|
31/1/2005 - Sem2... go... 第二個sem... 個開頭真係唔太好... 今個sem要讀17個credit至少 (預計要take18個), 但到而家, 都係得11個credit係confirmed. 而今日既堂, 就包含晒當中reg唔到既7個credit. 首先一朝早, 我去左Sit ISMT161, Operation Management... 同埋成堆business major既人一齊上... 先唔好提大量既business material, 剩係班房入面有咁多女同學已經係我讀書生涯既第一次... 好唔慣, 呢科Elective... 值3個credit... 揀唔過. 但, 我似乎無得揀... 因為無其他SB&M既elective 0岩我... 就算有logistic, 都係3字頭, 無理由送死. 另一科係MATH152, Linear Algebra + Differential Equation. 數, 係我弱項, 但因為係require, 我無得揀, 一定要讀... 但係, 我想讀, Math dept竟然唔比我讀, 因為, 話我無AL pure maths, 亦都無Math00X之類既野去補... 唔理, 一定要同department嘈... 雖然呢兩科我都未有位住, 但都sit住堂先, 唔好蝕... 至怕到時有得讀, 我已經蝕左幾堂 今日唯一comp科係COMP211, Introduction to Software Engineering... Software Engineering呢個名字曾經係我既興趣... 而UST呢科, 一早已經知道會做一個大project, 大係指陣容龐大... 今年仲玩大佢, 8個人一組... 根據經驗, 人多絕對係手腳亂多於好辦事... 我未夠班, 未敢口出狂言話會做到完美既分工合作... 最絕既, 仲係已經編好晒組, 無得自由group, 呢下又幾乎合實際環境... 如果有黎緊既groupmate add左我ICQ, 又click埋入黎睇到呢度, 順度講句合作愉快先, 黎緊仲有十幾個禮拜要見呢, 唔合作愉快d, 會生不如死... 今日開始, 黎緊既一個week, Rowing Soc會響Atrium擺counter... 比人報名join soc, 報名參加校內既拉機賽... 仲有部機響度比人做一分鐘測試tim... 朝早第一堂落堂, 一落到去, 已經去左做benchmark... 跟住其他時間, 我都間中會響度幫下手... 與期話幫手... 不如話間中屈下d小羔羊去做一分鐘測試... 但睇返份表... 有d都絕對唔係羔羊... 勁到... 至於我... 估唔到玩左一個sem, 都仲差3m先贏到件soc tee... 削... 希望聽日, 唔使做負累... 要記好個form, 要控制好速度... 唔好一味亂爆, 爆到自己無晒氣... 早早就收皮... |
|
30/1/2005 - Good bye, my first sem break... Sem break最後一日, 都係同隻艇一齊過... 似乎入左科大之後... 除左keyboard之外, 拖得最多既就係支槳... 幾時... 先至可以被一隻女仔手取替呀... 今日既training... 其實都幾考體能, 熱完身, 仲要再跑幾千... 跟住落艇, 因為今日唔夠人, 所以Eric, 銘, 康同埋Ricky四個舊人黎鄧腳... 我就慘啦, 坐二號位, 夾響Ricky同埋康中間... 加埋四號位既細康, 真係... firm晒架艇都轉彎, 但佢地似乎都未出好多力.. 我唔知我唔firm架艇會唔會調頭tim... 總之又係累啦... 不過累極, 都仲有力幫Josh慶祝生日... 1, 2, 3... overhead! P.S.: 今日響地鐵站見到夏蕙姨... 忍耐住嘔吐下, 唯一comment: 真人靚過上鏡... |
|
29/1/2005 - 有頭威無尾陣... ...... 好似, 做任何一件事都係咁的...... 有的是人為... 但... 有些是天意嗎... |
|
28/1/2005 - 通頂二連發... 第二晚通頂... 連通兩晚, 自從PW3後, 都無做d咁興奮既野... 不過好明顯, 我d通頂能力弱左好多好多... 以前可以連通幾晚... 而家, 唉... 通兩晚都好似想死咁, 日頭仲要訓返差不多鐘數先頂得順... 變左係彈性上班時間, 而唔係通頂, 增加做野時間... 而且, 通完兩日頂, 胃痛, 肌肉痛乜都出齊... 救命 通完兩晚頂... 上次train完d體力都未回復, 又要train過... 囉命... 跑步熱身... 仲要臨尾帶快左個步速, 跟唔到... 就連唯一強項掌上壓, 今日都好似做唔好, 壓唔盡... 唉 落艇表現: 如果係輕力, d姿勢動作又好似無乜大問題, 但一比力... 划幅唔夠, 又深水... 結果分分鐘唔會比輕力划勁好多... 今日仲要加land train tim, 今日既land train仲鬼咁多野玩... 累死人啦, 爆咁濟... |
|
27/1/2005 - 彈性睡眠時間... 一有野做, 二無心情... 所以一路做野, 做到7點幾先訓... 好彩有個frd陪我icq談下心... 開心返d, 無咁悶... 夜晚無訓, 日頭當然要補數... 結果今日IC Training我一定訓左超過一半時間... 當然, 唔計tips時間... 不過為免聽漏或者抄漏... 所以就拎部palm出黎錄音就算數lu... 其實呢個阿sir, 一d都唔悶, 仲好攪笑, 如果佢係第一個module教, 我一定唔會訓, 全程留心聽... 以下摘錄佢上堂講過既部份句子: 夜晚, 爸爸媽媽發現左七不思異事件: 咁當然, 佢地一定問我有無去toilet唔沖乾淨啦... 但做大事嘛... 我應該無留到手尾呀... 最後, 迷團解開... 就係響我訓晏覺, 大昏迷期間, 我細佬返左黎, 引發七不思異... 我阿媽問我, 乜有人入屋, 仲要做左咁多野, 都唔知既咩? 我心諗, 好奇咩... 我最眼訓既時候, 比人打幾巴都唔醒啦... |
|
26/1/2005 - 起伏... 過了愉快的Sem 1... 但不快的事, 近日總好像接種而來... 我怕我又會快要痴線... 有個可以比我將自己心底說話講晒出黎, 講到喊晒, 舒服晒既朋友... 真好... 今日, IC Training既阿sir提左一句野幾次: "一個人能夠生存, 總有佢既過人之處" |
|
24/1/2005 - Faked... 今日係sem break最後一個星期... 亦都係呢個sem break最後一個ic training... linux... 朝早我都訓唔小... 不過都無乜損失... 都係d基本command... 食飯既時候, 同Jason講返尋晚佢send比我既一個SMS... 不勝唏噓... 我應該嬲, 定係笑? |
|
23/1/2005 - 食飯... 練完艇, 去左同Simon伉儷, 黎B伉儷, 生仔, 阿稭同埋阿Ray去尖咀食飯... 今餐Simon請客, 阿Ray請食甜品... 正~~ 多謝晒... 但係, 一時失策... 響張圓台度, 我竟然坐響兩pair人中間... 真係成個孤島咁... 中計... 食完飯, 去左新港打左幾鋪機... 我同阿Ray玩返好耐無玩過既單車機... 成頭汗就小不免... 但係, 竟然time over, 就好似樣衰左小小... 之後, 出返觀塘食埋水, 跟住就返屋企lu... |
|
22/1/2005 - 放飛機... 本來夜晚, 約左Simon佢地打邊爐的... 不過因為Auntie有d唔舒服, 所以cancel, 改做打波... 生仔約我9點... 點知, 我等到9點3都唔見人... 其實等人都慣的了, 但唔知點解今次咁火滾 (sorry, 阿稭響電話度食左我唔小粗口)... 唔知我係忍唔到今次的十五分鐘, 還是日積月累, n咁多個十五分鐘... 今次決定放一次飛機... 就算已經去到球場, 我都選擇返屋企... 即使... 咁做都真係好戇居... 同埋都有d過份. 但請原諒我以一次放飛機發洩. |
|
21/1/2005 - 爆肺的感覺... 今日既rowing training, 第一件事就係為左要準備拉機賽, 而要學下點樣做starting, 同埋連爆500M x 2... 對我呢d耐力差既人黎講, 500M已經非常辛苦... 第一轉既時間係1分37, 第二轉急跌至1分41... 而兩轉都係差阿光約莫1秒. 足足跌左4秒, 係太誇張... 因為無記錯其他人平均都係drop 1 ~ 3秒咁上下... 鬼咩, 第一轉到尾既時候, 已經feel到自己個pat pat唔係太痴住個seat, 第二轉直頭feel到個pat pat都唔知坐左去邊, 想un返正, 但un返正已經無晒氣... 唉, 耐力差果然係耐力差... 仁哥講科大4人接力, 平均每人只係1分30樓下... 即係我距離目標... 仲有差唔多10秒要追... 呢10秒... 去邊度搵呢... 平時落艇都係靠感覺黎入水, 但原來我d感覺都唔多準, 今日先睇得出平時我既感覺, 入水太深啦, 唔怪得重就夠重, 但就硬係唔去水啦... |
|
19/1/2005 - 全日training... 日頭上IC training... 好眼訓... 朝早晏晝都訓左一個鐘... 攪到訓厲頸... 不過雖然我訓左咁耐覺, 但d lab我都識做. 好過有d 同學仔, 亂咁set野... 最慘響個network入面, 亂咁set人地部機... 攪到人地部機d野都亂晒, 有時睇d result真係睇到嚇親. 我仲響度大大聲問 :"邊條友亂咁set野?" 真係驚比人打... 上完IC training就要即刻飛去火炭... Rowing training... 今日唔知點解好多人遲到... 好多人比人罰... 不嬲都係集體負責制... 無理由睇住兄弟比人罰唔一齊罰既... 就企埋出黎一齊做啦... 點知, 唔係50下掌上壓... 係彈彈彈... 做到腳都跛跛地... 做完, 點知因為收艇收得差, 又比人罰紮馬... 呢下真係頂唔到啦... 企左幾次... 似乎對腳真係好差... 筋緊, 耐力又唔夠, 力量亦不見得特別大... |
|
18/1/2005 - 無偈傾... 今日, 放左IC Training, 一個人響屋企時, 有人敲門... 力度相信足以催毀一道公屋脆弱既木門... 為免佢拆門... 都係走去開門: 我: 乜事? |
|
17/1/2005 - IC Training 2nd round... 第二個week的IC Training, Windows server 2003... 可能尋日太累, d野又好似識d, 又好似以前NSO教過下咁... 所以... 上晝既時間, 我諗有3/4響度訓覺... 食飯既時候... 幾個IVE既同學仔食... 好自然一定會講到讀書... 好明顯... 大家目標都唔同... 我自己呢... 係放輕鬆d, 唔會睇得一分半分好似自己條命咁緊要, 但係絕對唔係放pair... 我亦都唔會當任何一科係容易既科, 即使自己讀過都好啦... (粉腸... 咁朝早又訓到豬咁... 要Bennett拍幾下先識得醒...) 目標係讀得輕鬆, 學到自己想學既野... 揀科係睇興趣, 唔係睇佢份exam paper, 更唔係睇佢條curve... (骨氣還骨氣, 不過到出result時, 我諗我睇住條curve都會好似人地睇住個市幾十萬上落咁緊張...) |
|
16/1/2005 - 處男下海... 練左艇都有幾個月, 今日終於有第一場比賽... 我地男仔八隻聖獸 - Rick, 河馬, Wilson, 琦, Josh, Sunny, 我同埋阿傑出左隻全新人組成既8+ (除左cox既bunbun), 而細康就跟埋阿銘, Eric同阿康出左隻4-... 細康條艇既情況我就唔多清楚lu... 至於我地隻艇... 拉完機熱身, 仲要拉多兩轉十分鐘, 再拉兩轉500m... 真係爆到乜汗都出晒... 跟住等女仔用完隻艇返黎, 我地先至落艇... 贏面? 見到人地d乜乜遊艇會, 兩隻8人艇全部係鬼佬, 最細粒 0個個都好似大隻過我個幾兩個碼... 再加埋有其他既舊人都有參賽... 不能一步登天呢, 我地條艇既目標就係: 無人cap槳, 成功完成全程 - 5500M... 如果計埋出發去起點既路, total係11000M... 難忘... 真係難忘... 我一路以為自己會爆, 會lum... 但結果, 又一路頂到落去... bunbun叫firm, 我又真係firm到... 雖然我唔知係咪真係大力左, 但至少, 我個心仲可以爆到, 仲可以谷到... 後尾仲會同埋bunbun一齊打數, keep住自己真係爆盡... 我未試過5500m我都keep住盡量集中... 只係集中自己隻艇, 同埋cox, 其他乜都唔理... (其實, 只係第一次比賽, 當然, 係第一次划5500m) 當然, 仲有艇上面同埋唔響艇上面既一班兄弟既支持... Team work本應是如此的... 互相支持, 互相提點... 然後一齊進步... 阿光, 今次黎唔到, 但下次要有你份呀... 最後... 一如所料, 無贏到... 不過總叫快過中大既兩隻新人艇... 聽我細佬講返, 佢 0個隻新人艇都多災多難... cap槳, 大浪, 刮到隔離艇支槳... 齊晒... 如果唔係, 佢地隻艇或者同我地差不多時間的... 不過, 今次應該都算我地呢班聖獸划得最好既一次... 記住自己既問題... 划幅短, 同埋技術仲係好粗糙... 返到黎, 散晒... 包括精神上... 男仔就鍛羽而歸... 女仔就勁啦... 拎到個銅牌... 男仔們, 要努力呀! 食完飯, 響沙田行左陣... relax下... |
|
15/1/2005 - 又是... 夢... 對於解夢, 我可一點知識也沒有. 極其量是從一些「八掛雜誌」式的網站中, 得知夢到甚麼, 在現實生活中, 便會發生甚麼... 但可信程度, 當然成疑. 不要緊, 輕鬆便好. 有人說, 在夢中見到好事, 往往在現實生活中便要接受殘酷的事實. 但這種好夢, 往往是令我不肯離開被窩的夢. 是留戀夢境的美好, 還是在逃避現實的殘酷? 不管如何, 不是著緊的, 總不會魂牽夢縈吧? |
|
14/1/2005 - 比賽心態... 總覺得自己的比賽心態, 很不要得. 如果, 是運動上的, 是學業上的, 我或許還有辦法剋服. 但如果還有其他的, 我怕我會無能為力. P.S.: 今日落艇, 居然要簽生死狀... 真係唔可以比爸媽知道... 廢事佢地誤會呢樣係一樣高危運動... |
|
13/1/2005 - 和氣... 終於上完第一個IC Training module... 其實, 都幾悶... d 書, 阿蛇又唔講多d, 都唔知唔睇書夠唔夠考試, d lab, 佢又放鬼死咁多時間比人做... 真係夠時間比我訓到飽, 訓到濟, 訓到嘔... 睇到d email... about rowing team既tee design... 希望只係我多心... 總覺得有點火藥味... 希望大家唔好為左呢d事激親自己啦... 一team人黎架嘛... 要有火... 但應該只係練習同埋比賽既時候嘛... 平時都係和氣d好... |
|
12/1/2005 - 人怕出名豬怕肥... 今日IC Training, 有個同學仔無返... 阿sir係咁問有無人無返, 有無人無簽名... 突然間, 大家發覺左邊個無返... 最好笑係, 有個應該唔識無返學 0個位同學既同學仔爆左句: "係咪好肥 0個個?" 真係唔客氣... |
|
11/1/2005 - 用腦划艇... 記住... 要放鬆, 要用腦划艇... 要溫柔d... 一架八人艇"side艇"竟然輸左比架single... 三十下掌上壓事小... 樣衰事大... 下次真係要划好d... 多謝你的手信... 真有我心... 好鐘意... |
|
10/1/2005 - IC Training... 第一日IC Training... Database Server Administartion... 本來諗住佢個course係上到MCDBA的, 但原來係MCP... 不過都無所謂啦... 唔一定要我地考公開試... 反正考左, 到出黎做野時, 都可能就過期... 不過, 個mock就一定要考, 要50% pass IC Training module... 第一日既野真係悶到抽筋... 第一個lab直頭白痴過響IVE上既第一堂... 真係嘔電... 好似有小小唔舒服... 要撐住呀... 似乎係前晚打完波zip親... |
|
9/1/2005 - 反效果? 今日唔夠人出8+, 結果出左架4+, 仁哥舵艇... 今日無左d舊人幫手做balance, 終於feel到乜野叫海盜船... 我同河馬仲係咁比仁哥鬧... 話我地唔集中... 唉... 其實我自覺係衰太緊張... 捉到支槳死晒... 再緊張d既時候, 真係乜野錯都可以犯齊... 唉, 要學用腦划艇... |
|
8/1/2005 - 樂華新場... 樂華個場整左都好耐... 終於開返... 約左Ray, 黎B, Simon, 稭去打波... 其實我唔係太想去樂華打 (因為一次江湖追殺令...) 今次個場都有女仔... 好彩唔係下達江湖追殺令 0個班... 不過, 一見到個Lolita, 我就覺得恐怖程度及得上江湖追殺令... 今日打波, 我整跌左一個肥仔副眼鏡兩鑊... 但好似唔多關我事... 係佢自己係咁泵埋黎我度... 不過, 佢d肥肉又撞得幾舒服... 好過同d骨彬彬既人得身位... 打完波, 等埋黎B慰妻回歸, 同埋生仔行完街返黎, 去左大排檔吹水... 吹到3點先返到屋企... |
|
7/1/2005 - 爆肺... 今日唔使乜事, 跑1500熱身... 都好似feel到個肺爆爆地, 呼吸有d腥味咁... 邊個話Practice makes perfect? 我好似越練越覺得唔掂... 越練越覺得仲差好多... |
|
4/1/2005 - 想做好d... 未夠, 未夠... 無論體能同技術, 都仲係好差... 根本划唔郁隻艇... >_< SGA, 將會比一科Free Elective左右... |
|
2/1/2005 - New "Gays"... 本來阿康send左E mail黎, 話天氣凍, 新人遲一個鐘先練艇... 但自己都覺得凍唔練艇好似唔係太好, 而且難保會唔會有一日凍過今日, 所以都自覺加操... 叫埋其他新人一齊黎... 但唔知係真係天氣凍難起身, 定係我號召力有問題啦... 得Sunny同埋阿傑準時到... 跟住其他人先遂個黎... 最遲既, 都真係遲足一個鐘先黎, 即係照原定時間... 結果, 人數唔夠, 所以本來諗住加操返d技術, 變左跑步跑夠4 + 2K, 同埋拉筋拉足兩個字... 話時話今日相對前幾日, 已經唔算太凍, 係真係暖返呀, 定係凍慣左? 沖涼既時候, 好多人做出好春光乍洩feel既行為... 我仲係咪應該響艇會沖涼呢... |
|
1/1/2005 - 元旦跑... 同埋阿廉, 首領, 大佬B (此人為長空隊隊長...), 同埋阿廉既兩個女性朋友 (其中一人名為林嘉欣, 所以, 我都算有同林嘉欣跑過步...), 去左城門水塘玩"2005年元旦水塘長跑"... 以我既能力, 我都知只係志在參與... 呢個比賽既規模, 同Nike 10K一定無得比, 所以未必會有李致和之類擺明可以屈機既神人... 但係亦因為比賽規模細... 去得跑既, 點都有返一定實力... 呢樣野, 我都係去到先知... 唯有將目標改做"完成賽事, 同埋唔使包尾..." 最後結果, 男子公開組第31名... 但係我諗男子公開組total得40人左右... 所以, 應該正好係呢個lower quartile... 呢條賽道, 完全無提示, 都唔知自己跑左幾多, 我又無帶錶, 無得估... 結果, 臨尾條大斜路, 比個阿叔狂放... 到我知道原來係已經就黎衝線時(唔怪得個阿叔真係發晒狂咁衝)已經太遲... 最尾一段路仔, 我當100M咁去追, 結果都輸個阿叔10M咁上下... 唉... 今日係43年來最凍既元旦, 本來我以為做左呢世仔最戇居既事... 但事後得知, 原來d報名費都會拎去賬災... 總算做左件好事... 咁莫講係8K, 就算係16K, 都無所謂啦... 跑完既時候... 阿廉走左去對住林嘉欣做左d好奇怪既手勢, 大約係左手反手成筒狀, 不停地chok, 而右手則拍打於左手之上, 然後叫嘉欣姐估下佢響度做緊乜... 眾人百思不得其解... 唯獨首領一語道破... 真不得不服首領既機智... |