01-5-02 Wedensday

今日去左探爺爺嬤嬤, 發覺他們老了, 他們年紀那麼大, 每天只是希望我地能生生性性, 希望我地抽多點時間陪他們。但是我們做到又有幾多呢? 佢地年紀大了, 我真係唔想佢地兩個老人家仲為我操心, 咁樣我會好慚愧的, 依家既我先發覺自己一點都不孝順呀。

今日聽到嬤嬤講返以前既事, 我先明白以前的生活是多麼辛苦呀, 依家的我好幸福了, 我應該很滿足了。有時係度諗, 如果我係一個男仔是多麼好呀, 如果我有一個阿哥又是多麼好呀, 如果我阿哥仲係度, 到底會係點呢? 他會怎看待我這個妹妹呢? 如果他還在的話, 我唯一肯定的是我的家不會這樣, 媽媽不會變成這樣子, 爸爸媽媽不會為這事而難過, 他的離開, 永遠也是一個遺憾。

今朝返學, 我諗住過去還書俾Lok, 點知咁岩見到Jerry返緊黎。
小息, 同阿gi講起Jerry 就真係見Jerry, 上到去仲見到太子呀, 好滿足呀! 到Lunch, 返到黎又見到Jerry, 唔講真係以為我跟蹤佢呀。今日我問軒個頭點解剪成咁, 佢好嬲呀, 個樣好得人驚呀,怕怕。
唔知點解, 我同班女仔好似疏左, 到就黎完F3, 我唔想再發生d咩事了, 只想開開心心咁過埋佢。
今日成日諗起Jerry , 好掛住佢, 好掛住以前同佢一齊。太多太多回憶了, 好開心好難忘, 又後悔喎, 我以前真係唔識得去珍惜, 後悔太遲了~ Jerry 一直以來我都冇同你講過個三個字。對唔住呀, I Love you! <==哈哈, 唔好誤會呀, 補返以前咋! 依家係呢句===>Friendship Forever!!

03-05-02 Friday

今日拎左d 相返學, d 相好正嫁, Jerry 個幾張最正, 其他都唔差, 好滿意。Lunch個陣同Kylie, Yung, Doris一齊, 但都冇咩野講, 好似唔識咁...到返黎個陣, 同Lok一齊, 成個Feel係好唔同嫁, 開心好多。我陪佢去搵沙沙呀, 好搞野呀! 君爺好衰呀, 無端端講返以前我同Jerry一齊既野, 搞到我個心又...
放學, 見到太子阿哥係前面, 但隔好遠, 我同Kitty一直係後面。係天橋底, 阿哥停左係度, 我地繼續行, 佢見到我, 但我扮睇唔到, 直行直過, 我唔敢面對佢呀~
今晚, 等左好耐都唔見太子on, 所以send左個offline message俾佢, 到左11點15分, 我收到佢message 呀, 佢話佢陪屋企人食飯行街, 岩岩先返到屋企。　 唉, 佢問我今日仲咩俾野傻雞食呀, 個個都以為我俾傻雞呀, 好在我同哥解釋咋, 但其他人會點諗喎....>.<

04-05-02 Saturday

今日好遲先起身呀, 累丫嘛。今日返家聚, 講得好岩呀, 尤其是開頭呀, 好似鬧緊我咁, 不過都係以前的事了。家主話唔好每日花三個鐘係icq到, 既然可以花三個鐘係icq度, 點解唔用係神度? 又話唔好同唔係基督徒拍拖, 佢舉出一d 例子嫁, 好準呀, 令我諗返以前真係...><
可能太耐冇返, 同d姊妹好似疏左, 好在係愛讌傾多左, 先好返d咋 ~
今日太子佢地成班去BBQ呀, 仲玩通頂添呀~

05-05-02 Sunday

今日返主日篇信息講得好好嫁, 講我地口所出的一切都有能力的, 我地有Speaking Spirt , 有信心的話, 所講的必成就~ 但今日我唔係留心呀,下次要留心d~
之後, 我地外展呀, 感謝神, 帶左兩個人信主呀, 有一個係讀鄧顯呀, 好開心呀~我地成個家聚總共帶左11個人信主呀, 好突破呀~感謝神

06-05-02 Monday

今日放假, 留在家中。6點幾同家姐出左去行一陣。
家姐今日撞到philip呀, 得佢一個喎, 好怪~
太子info 寫左句 : "慢慢諗....我會一直等妳....6/5" 係以前的我, 一定會亂, 左諗右諗, 但係依家我一d 感覺都冇, 是真的。慢慢習慣了, 便放低了。

07-05-02 Tuesday

今日留在家, 係下午出左去拎相, 返到黎同阿哥傾左一陣, 佢依家日日放學要補課呀~
阿哥又改左Info 啦, 今次我不再是冇反應了, 我...我有點失落的~ 我問佢係咪有心事, 佢話有少少, 問佢係咪因為佢, 佢話係。之後講幾句, 佢就拉開左話題, 無端端講我送俾佢個袋。我同佢傾左一陣, 佢話沖涼, 之後就冇傾了。

08-05-02 Wednesday

今日返學, 好開心呀! 阿哥用左我送俾佢個袋, 真係好開心嫁, 唔怪得知佢話個袋好用啦!
今日派左本校刊, 一個二個都掛住睇, 上堂又睇, 小息又睇...哎呀, 本校刊有張我F2植樹個樣, 丫...唔制呀, 影到好肥既...><

放學, 師生足球選拔呀, Jerry入左呀, 好開心呀~ 今日見到佢真係驚驚呀, 成日神出鬼沒...^^ Jerry個樣好傻好得意, 見到佢好滿足~

講返阿哥, 佢今日放學要補課呀。我終於知佢鍾意邊個喇, 我自問真係比唔上佢, 唯有祝福佢地啦。

09-05-02 Thursday

今日返學落好大雨呀, 不嬲唔帶雨傘的我都帶了回校。落雨令我諗返起12月8日丫, 永遠都記得呢一日, 又係一個下雨天...
哈哈, Jerry 又係帶個把遮呀, 好好笑呀! 佢呢份人最怕俾雨淋, 但又好鍾意游水喎。
今日上堂好累呀, 都唔係好留心聽書。放學又落雨喎, 諗住有足球比賽睇啦, 點知等左成日先知JERRY走左, 好失望呀~
今日未見過太子呀, 返到屋企掛住整網頁, 冇同佢chat。今日知左一件事, 令我對太子有很不同的看法...

10-05-02 Friday

今日個天都係黑黑的。
今朝返學見到Jerry, 佢好似隱約見到我, 佢同芷蕾一齊返學。
上到課室, 我幫人問佢借書, 點知佢冇反應, 一句話都冇講, 咁我咪冇理囉, 諗住叫傻Lok問佢, 點知我一出班房, 佢係我面前, 仲將本Geog書俾我, 個時, 我真係好開心嫁~
小息, 又見到佢, 將d history WB 俾佢, 佢都係冇出聲。上返去, 又問佢借書, 佢好好人咁借俾我, 不過要小心d notes。呢句係我今日聽佢講的第一句說話。
今日我做值日生呀, 上完數學堂, 出左去濕布, 岩岩見到Jerry 落去音樂室, 大家望一望就冇理了。
Lunch, 上左去4D 俾返d相Jessica , 咁岩見到太子, 真係咁岩呀! 我將d 相俾左佢轉交給她。太子剪左頭髮呀, 佢上次剪左都冇耐, 又剪...
放學, 陪William去看陳式宏開放日,然後再返學睇比賽。

今日第一次同芷蕾傾計, 我緊張到唔知講咩好呀~
Jerry今日守籠, Nick射波個陣撞跌左佢呀, 好矛呀!! 其實Jerry守得好好嫁, 好多球都接到, 但對手太強, 最後失左5球。好在Feel入返一球, 結果係1:5。 Jerry有點失落的~>< 佢換完衫就走了。
之後個場有我地個班份, 於是睇埋先走, 但我都冇咩點睇, 掛住同軒傾計, 雖然唔係傾好多野, 但都幾開心, 佢串我矮呀。不過佢真係好高, 我到佢膞頭都冇呀~ ><

11-05-02 Saturday

今日返家聚, 信息係講婚姻的, 雖然唔關我事, 但係婚姻係神預備給我們的一份禮物, 我們要做的是好好預備自己。

我最記得家主個句"以善制惡" , 當你用友善的態度對人時, 那人便不好意思對你惡了。
之後同Amats, 麗燕行左一陣, 見到榕同阿gi一齊。之後又見到Eddie, 佢去醫院探阿爸喎~ 同佢一邊行, 一邊傾, 佢好搞笑呀!

今日主日信息破記錄呀, 成四個鐘呀, 但感謝神, 因為神恩膚先可以講咁好既信息。
今日篇信息講得好好嫁, 講出油同燈, 燈係神的話, 神的訓誨。其實每一個人都有呢一盞燈<==神的話=聖經,但在乎我地明白有幾多, 行出又有幾多, 盞燈光唔光, 就靠自己~
油係恩膚, 係你生命到底有冇油, 你會唔會買油, 都係睇自己的, 由今日起我要用我生命貨幣去買油, 順服家人如順服主一樣, 我要結聖靈的果子~

返到屋企都九點幾了, 今日同芷蕾第一次係ICQ到傾, 好開心呀~ 好想同佢做到好朋友呀~ 一定得既!

諗起尋晚send offline message俾佢, 好傻呀!