭 0個一半... 唉... 唯有, 希望唔會再有下一次衰同樣既野... 阿光, 阿琦... 練左既技術, 遲早有機會用得著的... 下次一落場就要殺呀....... 仲有女仔都係... 出唔到8+... 不過下次一定要努力呀... 比賽完, 仲要拉30分鐘機... 好過上次... 2'05.4... 拉到7204m... 多謝河馬臨尾firm一firm我... 唔係既話, 我應該過唔到七千二... 阿傑就真係勁啦... 進步成4xxm....... |
|
19/2/2005 - 聚餐... UST Rowing Club 10週年聚餐... 極多極多唔識既前輩都響度... 本來我地新人就會係一枱咁食既, 但係估唔到新人多過一枱人... 結果我, 河馬, 阿寶同埋Yanna就被仁哥叫左過去舊人台啦... 好在, 都未係d超舊人枱, 唔係真係成晚唔出聲都得囉... 其中一個環節係要答問題... 答返歷屆騎呢事既主角... 我地新人都有人有份呀, 主角雖然唔係我, 但估唔到, 原來我係幫兇... 至於d舊人既騎呢事就更恐怖... cap槳cap到個頭浸落水, 搬艇可以搬到跌落內河... 仲有d好抵死, 又好賤既騎呢nick name... 乜野黑白乳牛, 大蛇... haha... 雖然唔係自己親身經歷... 但聽完都笑爆咀... 呢晚好好訓... 迎接聽日既比賽, 仲有30min拉機... |
|
17/2/2005 - 第一隻牌... 拉機賽... 第三站 - BU... 又有得出... 其實今日對腳都仲有小小痛... 星期一既land train幾係野... 所以熱身真係hae拉... 今日女仔出阿Sa, Ann, Yanna同埋Habour... 最強陣容... 終於見識到我地女仔既威力... 勁到爆... 贏成隻艇... 中大有個女仔, 佢吸引到我地d男仔既注意... 雖然我都覺得有d難受, 但係都不得不承認... 個女仔大隻過我呀!!! 之後到男仔... 我 + 河馬 + 光 + 康... 又係3新1舊既組合... 哈哈, 我地四個都快過上一次拉500... 我同阿光上到1'35, 河馬1'37, 阿康1'25........ 最後拎到第二... 不過如果我地三隻"New Gays"可以每人拉快多一秒, 真係可以贏... 因為我地係輸比Poly 兩秒... 之後Mix... 阿琦, Minah, 寶同埋Eric... 似乎Mix我地真係要努力d... 事實上... 我地三隻"New Gays"都仲有得進步 - 我拉到300m咁上下, 莫講seat位, 連腳包都甩咁半... 河馬, 先唔計佢尋晚睇戲睇到半夜, 佢自己本身d傷都未好晒... 阿光手長腳長又夠力... 仲有大把位進步呢... 事後諗返, 我終於知道, 我點解好似仲緊張過第一次... 因為, 我個心不停地諗, 唔可以衰過上一次... 拉完機, 食埋飯, 即刻返去上COMP231... 個希臘靚佬 (P.S.: 我坐最後排)... 佢d英文真係, 有d難明... 睇黎, 又係一科自修的科... 放學, 開埋會... 傾proj... 閃... |
|
16/2/2005 - 反彈... 今日, 收到Dr. Yee Email... 結果我都係唔可以響呢個sem讀MATH152... 嗯, 應變措施... 即刻調下年Spring Sem讀既COMP231上黎... Database... 今個sem砌夠17個credits... 只要今個sem keep到CGA C or above, 下個Sem Overload, take返科MATH001... 如無意外應該會批, 因為我唔係大貪想讀多d野, 我係唔想defer... 然後下年既Spring sem唔使讀COMP231, 可以讀返MATH152... 嗯... 雖然未知個plan有無大問題... 但係, 我都仲有last一個sem, 要讀9個credits, 呢個sem可以做buffer... 嗯, 總算解決一個問題... check voice message... 好波... 我張學生證終於失而復得... 唔使補領, 慳返好多呢... 否極泰來... |
|
15/2/2005 - 綠洲... 三點, 去搵Dr. Yee, 做個placement test... umum, 識做一半... 但全部都唔係d, in既野... 唉... 不過我做完之後, Dr. Yee即場就教返我小小d, in既基本技巧... 佢教野真係好掂... 佢一講我就好似突然明左d我睇notes睇極唔明既野咁... 之後佢仲不停叫我唔使咁緊張... 本來, 我尋日見完Prof Chiang都仲好唔開心下的... 但係Dr. Yee, 同埋上個Sem既Dr. Ho... 佢兩個都好好人... 嗯... 放學, 開會, 傾Proj... 似乎... 我都唔知自己想緊乜... 到底IVE學既野... 而家用唔用得著? 到底我又可唔可以正確運用返? 考驗來了... 當係出黎做野前, 小試牛刀啦... 話時話, partners無講, 但我總覺得, 佢地會認為我係一個火爆既人, 或者至少係一個麻煩友... 因為我總係意見多多聲多多, 但被ban既橋或唔夠完善既意見就更多... 夜晚見到Ivan online, 我即刻問佢如何解救犯太歲之劫... 我記得佢以前都好熟呢d野的... 同埋我呢排真係黑到爆... 真係要迷下信, 當係心理作用都好呀... 但佢只係輕描淡寫地: 年年都犯咁, 都唔理了~ |
|
14/2/2005 - 懲人節... 話呢日係懲人節, 真係無錯... 因為我幾年前自作孽, 無讀好d數... 兩科AL Maths U晒... 結果meet唔到讀MATH152既prereq... Dr. Yee就叫我聽日試做一個placement test, 攪得掂就即刻可以reg, 唔使攪其他手續... 但其實, 呢個時侯, d手續我都攪掂晒的了... 差佢簽名... 但我知道最後話事權都響Maths dept手上, 霸王硬上弓係無用既... 所以唯有照做... Dr. Yee首先叫我今日去見一見Prof. Chiang... 一入去, 佢第一句質埋黎既就係"Who are you?"... 嗯... 跟住我當然講我係邊個, 乜野來頭, 同埋做乜無啦啦冒昧到訪啦... 之後... 就只係比佢省到一面灰... 又話我實唔得, 話我無辦法證明我得... 跟住連CS Dept做野未攪清楚既錯都入埋我數, 鬧埋我一份... 唉... 比佢省一輪, 都係無結果... 唯一可以話既係, 佢好想我讀返MATH001, 但係如果我咁樣兜一個圈, 我一定要defer, 一定要三年先畢到業, 我真係唔想咁... 唯有希望佢聽日比我做個placement test, 我又醒醒定定啦... 唉, 懲人節只有懲人無情人... 今日Land Train, 七級浮屠... 1) 掌上壓, 2) 蝴蝶腳, 3) 彈彈彈, 4)Sit up, 5)'士哥忽', 6) 掌上壓, 7) Star Jump... 1, 12, 123, 1234, 12345, 123456, 1234567... 真係爽爆... 不過今日自己衰仔... 跑得慢過上次差唔多成30秒... 聽日placement test... 雖然, 兩年AL都攪唔掂既數, 我無可能一晚攪得掂... 但總不能坐以待斃... 衝呀... 多謝阿傑既notes同埋阿Rick既支持... |
|
13/2/2005 - 刺... 被一條刺刺中了... 表面上看不出任何傷痕... 但是千萬不要按到他, 會痛的. 可恨的是, 正常的生活, 沒有避忌, 幾乎任何時侯, 那位置也會碰得到. 應該忍著痛, 把它拔出來, 一了百了... 還是留著它? 我是習慣了這種感覺嗎? |
|
12/2/2005 - 開年... 雖然係初四, 但係划艇就擺明呢日開年啦... 一warm up完就要拉機拉30min, 第一次拉咁耐... 拉到705x... 勉強合格掛. 不過, 一開頭拉到既pace係2'02 ~ 2'03, 後尾drop到2'08 ~ 2'11... 最衰一下係2'31... 個avg由2'03 drop到2'07... 佳佳響後面不停叫我追返上去... 但係, 谷極得幾槳係keep到2'10樓下... 唔掂... 唉... d耐力同埋個form都係好差, 個肺好似想爆炸咁, d呼吸亂到呢... 最後一分鐘, 阿Matt firm我, 谷到一分鐘2'02... 可能係呢一分鐘firm左, 先至險過7000大關... 今日風和日麗, 藍天白雲, 天氣涼而不寒. 加上翠綠既河水, 山明水秀... 最適合就係掟人落水架啦... Yanna 前日生日, 加埋新正頭... 一於慶祝生日同埋開年一齊上啦... 今日落水情況比上次阿May生日時更瘋狂更失控... 花式更多之餘亦更殘忍... 先有雙人花式落水... 之後有阿康比我地圍捕後overhead, 可能因為大家扒艇時firm晒, 唔夠力舉起如斯龐然大物, 差d 爆左佢頭... 唔識游水既河馬都響不知情既情況下被推落水兩次... 其中一次我落水拉佢返黎時仲感受到佢強烈既"求生意志"... 至於阿寶, 仲連條單車褲都被撕開... 哎呀, 蝕抵晒... 基本上, 好多人都係一上水就被人推(或自己跳)返落水... 響水入面既時間仲多過響個岸度... 直至有幾架艇泊岸, 先至捨得走... 不過把口話走個心就仲係未夠... 大家都仲心郁郁, 想整反埋阿Ann架R艇, 一於新春佳節, 普天同慶, 齊歡唱, 同慶賀, 人人有份, 永不落空... 以純淨既城門河水洗滌大家既污氣... |
|
11/2/2005 - 有趣的謠言... 同Pansy ICQ... 當然, 佢都係主要問我下電腦d野... 閒談中... 佢話返暑期工時, 有傳話我響IVE收埋個女仔... 第一個反應係打左個突... 我都想有呀... 不過諗諗下又幾得意, 於是追問落去, 想知造謠者安排左一個乜野既女仔比我收埋... 不過呢條問題Pansy就唔知lu, 無問到咁detail掛... 至於造謠者係邊個? 我好想知, 但佢唔肯講... |
|
10/2/2005 - 不再驚訝的煙花... 呢一晚, 同肥仔, 大小二榮, 嘉瑩, 易拎同埋靜儀出左黎, 同靜儀預祝生日... 第一站係去左睇煙花... 唔知點解... 今次睇煙花, 一d都唔覺得興奮... 雖然個天, 同埋隔離d人都好嘈, 但我就好似同佢地形成一個對比咁, 好靜... 總之腦海係一片空白... 隨時你叫我訓覺, 我都會訓得著... 之後去左唱k, 姐姐同埋智者都黎左join埋... 而我亦一如過往... 坐k, 食野, 間中吹下水... haha... 五音不全者無謂害人, 又或者要被殘酷一叮... |
|
9/2/2005 - 這年叫雞年... 大年初一, 同以往幾年一樣, 朝早去左同三叔一家飲茶, 跟住探嫲嫲... 搭地鐵時, 無無聊聊, 響度睇一本download左落部palm一段時間但都未睇既"解夢全書"... 而家先睇左3%, 以下節錄以下小小, 係印度人對夢既睇法... |
|
8/2/2005 - 年三十晚... 本來, 我會上埋6點堂tutor先返屋企食團年飯... 但係諗諗下, 上次呢堂tutor, 勁講廢話之餘仲要係睇片, 今晚年三十晚, 作為一個中國人, 我唔太信佢會有心機教好呢堂tutor, 所以最後決定收埋rowing counter就走... |
|
7/2/2005 - 傷膝land train... 今日, 第一次帶住護膝做運動... 仲要係運動量唔算低既land train... 但估唔到, 傷左膝仲跑得快左... 唔知關唔關懷疑飲左保力達肥牛既阿Tim一開波就帶快左個pace事... 頭六個圈, 我都可以啄住阿Rick尾黎跑, 但係後尾真係無氣頂唔順... land train完, 食埋飯, 坐阿楠架車走... 佢手車都唔差喎... 我對搭車咁敏感都無暈... 至少去到坪石都無事... |
|
6/2/2005 - 是代溝? 還是甚麼? 年廿八... 理應是大掃除既日子... 但係, 我話晒都讀左咁多年書... d書呀, notes呀, 或者其他既documents... 已經多到無位擺... 仲未計d電腦既雜件... 我媽媽硬係要我執... 但, 邊有得執? 我阿媽就同我剛好相反, 佢就乜都要執... 而且以為乜野都可以dum走佢... 最經典例子莫過於我細佬某隻Gigi Leung既CD package比佢dum剩隻碟... 0個次我細佬發晒爛炸... 都唔係未中過招架啦... 都仲係咁我行我素... 永遠要覺得自己既一套係 0岩, 永遠人地講佢地既意見就要靠惡發爛炸... (一屋男人都怕左佢, 通常等撞左板先至敢講一兩句野...) 呢排心情已經唔係好... 佢就由朝到晚話叫我執野dum野... 但係... 我真係唔想d野到要用既時候要去堆填區搵... 仲有, 佢執屋既方法永遠只係顧住好唔好睇, "整唔整齊", 永遠無理用家方唔方便... 呢幾日, 有時響屋企, 屋企人煩我既時候, 真係要用力去控制自己... 用最冷靜最溫和既語氣講: "可唔可以比我靜下"... |
|
5/2/2005 - 傷膝青年... 今日練完艇, 操完一大輪, 個膝頭超勁痛... 頂唔住, 返屋企時順便去買個護膝... 划艇既兄弟們... 睇到呢篇日記, 記住以後千其唔好遲到呀... 拉完廿分鐘機再罰真係幾辛苦的... 或者咁講... 我寧願呢d係training, 而唔係懲罰囉... 外表一樣, 但意義不同呀... |
|
3/2/2005 - Sell屎之條件... 睇左阿Rick既日記... 嗯, 自己把口都幾多... 但點解, 都sell唔到一個人去join star course, 去join rowing... 勉強, 我諗係尋日有一個人, 佢似乎好有興趣去land train咁... 希望真係會見到佢啦... 似乎, 自己係本末倒置了... 想靠拉機去吸引人, 其實只係噱頭... 但作用就無乜... 到底, 要搵邊d人去join? 乜人會被吸引? 講返自己... 除左係阿Jan叫我去玩之外, 另一樣吸引到我既, 就係響sports hall, d大波男人相... (理論上應該implies強勁既體能...) 唔知其他兄弟姐妹... 又係因為乜野原因被吸引, 乜野原因留低... 乜野原因一個星期總有幾日好似傻仔咁身水身汗, train到無氣無力? 今日"sit counter"時, 比阿Ming發現左我呢個冗員... 結果響阿Tim放人下, 我去左幫手做苦力, 流既汗竟然多過我拉幾次機... 弊... 膝傷未好過, 又到條腰既舊患開始發作... 男人唔可以無腰架... 要小心了... |
|
2/2/2005 - 問題少年... 不知是我感情豐富還是喜愛無病呻吟, 時常覺得心中有很多不快, 非要發洩不可. 但每每落筆時才發覺只有聊聊數字. 是我文筆差勁, 還是, 所謂的不快, 根本只藉幾個中文字? 或許, 所謂的問題也是一樣. 看似萬千死結難解. 但如果攤出來, 還不是一樣? 不小題大做, 沒事的. 嗯, 很好, 很好的自我安慰. 這自慰令我爽快. 但自慰終歸是自慰, 不是真的. |
|
1/2/2005 - 拉機賽初上陣... 今日係8大拉機賽第二站 - IED... 尋晚已經特登早訓, 儲夠精神... 雖然, 由我屋企搭巴士 + 小巴去到IED時, 已經虛耗左唔小... 對上一次拉500m爆, 時間係1'37, 是日個人目標係希望記好d個form, 控制好收放, 再加埋比賽既壓力, 谷到1'33完成... 4秒... 的確係一個挑戰... 去到IED, 極速換衫, 拉筋... 同埋今日都見到暑期工時候既同事阿瑩... 算不算響人地既地頭有fans? 係喎, 我都無問佢會幫邊便打氣... 首先係女子組比賽... 由阿Ming, Jane, Nora同埋Habour代表... 三個新人加一個舊人既組合... 雖然輸左... 但係見到Habour連眼水都標埋, 知道佢地已經谷盡呢... 緊接落黎係男子組比賽... 由我, 河馬, 阿琦同埋Ricky代表... 亦都係三個新人加一個舊人既組合... 一開始已經發生左小小意外... 話說我個錶上面顯示既, 唔係Pace, 而係Cal... 本來諗住睇住個Pace黎爆的, 點知出左卡路里, 減肥麼... 都無計啦, 唯有靠感覺去爆啦, 聽到班兄弟倒數就去靠感覺firm... 最後... 緊頸四... 不過亦無話唔抵, 因為並唔係話輸小小, 都有一隻艇的... 事後check返, 我都叫做keep到1'37, 但就達唔到賽前目標... 河馬1'38, 勁呀, 進步左2~3秒... 我真係覺得有d對唔住大家咁... 做唔到賽前目標... 同埋自己個Rating都控制得唔好, 時快時慢... 希望, 黎緊, 會練得好d... 唔夠呀唔夠呀... 最後, 係男女混合比賽... 阿銘, Yanna, 阿寶同埋阿康出戰... 兩個舊人男仔加兩個新人女仔... 終於見識到阿康既表演... 同埋傳說中Poly個高佬既威力... 最後, UST險勝1m... yeah~~ 總算拎到個金牌... Yanna真係勁... 上次代表女子拎左一個金牌, 今次代表Mix又有一個金牌... 佢只係差一個男子的金牌就儲齊一set了... 至於阿寶, 第一次落場就有獎拎... 夠晒好腳頭... 鬥完, 影相... 阿寶拎左貼響部機上面, 印住"UST"三隻字既牌仔黎影呢... 一個印住"UST"三個字既紙牌仔, 有乜好玩? 食完飯, 走既時候, 見到IED入面SU既人宣傳, 大慨都係叫人支持佢地, sth like that啦... 呢個時候, 阿銘拉住我, 示意我睇好戲... 至於IED SU既姐姐仔, 依然繼續好落力咁宣傳, 熱情如火... 當眾人一邊行一邊講既時候, 位姐姐望到Yanna個bag後面... 剎那間, 表情大變... 然後嬌嗔一聲: "0依~~~ 人地科大架~~~"(此乃設計對白, 但根據當時佢既表情口型, 雖不中, 亦不遠矣) 說時擂手頓足... 想必她的心情定是欲哭無淚, 哭笑不得... 此後, 她再不冷若冰霜才怪... 至於點解佢連我地係科大既人都知道... 咁就係因為, 0個塊印住"UST"三隻字既牌仔, 去左Yanna個袋度掛住... 呢招原本係我施加響河馬身上... 但估唔到河馬會用返響Yanna身上... 總之... 我同阿銘響後面睇戲既, 就笑到肚痛啦... 講開Yanna, 呢期佢都應該上晒位lu~~ 返到UST, 去左同Ben, Tim攪下d leaflet既野... 要拎個小畫家當Photoshop咁用真係有d難... 跟住落返counter... 可惡, 比彬彬呃左包薯條... 不過佢呃完又唔見人喎, 咁就大家share啦... Land Train後, 竟然有個staff拎錯左我張學生證當係自己張職員證... 我頂, 呢幾日我咪要做超齡無證學童? |