13-05-02 Monday 【雨】

今日個天又落雨了。今日都冇咩特別，見到子傑呀，估唔到真係可以見到佢~^^小息見到佢囉...真係好開心嫁，一出課室就見到佢。但我唔敢面對佢，之前send左個咁既message...
我好耐冇見過太子，好耐冇同佢傾過。我開始對呢個人好陌生...

14-05-02 Tuesda, 【陰】

今日排隊呀，Lok同我傾計，點知軒係度笑喎。今日校服檢查喎，嚇親我呀!! 由頭check到落尾。><
今日上堂好累呀，尋晚訓唔著...上堂好掛住佢!
Lunch 去左Connie家食，返黎見到佢係後面，好開心!
放學要練歌，練完就立即落去睇師生足球賽，好多人係度睇呀，太子、Philip同埋成班4D都係度。軒、扑華同傻晉都有睇，但佢一早就走了。
佢今日上堂食野俾Miss yip話丫，我諗一定好搞笑。我今日幫佢同軒改quiz，軒好唔掂呀, 交白卷。佢就唔同喇，10/15，唔錯唔錯~

15-05-02 Wednesday

今日返學上樓梯個陣, 佢我前面呀, 好開心~
He堂整班戟, 我好想請佢食嫁, 小息個陣, 我見到佢一個人, 我走左過去, 同佢講左幾句, 但佢一直低頭, 之後仲走埋添, 好失望呀, 我好想佢講請佢食野之嘛, 咁都做唔到...
Lunch, 我同Connie食呀, 返學時, 佢係我後面~~
放學, 社排比賽, 好正呀, 德社反敗為勝呀~ 可惜見唔到佢...

16-05-02 Thursday

今日好唔開心呀!小息個陣見到佢, 又見到太子。但佢根本冇理我, 點解人地去搵佢, 佢就好聲好氣咁理佢, 我呢, 唔理我不特止, 仲越叫越走, 我做錯d咩喎。
Lunch , 我上去個陣見到有人問佢tips, 我好嬲呀, 我一入到課室我好激動, 仲喊埋出黎呀, 我自己都估唔到會喊, 但我真係撐唔住呀!!好在Connie係我身邊咋, 如果唔係都唔知會點

17-05-02 Friday

晚落左好場大雨呀, 今日個天都黑黑地, 一返學見到阿哥, 但佢見我唔到,
今日Lunch同Connie Kitty一齊食, 見到阿哥同成班Art 一齊食, 而Jerry 就同芷蕾一齊。
Lunch返到去, 當我落去當值時, 出課室個時, 我見到Jerry呀 佢都見到我的, 好開心呀, 成日都咁有緣~^^
放學中史Quiz, 之後去左睇師生籃球賽, 好精彩呀, Mr Lee(教Phy)返左黎呀, 之後再去睇社排, 立社鸁左呀, 好野
但睇波個陣, 我同Beckham,giggs, ken發生左D事, 搞到大家都唔開心
我同雪 LOk Simon一齊睇到差唔多七點先走, 我地一路傾計一路睇好開心呀, 好似顛左咁, 我地傾返以前d野同埋31號個晚, 個晚真係好難忘呀~ 永遠都唔會忘記~
但今日見到阿哥, Lok, 雪 , Simon都問我阿哥係咪同佢一齊, 阿哥同佢真係好似咩嫁, 連佢地都覺喎...

18-05-02 Saturday

今日一早去左Base幫忙, 今次是第一次幫手, 好開心呀!!同Amats. apple一齊, 不經不覺做左兩個鐘呀。之後一齊返教會, 仲識左小小呀, 佢好好人嫁, 好Nice的
家聚完左愛讌, 一齊食野, 好多野食呀 ,好開心
今日見到杰少阿哥, 佢轉左新形象呀, 好正。

今日返主日, 都係講返油同燈, 冇咩特別啦。

20-05-02 Monday

今日留係屋企好悶呀, 6點幾出左去行一陣, 見到沙沙。
佢冇睇我個封email.....><

21-05-02 Tuesday

今日返學去左3C坐一陣, 點知Jerry好早返。Lunch, 軒問我要中文書喎, 因為想睇下heidi 寫過d咩, 唉, 服左佢, 不過同佢傾計都幾開心嫁。
今日佢俾Miss Tang 鬧呀, 抵嫁, 上堂食野。
放學睇社排, 之後同Lok, Suet , Simon行左一陣先返屋企, 好開心呀!

22-05-02 Wednesday

今日好熱呀, 見到佢又點呀, 個心好淡, 唔想諗。最搞笑係軒呀, 我成日同Lok一齊, 佢一定眼望望嫁, 又話人地望佢喎, 笑到爆呀!
小息, 我同傻lok傾計, 好開心。Lok同我講佢尋日俾馮sir鬧呀, 佢除左恐龍堂之外, 堂堂都調位嫁, 唉...君爺同我講佢鍾意邊個個陣, 真係搞到我個心好亂...但係傻lok又話應該唔係佢
Lunch同Connie一齊食, 好開心, 返到黎, William幫我補Oral. 真係好多謝佢呀, 佢d英文好正呀。
放學, 睇社排, 立社贏左呀,好開心, 之後見到馮sir, 問佢係咪鬧過佢, 馮sir話佢好曳, 飛書俾人喎, 我叫馮sir要鬧佢多d, 點知佢又笑我呀,佢話如果JERRYn飛書俾我, 佢咪唔鬧囉, 仲話下次要佢俾個心喎. E...><
放學又係同Lok一齊...^^
返到屋企, 去左佢個網頁, 我諗佢仲鍾意佢, 都好既, 咁樣解除左我好多憂慮...

有時真係好唔明自己, 我同太子最fd個陣, 真係好開心, 又可以放低佢喎
點解自己要返轉頭喎, 咁咪唔駛咁煩囉, 但好多野都唔同左, 太子已經唔係個個太子
但個段時間真係好開心, 同佢有傾有講, 鍾意的話又可以去搵佢喎, 但依家已經唔可以了。

23-05-02 Thursday

今日d頭髮好聽話, 好直。上到課室, 馮sir笑我呀, 叫我去3C上堂喎...^^
今日都冇咩野呀, lunch, 見到Jerry, 但佢抵頭, 扮看不到我似的。之後, 同Lok一齊巡走廊, 好開心呀, 軒成日望lok呀!
放學, 見到太子阿哥, 佢又同佢一齊呀, 我同Lok 一齊係平台望Jerry& 軒,但軒唔係度。Jerry見到我地望嫁, 就坐左係度, 望唔到佢了。之後太子阿哥上左黎, 我地落左去。見到玟, 於是便三人行了。我地去左Cp Rm, 見到軒係度作文, 我去左搵軒,又見到太子。我同軒傾左一陣, 點知恐龍見到, 話軒要留堂作文, 叫我唔好阻住佢同陪佢喎, E...無端端俾佢鬧...>< 又俾左個壞印象佢了...以前就話因為佢都值得呀, 為左軒...好唔抵呀!
放左學之後, 我 , Lok, 玟, 鋒係M記坐左一陣,仲要係ok買野係M記食喎, 我地咩都傾, 好好笑呀~
今日左阿哥點解成日invisible, 原來佢又想畫又想on, 你睇下, 佢幾咁三心兩意丫...

24-05-02 Friday

尋晚成一點先訓呀, 點解? 多得軒囉, 尋晚同佢電話, 好開心呀, 咩都傾, 好耐冇同佢傾過話了, 如果唔係提我帶中文書, 佢都唔會打俾我, 但算數啦, 開心咪得。真係好多謝軒, 講左好多關於佢既野俾我知, 令我睇清佢個人...
今日冇咩特別呀, 有見到佢, 但講真, 佢係隔離班, 見到有咩大不了喎, 但每次見到佢真係幾開心嫁。
放學同傻Lok一齊, 開心~

25-05-02 Saturday

今日一早去左銀行, 真係宣告富足呀~ 之後咪返家聚, 都係講返開心, 我地一定要喜樂嫁, 咁神會幫我地追討返我地失去左既野, 仲要撒旦七倍賠返俾我地添嫁。
小詩今日有返呀, 感謝神, 我有得camp呀, 仲有Amats, Apple, Cedar, Heidi, Humble, 寶平, 小小, 小詩。相信珍珍同Zoe有得去既...^^

26-05-02 Sunday

今日一早去左紅館練歌, 可惜我遲左, 搞到同榕榕佢地有點唔高興, 但我同Terry, 阿珊佢地一齊玩得好顛呀, 好開心呀。仲八到好多野呀~
之後返主日, 都明既, 當牧師講咩叫真愛的時候, 我好留心嫁, 哈哈!! 真愛係不惜一切, 忘我, 捨己, 不自私。我自己又做到幾多呢?

27-05-02 Monday

今日我一返學見到傻Lok, 一邊傾計, 返到去軒係到眼望望...哈!

小息, 叫極軒都唔應...哼! Lunch同傻lok一齊, 好開心嫁, 我地係咁傾, 好開心呀。

返到去軒又係度望, 又係度手指指, 服左佢呀。今日見到JERRY個樣好惡呀, 但佢只係同pok Wah玩, 我真係嚇親呀, 玩個陣都咁惡。

放學聽選科講座, 我唔係E就 C嫁喇, 唔駛煩...^^ JERRY就唔係A就C, 都好既。

落到去, 見唔到傻Lok , 但見到傻晉, 佢叫我幫佢畫畫喎. 傾傾下, 軒走左過黎, 傾左一陣, 就走了。

28-05-02 Tuesday

今日將d畫俾返晉, 佢笑到唔停呀, 軒又係喎, 有冇搞錯喎, 我畫得好辛苦嫁嘛...

其實好怕傻Lok唔鍾意我幫軒, 所以見到Lok都唔知點好, 好在, 我同佢仲有傾有講。

小息去c左班, 見到Jerry一陣, 佢走了。

Lunch返黎, Gi同我講Connie喊, 仲喊得好勁, 我真係嚇左一跳呀, 陪左Connie 去洗手間, 我見到佢好唔開心, 我又唔知點好喎。
好在, 放學陪左佢一陣, 佢冇咩了, 之後我地上左去3C課室, 我地抄晒人地d野出黎, 好好玩呀。過左一陣, Peter黎左, 見到佢地咩事都冇, 我就放心了。我仲做左佢地既電燈炟, 哈哈~

29-05-02 Wednesday

Philip, Chi Man 生日快樂~

上上下堂先記得今日係佢地生日, 之後拎轉頭同Chi Man講生日快樂, 佢話我傻喎><

小息諗住落去睇下見唔見到Philip,點知見唔到, 好失望呀~ 但見到佢...

Lunch, 去左搵Lok, 之後見到Yoki, 可惜, Jerry見唔到, 當佢知Yoki經過既時候, 佢不知幾大反應呀, 立即推開窗伸個頭出黎, 我個陣真係好想走, 唔想係度。由此可見, 佢真係好鍾意yoki。

音樂堂考唱歌呀, 今日岩岩考埋我...

放學, 佢留左係度打波, 尋日同今日都係。走個陣, 我見到佢, 佢見到我。

返到屋企, 八點左右見到佢on, 終於見到佢唔係invisible了。

30-05-02 Wednesday

今日返學仲係好得醫, 見到佢好開心, 成日望住佢, 真係唔好意思...
小息,Lunch 見到佢好俾心機咁溫書. 好開心, 佢終於溫書了...^^

放學去考音樂, 考試期間落雨喎, 考完見到Jerry行路跛跛地, 我一直望住佢, 但佢都見我唔到, 相反, 軒就見到我了。落去個陣, 見到Jerry上緊黎, 我地撞到正, 但咁又點?

不久, 我見到佢同溫正昆拎住把傘走了。後來, Kylie喊, 我都唔知點好><. 陪左佢去洗手間, 點知見到軒, 傻晉, 扑華同賜係度罰抄 講左幾句, 我同kylie, Doris走了, 行左一陣就返屋企了。

返到屋企, 見到Jerry改左info, 原來佢隻腳真係整親呀, 唔知佢點呢? 記得以前識佢個陣, 佢有一次又係整親隻腳, 我地係ICQ傾得好開心, 我仲話返學去探佢隻腳添, 哎呀, 點解我成日都諗返以前嫁>< 但我真係控制唔到呀, 每一樣野, 每一件事都會令我諗返起佢, 佢俾左太多回憶我了....

係丫, 今日見到佢放學上去既...原來佢同溫正昆去偷傘喎, 唉, 服左佢地呀, 但冇法啦, Jerry唔可以淋雨嫁. 佢唔鍾意的~

31-05-02 Wednesday

今日返學, 我排隊又望住佢...上到課室, 馮sir又笑我啦,叫我入去坐下喎, 我話唔坐了 , 佢又話望下都好呀, 我咪答佢望左了。馮sir好搞野呀!

Music考唱歌, 估唔到班男仔唱咁好嫁, 真係幾好聽嫁~

小息, 我一出課室見到扑華同軒先的, 再向左望見到Jerry喎, 好開心呀, 之後佢仲係我後面添...^^之後我去左搵傻Lok, 仲去埋3C班坐添呀, 唔打鐘都唔走...好開心呀!

原來好多人選文科呀, 光宜, ManMan, Sum, Annie, ChauWai都係呀, 估唔到咁多人選文科喎, 嗯, 今次唔可以懶了, 要俾心機呀!