個網D相死晒！∼好慘！∼人已經忙....仲要搵d咁o既o野攪.....直頭想死！∼(2003/11/24)/
好忙，我同瑋瑋為o左自己而家變得好忙！同時亦好有目標！不過而家先知，做一樣o野自己唔熟係會存在o左好多問號係度！我要努力！同瑋瑋一齊努力！做出好成績！(2003010/08)
同瑋瑋煲埋手頭上個幾集“男女字典”。越睇越鍾意Tiffany做Nadia呢個角色！真係好過癮∼！基本上......成輯都好好睇。好中Point、好啜核！尤其睇住Nadia同肥仔o既情節.....真係幾羨慕.......因為好Sweet、好正∼睇到我尖叫！好想可以好似Nadia咁任性！起碼開心先啦∼！百感交集呢......(2003/09/06)
唔知點解，真係唔知點解，我個心仲係好掛住佢......(2003/09/05)
好唔掂呀！個腦好多o野諗......唔知點解！個心好亂∼唉∼(2003/09/01)
好早訓。好早起身。好無聊。好失落。好開心。好古怪。好得閒。(2003/07/25)
雖然呢年都仲未完，但係我最開心o既時間應該係四月同五月，真係過得好開心，好Sweet，好浪漫。好耐都未試過有浪漫o既感覺。手拖手坐車、搭船、無無聊聊咁行街，但又出奇o地開心。原因好簡單，同鍾意o既人一齊，開心就只係咁簡單。而家，雖然唔可以咬佢、拖住佢、唧佢。我開心過，亦傷心過。但係我仍然好多謝佢帶過呢段咁美好o既回憶俾我！我真係好多謝你，真係好多謝！我永遠都會記得我有咁樣開心過！(2003/07/07)
痴線！連續三十個鐘都係清醒狀態。即係無訓過！哈哈！堅呀！都唔知做乜，個人訓唔到。嘻嘻∼∼好開心呀！有個Net Friend佢係美國返o左台灣，放暑假，可能會過o黎香港呀！哈哈∼∼∼係就好囉！可以周圍去玩！好開心呀！(2003/07/04)
真係幾大鑊，身體真係好差，連續三日訓覺都流鼻血。好在隔離無人訓o者，唔係都嚇死佢。無人，瑋瑋唔係我度，好悶。好掛住瑋瑋添。但仲有一個人令我更加掛住。我都唔明自己，人地都唔要我喇，點解我仲咁掛住佢？(2003/07/03)
今日有驚喜。搵得返個朋友喎！好開心呀！講講下先知我見佢係成年前o既事喇！我一直搵佢唔到，原來佢飛o左去上海成年呀！哈哈！真係登佢開心，佢可以做返D o岩佢o既o野喇！希望佢會掂啦！(2003/07/01)
終於支持唔住喇，病o左喇。氣管小毛病令到我又一度堪入苦況中。訓唔到，猛咳，難為訓我身邊o既瑋瑋，成晚都無覺好訓。身體情況極差，連抖氣都有問題，講o野更難，成日都頭暈暈，一訓就迷迷糊糊十二個鐘。周身骨痛，好辛苦。(2003/06/30)
『做返普通朋友』......我都唔介意o既，不過做唔做得返呢？感覺都唔同，怪怪地咁，加少少曖昧，總之就不知所措啦！或者比之前更甚，更唔似普通朋友，唔係我自己做唔到，係人地都做唔到。講咁易咩？唔該唔好避啦！(2003/06/28)
『可以不在乎自己，才能夠對別人在乎。』我自己係唔係我就真係唔知喇......但係古怪思想又再出現！點古怪？唔講得o既。俾人睇到點算？有無人睇都好啦！唔可以亂講o既！總之，我要對得住自己，唔可以俾自己受委屈喇！想做就去做，唔係後悔就會太遲o架喇！(2003/06/27)
又再失落，不過深信自己好快會無事o既！唯有將自己有咁忙攪到咁忙，忙到無時間諗o野啦！有瑋瑋陪我發下癲，都可以開心返少少o既。不過我無同佢講唔開心，我唔想佢擔心我，我唔想係佢面前哭哭啼啼，何況唔係好大不了o者。我要開心D！因為o黎緊幾日都有o野玩！星期日又會識到一班新朋友o架喇！好期待呀！仲要整好多o野食添！(2003/06/26)
呢排過得都算充實，期實可以有工返，不過自己太懶之過，無返到。唔緊要o既，工就係度，我隨時返都可以。過o左個2個星期，最開心係識o左2個朋友仔，就係Ricky同Amelie，我地三個都係上網識o既，Ricky係整餅師父，佢整蛋糕真係強呀！朱古力曲奇同清蛋糕真係可以令我甘拜下風呀！我自己都唔知幾時整得到好似佢咁！Amelie就係我心目中o既麵包師父，佢整包都幾叻，不過我未食過！哈哈！希望有機會食啦！仲要問下佢點整麵包添呀！(2003/06/25)
