我身邊有2個朋友......長期都係唔清醒o既狀態。有人問過我：「點解你對住佢地，你都會唔發脾氣o既？」其實我自己都唔知點解，有時對住咁o既佢地，我會覺得好煩，但又會覺得好好笑，因為佢地o既唔清醒，而好多時會將一件事重覆或者問完又問，甚至將未講過同未做過o既o野當為講過做過、將做過o既講過o既唔記得晒。我會羨慕，佢地o既唔清醒，因為我自己太清醒喇，清醒到有D迷茫、有D不知所措，簡直清醒到有D痛。痛o既係，我覺得自己越o黎越寂寞，開始無人可以同自己傾計，開始無人陪到自己，有種好強烈o既孤獨感。或者係自己迫成，因為唔想靠人，唔想做弱者，唔想自己俾人蝦。我會諗：「如果，我咩都唔記得，我或者會好開心o架.......」但係我做唔到喎，因為我都唔清醒的話，邊個去照顧我呢2個朋友呢？(2003/06/24)
好掛住你！唔知你點呢？(2003/06/21)
你試過有無地自容o既感覺嘛？我而家正正就係呢種感覺！好孤獨....無奈....無目標同方向。好似一起身個人就好迷茫，唔知可以點，唔知可以做乜o野，真係迷失自我！個人異常消極！4月尾5月頭個時好開心，真係好開心！真係形容唔到咁開心！咁大個女都未試過......好似等到我要等o既o野一樣！個人好有目標好積極！而家偏偏相反....... (2003/05/27)
好耐都無乖乖地坐係電腦面前打下字喇！又係無事忙！晚晚睇電視睇到天光！訓到晏晝又無事忙咁囉！玩貓囉！影貓囉！拎個彩Mon Nokia6100上Wap囉！其實好多o野可以做o架！我可以Scan相Upload o架！不過太多喇！又要抽絲剝繭咁，無理由Scan晒嘛！好鬼救命！就到聖誕喇又，堅係唔知去邊度玩好！無奈！最知自己將要做o既就係20號去睇Harry Potter第二集喇！唔知小說出未呢？仲好想睇埋金雞添！君如呀！正呀！(2002/12/19)
其實咩為之“雙失青年”呢？據報紙俾到我o既答案呢，係十五至二十五歲失業加失學o既人。咦？我合符條件呀？咁做雙失o既人慘唔慘呢？係咪應該採取一個正面又積極o既態度去搵工做呢？但係個問題係咁呀！我個人就唔想搵工做喇！雖然我係有手有腳，叫做中五畢業，又讀過商科課程，又有工作經驗。仲要唔係俾人炒，係自己唔做個隻喎！係咪有點兒那個呢？點解大學畢業都肯去做份寫宇樓工係得個五六千蚊個隻喎！我個人係覺得頂難市囉，搵工作經驗咩？公司們請不要再欺壓身失業人士喇！人地問我點解唔搵o野做呀，我會答：無人請，無Cert，唔係我無考會考，唔係我會考無分，係我唔知要拎cert。人地又會話：咁做sales咪得囉！我可以話俾人知，我寧願唔做唔駛唔食都唔會退而求其次！無聊都係咁話！唔好話我白痴又或者扮清高，我只不過係終於自己意願去做每一件事。只要開心！(2002/09/17)
心願已償，因為我已經係18號領養左一隻好可愛o既小貓！佢係貓主o係2001年2月10號係葵涌所拾！醫生當時判斷佢只有八星期大。咁o岩隻貓本身又叫MOMO，即係同我愛兒都係叫MOMO！不過小貓係女孩子，宜家都成歲幾喇！係我o係網上搵人俾我養o架！小貓本身個主人都好Nice，仲教我點對MOMO添！因為MOMO初到，佢好驚，有點失控！我都俾佢抓到傷o左！不過唔緊要，我會努力做個好媽媽，等MOMO成為全世界最幸福o既小貓！momopic1 / momopic2 (2002/08/20)
好耐都o黎寫o野添！都無點上網！又懶，影o左3筒LOMO相都未曬，都唔知點算！終於睇o左Harry Potter個Trailer喇！不過都要等半年後先有得睇！好期待呀！(2002/07/23)
好耐無影相喇！因為自己懶人囉！呢排又忙呢，忙搬屋企，係呀！搬喇，同男朋友仔搬出o黎住！但係真係好忙，因為個單位乜都無o既！但係我就係鍾意乜都無，咁可以一手一腳去建立自己o既安樂窩！估唔到真係好多o野煩！因為又要申請過水電煤氣，買傢俱，油屋，好充實！(2002/03/21)
呵呵！就到聖誕喇！好忙呀好忙呀！要買聖誕禮物送俾好朋友呀！仲有我Honey呀！呵呵！唔知聖誕會去邊度玩呢？好鬼緊張呀！不過我已經玩完海洋公園o既海洋公園滑雪兜喇喂！ 係正喎！呵呵！(2001/12/11)
呢排好懶啦！但係就影o左好多相呀！呵呵！已經影o左兩輯啦，o黎緊仲有三輯喎！好多相影咁呀！yeah~(2001/10/05)
東Touch舊相！(2001/09/10)
本來參加o左東Touch個比賽，約o左我20號下午兩點去觀塘Casting，但係因為工事唔可以去抽身去到，睇見一個機會就咁眼白白無o左！我都知自已份工令到自己無晒自由同自我！不過唔緊要！做埋呢個月，我就自由o架喇！(2001/08/26)
本身好鍾意宇多田光，希望推介俾大家，佢一首歌“Final Distance”！MTV令我覺得好感動！如果大家想睇，不妨E-mail俾我！我Send俾你！(2001/08/05)
又想供o野添！自從自己供完一部Hi-Fi之後，是日吾欲供數碼相機乙部！無計啦！自己又鍾意影相！影人又好自拍又好甚至俾人拍都好啦！何況自己都無部正常相機！係呀，真係無正常相機o架我！一部數碼機都係三千鬆喇喎o既時候呢，普遍APS都要成千幾二千喇嘛，咁我又未想買DV喇，咁Digital Cam就係一個好選擇啦！不過我想買個部都未出！市面未有喎！唉~~~快D有得買就好喇！到時跟埋Photo on net去外影人啦，又或者捉住瑋瑋影輯相啦！哈哈！(2001/07/23)
好耐都無打過D咩字講下自己喇！我諗都未必有人睇啦！今日係7月19日！9月就可以正式唔駛返工！係我朝思暮想唔駛做，生日願望都係咁，本來想做埋呢個月就算，可惜騎虎難下，箇中之味(唔係錯字！)唔係平常人能知，都唔係三話兩語能道盡！總之由我做呢份人人都以為係優差、太子女o既工開始，我就萬劫不復！唉~~真係好感慨o架！其實一早想試好多唔同o既工作，因為我自己都未知想做咩，何況唔係想就有得做！所以正式辭職，去搵我o既理想！快D辛苦完到9月啦，唔該！(2001/07/20)
睇o左一篇文章，更覺自己決定唔減肥係o岩o既！文章內容如下！(2001/06/30)
呵呵！曬o左喇曬o左喇！谷沖之後好鬼正o架！快D去睇下啦！仲有Update o左馬來西亞之行呀！(2001/06/16)
終於返香港喇！去完馬來西亞一個豪華五天團！還可以啦！不過算啦！世界上無咁便宜o既事！見識過就好好啦！不過個邊賣Neutrogena好平！平過係香港診所醫院訂！都買o左少少啦！食o左好多好Yummy o既o野食！好開心！雖則小女子唔食得辣！但都試過下咁！都無失望啦！可以接受o既程度！影o左D SnapShot仲有Lomo相！即相即有已經Update o左因為唔駛曬，但係Lomo就未得！因為想拎去谷沖，樓下話做唔到喎。算 ~ 我搵一間做到先得！(2001/06/14)
個日睇完本Yes!就二話不說仆o左出旺角買o左部LOMO相機，但係唔知係唔係我唔識入菲林，好似有D問題！！不過我諗無事o卦！快D有相睇就好喇！(2001/05/13)
攪到呢度好粉紅色！呵呵！係咪呢？唯獨是呢版無o野！因為我都好鍾意星星！好似呢版D星星好靚！(2001/05/12)
呢排韓風襲港喎！係呀，係韓風呀！本來都唔係好關我事o架喇，因為我本身都唔係對韓國人太有好感，但係自從係巴士D電上睇到一個MTV之後就迅速愛上一位女歌手，就係朴志胤喇！一個好FIT好唱得好跳得o既女歌手！有時間大家留意o下啦！(2001/04/29)
給忘不了的你(2001/04/21)
其實剪o左D頭髮真係好煩！每次影相之前都要去俾人洗頭等人吹我個頭，自己唔識吹！無計！最慘係又Hold得唔耐喎！好快又飛起晒！快D長返啦！不過個人好得閒，因為無咩相影，係囉！(2001/04/13)
個人又開始得閒小小喇！可以上o下網攪攪震！發現Sunday多o左好多靚Icon Download呀！不過我又唔捨得我個星星Icon喎！真係唔得掂呀！噓~~~返工返到好辛苦呀！有無人肯請我呀？好想搵過份工呀！早日脫苦海呀！(2001/04/11)
好煩呀！由星期日開始個人亂到而家，間房亂到暈，D衫四周圍放！相薄又成床係！成疊相未得閒整，想Scan都唔得！大相又未諗好放邊度，又發覺唔見咁疊相囉喎！死未？不過今日去完港台Casting！唔知得唔得呢？(2001/04/03)
哈哈！大家都知我影相係淨係可以星期日影啦！因為我要跳好健康o既健康舞嘛！但係由3月31號開始！就連星期六下午都得喇！因為我以為會係星期四跳！唔再係星期六！呵呵！(2001/03/22)
哎呀！今日收到好多相呀！都學到好多o野喎！好充實呀！所以興奮到成夜兩點幾都未捨得目訓喎！係呀，要Scan晒D相上網先安樂嘛！奄奄尖尖都有成四十幾張鍾意！呵呵呵！不過今日最開心都係聽到人家話我瘦o左嘛！哈哈！我自己睇相都覺！睇返陰澳同荔枝角公園o既對比就會覺喇！真係好鬼開心呀！(2001/03/18)
題目係想相！其實無咩真係特別意思！睇過小喜梅之相應該都見過我影o既相！係呀，有時我都鍾意拎起部相機！自己影幾張o架！不過多數會影即影即有！鍾意即刻有得睇！同埋唔鍾意 Keep 底片！好煩！仲有一個小小原因！就係獨一無二，叫特別珍惜！哈哈！暫時就講住咁多先啦！(2001/03/15)
