|
Link
|
|
16-04-02 Tuesday【晴】 早會排隊調左位呀, 再見唔到太子阿哥了, 唔制呀~ 今日上堂落堂, 冇咩特別, 我多數都係同Connie一齊, Lunch兩個人撐台腳,哈哈... 今日聽到一d關於Jerry的事, 有點唔開心, 但算喇, 唔關我事!! 佢令我太失望, 佢己經不再是以前的他了~ 今日放學都係留係學校幫手, 6點左右先走, 但我今日見唔到太子呀, 成日都見唔到佢.... 返到屋企, 同佢都唔係傾好多野...>.< |
|
17-04-02 Wednesday 【晴】 今日返學, 大家的話題都係講返尋晚的<星期二檔案>, 唉, 好瘀呀, 話我學校係屋村名校, 仲有呀, 話我地廿週年冇錢 , 冇錢買射燈, 要用光管...講到我地好咩咁, 成個節目成三十分鐘, 我地得個三四分鐘, 尋日校長仲要講到好巴閉咁, 點知.... 日日都上堂落堂, 真係有點悶呀, 係自己個班又唔開心喎, 點解? 自己知算了, 好辛苦呀~ Lunch, 同Connie & Gi 一齊食, 諗左好耐先諗到去邊, 我Lunch個陣見到太子呀, 但大家唔知仲咩, 好怪呀~ 放學, 我又忙又辛苦, 要周圍咁走, 好多野又未整好喎, 整得個樣, 又整唔到個樣...我點諗又冇人知喎, 好似冇人關心咁... 今日我留到作 7點15先走, 我見到佢練獅, 佢練完仲要幫手搬borad, 仲要去返Art Rm到畫畫, 我唔知仲咩, 見到佢扮到好似見唔到咁... |
| 18-04-02 Thursday 【晴】
今日返學, 冇咩呀, HE整野食囉, 原本想俾佢食的, 又唔夠膽搵佢喎, 唉.... 放學, 幫鍾sir整野, 聽到鼓聲, 於是出去看看啦, 見到太子一個人係度練, 我第一個反應就係走落去搵佢, 落到去, 見到佢同袁sir係度傾緊計, 後來袁sir走左, 我同佢傾左一陣, 好開心呀, 得我同佢咋, 咩都講得, 睇住佢打鼓真係好滿足的, 但冇耐佢d fd 黎左, 我一個女仔係度, 太怪了, 於是我上返去, 整埋d手尾~ 幫完鍾sir, 又要整IS, 整到成7點15先走呀, 個時太子仲係art Rm... 返到屋企, 一邊同佢chat, 一邊整絲帶...原來太子廿週年整好多野嫁, 有eng ,art ,lion dance ,chi, 好多呀, 我仲諗住搵佢幫手添...但算喇, 佢咁忙... 講真, 如果佢唔係學校, 我都唔會留到咁夜呀~ |
| 19-04-02 Friday【晴】
今日返學一袋二袋好狼狽呀, 唉...搞成咁都係為左廿週年呀... 排隊個陣, 我不自覺咁望住Jerry, 心裏有種酸溜溜的感覺。 放學繼續幫鍾sir, 好開心呀, 終於搞掂晒啦。之後去左幫IS, 諗住落去搵阿哥幫手, 但佢唔係度, 最後我去左hall。 係hall入面見到Philip係度做音樂劇, 於是我同wingyan 留左係度睇, Philip好正呀, 真係幾型嫁 (遠睇), 唱得好好呀...佢都見到我的, 好開心呀~ 我仲唔小心踩污糟左佢件衫呀...><" 之後我陪wingyan落左去, 竟然見到太子阿哥上緊黎喎, 仲差點仆親, 笑到我丫... 同佢講左幾句, 佢要去整野, 我就返左入Hall, 我睇得太入神啦, 連太子入左hall都唔知呀, 我睇到成8點幾先走呀, 好累呀, 但我覺得值得呀... 今日派左成績表, 我班29 級118 , 岩岩入到120 , 太子考班尾二, 級****, 好唔掂呀~ 聽講話Jerry進左呀, 唔知佢考成點呢, 好想知~ 今日好開心呀, 尤其是見到Philip個陣呀~
|
| 20-04-02 Saturday【晴】
今日一早返學綵排, 但點知遲遲都未開始, 原來girl guides儀仗好辛苦嫁, 開幕個日我係下面做儀仗, 見唔到阿哥打鼓, 又見唔到Philip做音樂劇, 唔制呀~ 最慘係今日都見唔到佢地綵排呀~ >_< 阿哥今日都有返黎, 初初我見唔到佢的, 鄒慧英同我講佢岩岩走左,好在之後都見到佢, 佢仲同我招呼,
但我冇理佢喎, 因為我都唔知佢叫我, 再下次見到佢, 我對住佢笑囉...^^ 見到佢真好~ 今日好多人都返左黎, 但各有各忙, 好少講野, 我就好努力咁做board, girlguide個個終於整好, 我可以專心整IS了~ 下午 , 返家聚遲到呀, d時間預錯了...今日篇信息係講十樣趕走太太的方法, 聽落好唔關我事, 但係令我明白到人同人相處真係唔易的, 要互相遷就的~ 家聚完左我就立即返學了, 整IS丫嘛 ~之後見到William (四眼仔), 我咪邊做野邊傾囉, 佢令我知多左Jerry以前的事, 佢仲講左俾我知太子喜歡的是wear galsses 的~ 返到屋企, 等唔到太子on, 我走左去訓了。 |
| 21-04-02 Sunday【晴】
今日十二點幾返左去學校幫手, 冇諗過整咁耐, 所以冇返教會了... |
| 22-04-02 Monday【晴】
好熱呀，成30度呀~ 今日返學都冇咩特別，上堂落堂。 放學，太子練獅呀，我只是遠遠看他罷了，整天也沒找他，我見到佢時，佢見我唔到。 原來Feel唔知我係邊個的，佢今日問我係咪陳燕個陣，我真係呆左一呆，我同佢係ICQ傾左咁耐，估唔到佢唔知我係咩樣，真奇怪。 今日整到成七點幾先走,好累呀 返到屋企, 訓著左...第二朝先起身 |
| 23-04-02 Tuesday【晴】
今日一樣咁熱, 救命呀~ 今日上堂唔係咁留心, 尤其是Maths, 都唔知自己諗d緊咩, 上堂發緊夢, 唉... 最後個兩堂唔駛上, 我只是掛住睇書, 有時咪出去走廊行下囉, 仲見到Jerry 添。 唔知係我自己刻意定係真係有緣, 每次出親課室都會見到佢...好怪丫呵, 今日返學撞到一次, Lunch& 最後個兩堂又always撞到喎。最怪係大家見到對方個種眼神, 我每一次都有看他的, 因為我好想同佢做返朋友, 做hi, bye, 或者就咁笑下的朋友都好呀。但點解咁都唔可以?? 返學都係兩邊走, 唔係幫girl guides就係IS, 好辛苦呀, 好在有個William得閒講下笑, 我先冇咁悶咋。 我落樓梯個時撞正太子, 我都唔知講咩好 , 望左佢一眼, 如果唔係佢打開話題, 我諗我真係會啞左, 唔出聲的。當我再一次撞到佢的時候, 他身邊有很多人, 我只好扮看不他, 我唔敢面對佢呀, 唔知點解同佢再一次有疏遠的感覺, 好煩呀！ William同我講太子唔想我知佢鍾意邊個。個封email, 佢睇左, 佢好清楚我係點諗的, 但係佢根本唔想去理, 有時我會覺得自己好失敗呀, 點解俾佢知喎, 我真係唔知可以點了...點解走去識佢, 點解要搵佢代替Jerry, 點解要認佢做阿哥, 點解? 廿周年佢要做art, 仲諗住搵佢幫手添... 我決定放棄佢, 我已冇力氣同勇氣找他了~ 但我怕我自己會心軟... |
| 24-04-02 Wednesday【晴】
今日好開心呀, 可能係唔駛上堂的關係, 成個人好FREE呀, 頭三堂就幫手整野, 但其實係行行企企。 小息之後, 可以睇開幕典禮既綵排呀, 好正呀。點解? 因為可以見到阿哥呀, 真係好好好好開心呀, 成個人都顛晒呀。一開頭就是舞獅表演, 真係好出色呀, ken lau好勁呀, 我地加埋後面班6B個個都係度嗌, 係度拍掌歡呼, 好high呀。之後到Dance表演, 家騏係度扮朵花, 笑到我丫...之後都綵排d嘉賓講話, 校長一人扮演多個角色, 勁搞野呀, 講黎講去都係講個句, 最奇怪係佢講一兩句咋, 少有呢... 再之後就到音樂劇了, 好好睇嫁, 當Aman同Philip 拖手個陣, 禮堂d人個個都係度嘩~嘩~咁叫呀~ 最後的重頭戲黎啦，"師生大合唱"呀, 我都係第一次見到咁多個老師一齊唱歌咋, 好難得的~ 成個開幕典禮好正呀, 我全程都顛晒, 可能俾後面班6B影響到啦, 但真係開心呀。好耐未試過咁開心了。 Lunch返到黎, 真係好累呀, 唔想做野, 但偏偏要出去買野喎, 唉~ 終於見到本校刊了, 好靚呀, 40蚊真係好抵呀, 成本要成百幾蚊的, 哈哈, 終於賺返一次學校錢, 好野!! Girl Guides個boards終於做完了, 好開心呀, 係個課室我淨係掛住玩, 仲要同d
Boy Scouts喎。 唉,依家先發覺自己好失敗呀, 我個名就係人都知, 但我係邊個就冇人知, 今日有個Boy Scouts問我:唔通你係陳燕?
我真係冇野好講, 佢係我ICQ fd來的, 竟然唔知我係邊個~唉, 我好失敗呀~ 廿周年就快到啦, 我要影好多好多相呀, 佢地d board 咁靚, 加上學校多左個水池, 唔影好浪費的~ 返到屋企, 同太子傾得唔錯呀, 好開心呀, 多數都係講佢今日打鼓, 佢今日真係好正呀 , 連6B d人都讚佢呀~好開心呀, 好耐冇同佢傾得咁開心咁多話題了... |
| 25-04-02 Thursday【晴】
聽日就係廿周年, 今日都係返去幫手, 我成十點先返到, 之後兩邊走, 我今朝都係略略見到太子一面咋。 4點幾, 校長巡下我地整d野, 我好瘀呀, 俾校長話我唔識整繩結呀, 好唔制呀, 好冇面呀~
返到屋企, 同Areson傾左好多野, 佢講左好多關於太子既野俾我知, 最重要係太子喜歡過的人呀, 真係大收穫呀~佢仲讚太子好呀, 都話我阿哥好嫁啦! 係Icq 同太子仔傾左好多野, 最估唔到係太子都認左喎, 好意外呀。今日同太子傾左好多野, 但係傾得好平淡, 好陌生。唔知點解我問佢有冇呃過我, 佢話唔知, 之後佢仲話我今日好怪。 怪? 我都覺, 但係點解, 我真係唔知, 可能自己d情緒有問題掛... 今日發生左好多事, 我唔想去理呀~ |
| 26-04-02 Friday【晴】
終於到左廿周年了, 今日兩點幾返到去, 三點幾就要開始做儀仗了, 企到4點半。之後上左去20 室。今日都冇咩嘉賓上黎參觀既, 我地girl guides 同boy scouts掛住係度玩, 玩都顛晒呀。我仲周圍咁參觀, 成個大細路咁。我去到禮堂, 岩岩見到音樂劇完場, 佢地真係做得好正呀, 佢地成班又好fd喎, 好羨慕呀。 7點幾, 所有野都完了, 我同音樂劇d人去食飯, 好正呀, 佢地成班好開心呀, 我同佢地一齊好開心, 當然啦, 有Philip丫嘛, 但係我同佢都冇咩野講, 佢多數係同美琪一齊。 唉...我今日睇過佢銀包呀, 有佢同Carman& Janet既貼紙相, 我見到之後,
個心好酸, 好後悔當初冇珍惜Philip, 搞成依家咁。令我最驚訝的是Philip講左一句"佢同鋒都係一樣鍾意張祖堯"
我聽到之後真係呆左, 佢咁講我真係唔知可以點...我地係哈迪斯坐左好耐呀, 講野又大聲喎, 搞到好唔好意思呀, 到左8:45, 我地終於走了。
返到屋企, 同太子唔知講咩好, 佢聽日都要返學。見到Philip 改左info, 個心又酸左, 唔知點解, 佢開始變得重要左, 可能見得佢多掛. |
|
27-04-02 Saturday【晴】 今日又係一早返去幫手, 見到Jerry, 佢著得好搞野, 紅色T-shirt, 四腳骨褲, 同著拖鞋返黎添。我望左佢一陣都冇再理了, 馮sir幾搞笑呀, 成日都話"我幫你叫馮生落黎影呀" "佢真係唔應該, 著便服返喎", 笑到我丫... 今日當值都幾free的, 我都有時間周圍參觀同玩, 拎左好多紀念品返黎添呀。今日Philip表演呀, 好型呀, 自彈自唱, 我仲影左好多相呀, 好開心呀。我仲可以同佢一齊影添呀, 真係好正, 但係個劉子裕好衰呀, 佢見到我同Philip 影相, 話鄙視Philip喎, 哼!! 我今日同左好多人影相呀, 好開心呀, 拎住部相機係咁影, 好正。我今日見到太子, 又見到芸依, 佢地係Art Room, 我個時都係度, 但係我冇理會佢地, 我都係陪Lok , 我唔想諗太子呀, 好煩呀, 全世界的人都知我鍾意佢, 好冇面呀, 我都唔知自己點諗, 我... 今日返家聚好陌生, 完左我又係即刻走個個, 我真係俾少左時間神同班姊妹...好唔應該呀~
|
|
28-04-02 Sunday【晴】 今日又係一早返去幫手, 阿gi好偉大呀, 送早餐來我屋企, 多謝阿gi。 下午我見到Lok係Art Room,我咪入去搵佢, 個時太子唔係度, 有點失落, 但當佢係度我又唔想見到佢, 個心好亂, 咩都唔想諗...其實點解我會變成咁? 係咪因為知道佢鍾意過芸依? 但都係以前既事啦! 唉~ 真係唔明, 好煩呀! 今日見到個師姐, 湯姐話同我好似的, 連師姐d fd都話似, 但我又唔多覺喎? 係丫, 今日睇左湯姐d相呀, 好正呀~ Philip 好正呀, 我仲叫左湯姐晒埋俾我添呀, 好開心~ 到左4點, 開始拆野了, 我覺得好可惜呀, 因為整左咁耐, 一下子咩都冇了... 好在我影左d 相 , 我相信一定影得唔錯~ 今日同左鍾sir 老婆影相呀, 話晒師母喎, 好正呀!!! 但最可惜係冇同太子影... 到底我鍾意邊個呀, 好想知...我d fd話我唔係鍾意太子, 如果唔係, 咁係咩? 唔通真係因為佢似Jerry, 用佢來忘記Jerry? 好多人講我同佢冇可能, 一來佢有鍾意既人, 二來我同佢唔同form, 根本冇機會~ 每次見到佢同art 個班玩得咁開心, 我真係好羨慕嫁~ William , 多謝你呀, 今晚同你傾左咁耐, 好開心呀, 雖然你係悶先同我傾, 但係你俾左好多答案我呀, 我好似睇開左, 你話阿哥鍾意個個好高質素的, 我自問比不起, 二來我相信阿哥真係好鍾意佢, 我要學會祝福阿哥, 咁先係最好的做法。 |
|
29-04-02 Monday【晴】 今日唔駛返學, 留係屋企好悶呀, 又唔想做功課喎, 咪一邊on9, 一邊做功課囉。下晝個陣訓著左。
|
|
30-04-02 Tuesday【晴】 傻晉, 生日快樂~ 我一返到學就見到阿哥架車走, 心諗: "阿哥返左學了", 經過F.4個時, 我咪直行直過囉, 去到排隊個度先敢望阿哥, 唉, 何必呢? 之後見到Jerry 同軒, 軒剪左頭髮呀。 今日上堂都幾專心既, 都明既。好開心呀, 我今次拎左11個優點呀, 勁呢~ 哈哈~ 到左放學好熱呀, 榕,gi & Kitty 走先。而我就同Lok, Suki, 雪 & 希敏一齊, 好開心呀, 影左好多相。佢地同我講軒個頭, 我先知佢剪得咁搞笑, 今朝睇唔清楚添, 軒仲俾人叫做七爺添呀。軒今日要留堂, 我地成班係度等佢, 點知一見到佢個樣兇神惡殺咁, 好得人驚呀。 我地點會放過看七爺機會丫, 我地落左去Covered Playground睇佢, 個時成班4D 都係度的, 包括太子同Philip, 我唔敢望太子呀, 怕左佢班fd(girl), 成日眼望望咁... 講返七爺先, 佢好正呀, 我都唔明點解可以剪成咁, 笑到我呀~ 哈哈。當七爺落場打波時, 我同Lok上左去平台看他, 諗住影埋佢啦, 點知佢打陣就冇打了。哈, Lok 幫我影左小西呀, 好開心呀~ ^^ 之後我地咪落返去囉, 點知見唔到太子喎, 以為佢走左, 好失望呀。 正當我地傾得好開心之時, 一個籃球從遠處飛緊過黎, 個落點岩岩對準我, 好在我一手推開咋。我以為d 人唔小心先飛個波黎, 所以諗住就咁算啦, 點知, 個波係Jerry 飛過黎的, 咁唔好彩飛準我, 籃球個班男仔係度又拍手又大叫, 搞到我好瘀呀。 之後, Feel同阿拓 "dick" Jerry個黎我地呢邊, 叫Jerry say sorry, Jerry笑笑口講左句對唔住, 但Feel 話:"你同邊個講先?" , 搞到我都唔知點好, 只好越行越後。Feel好衰嫁, 都唔知係有心黎道歉丫, 定係有心玩野。^^ 佢地講完對唔住走了。我個時真係好尷尬呀, Jerry 越行越近喎, 我...我都唔知點好, 佢又好唔好意思咁款, 塊面紅晒, 個樣好可愛的, 我永遠都會記得個時嫁! 之後諗住叫Jerry將功贖罪幫我地影七爺, 點知佢唔肯。而我地都出去了。 我之以為阿哥走了, 諗住去車站搵佢的, 但原來佢未走的, 我見到佢咪扮睇佢唔到囉, 話知佢丫, 佢個班Fd 真係好煩嫁, 我係太子的視線範圍出現, 一定會講過不停, 我唔係鍾意太子的!!! 以前可能有, 但依家冇, 鍾意佢搞到咁辛苦, 我寧願唔鍾意呀, 加上我又未必真係鍾佢。 今日有開心, 有唔開心。我好多謝個波飛左過黎呀, 令我知道自己個心點諗, 仲要多謝傻Lok 佢地呀, 同佢一齊好開心, 佢地真係當我係好朋友的, 好感動呀! 今晚都有同阿哥傾, 可以話傾得唔錯掛, 傾得都幾開心的~
|
