第二代魔王 - Sauron
Sauron 係一個 Maiar，本屬Aulë ，Aulë
是眾 Valar 中的工匠，Sauron 從 Aulë
身上學到很多鑄造及建造的智識，後來被 Melkor
影響成為 Melkor 的部下，並利用學到o既技能鑄造 Rings of
Power 及 the Ruling Ring。Sauron 存在左起碼 16,000 年，佢o既邪惡程度僅次於
Melkor，他是 Wars of Beleriand (發生於第一時代)
時最令人生畏的 Morgoth 將領，而自 War of Wrath (第一時代的終結)
後 Morgoth 被逐，Sauron 就成為其後第二三時代 Elves 及 Men
的最大敵人。
第一時代前的 Sauron
Melkor 誘惑 Sauron ，Sauron 便成為左
Melkor 旗下最強最信任的追隨者。果時 Melkor 建造左
Utumno 為據點，避過不少 Valar 的追擊，而 Melkor
為更有效防衛 Utumno，在 Beleriand 北面的 Angband
設下一個要塞希望阻隔由 Aman 來襲的 Valar，由 Sauron
全權指揮。這點好重要，因為 Valar 後來攻陷 Utumno，捉左
Melkor 番 Valinor 囚o係 Mandos 的大殿，但全不知道 Sauron
的存在，黑暗勢力得到保留。
第一時代
Melkor o係呢個時又放番出黎喎，Sauron
當然迎接佢番 Angband 喇，之後都冇咩大事發生，因為
Melkor 都要扮下生性先得嘛，Melkor 要對抗眾 Valar
之力實在冇咩辦法，要去到 First Age 457 年，果時 Minas
Tirith 有座塔由 Elves 守住，以阻擋 Melkor o既惡勢力，Sauron
出手喇，佢親自去到座塔度使出左一道魔法，守塔的
Elves 不是被殺就落慌而逃，Sauron根住就以 Minas Tirith為據點，Elves
亦叫佢做 Gorthaur —意思係 "Terrible Dread"。
其後 Sauron 被派去清剿 House of Bëor
(Oldest house of Edain = Men) 的首領 Barahir，Sauron捉左 Barahir
的部下並使其爆出 Barahir 的藏身處，Sauron就把Barahir一眾十數人殺光，但被
Beren (Barahir 之子) 逃走左。
Beren 一路向南逃走，Sauron
的人狼部隊都追佢唔到，唉，但幾年後 Beren
最終都落入 Sauron 手中，當時 Beren 正在參與 Quest of the
Silmaril 同行o既仲有 King Finrod of Nargothrond (Galadriel o既哥哥)，兩個連埋
d 隨從都被 Sauron 捉左，囚左o係 Tol Sirion，Finrod 同 d
隨從就o係度都被人狼食左。此時 Lúthien (Teleri Elves
之首: Thingol 的獨女)同 Huan (Hound of Valinor)
Sauron o既人狼攪掂左 Finrod
唔係咁簡單，Quest of the Silmaril 目的係 Beren 娶 Thingol
個女，Thingol 同 Maiar 關係好密切，件事攪大左， Valar
又合力出手o既話，莫講話 Sauron 唔掂，連Melkor
都有排煩。不過 Sauron 並唔知道 Thingol 嫁女o既事，但都穩陣計都將佢地收晒入地牢，最終人狼只食剩
Beren。Lúthien 知道後想救番 Beren，得到 Huan the Hound
of Valinor o既幫助去救 Beren，Sauron 唔知Lúthien係 Beren
o既愛人，亦不斷咁派部隊去查 Lúthien o既行動，但所有部隊都被
Huan 所殺，最終 Sauron 派遣埋人狼中最強的 Draugluin
，哈，都被 Huan 致命重擊，但俾佢用埋最後果口氣告知
Sauron有危險。
Sauron決定親身上陣，但就o係呢次遇上最徹底的敗仗，之後佢都少有親身出戰，與
Huan之戰期間 Sauron轉化過不同的形態，先以狼既形態Wolf-Sauron去同
Huan 戰鬥，佢都醒先攻 Lúthien， 但礙於 Lúthien
的魔法而唔成功，接著就同 Huan 纏鬥，但俾 Huan
制服左，佢再變做一條蛇想擺脫 Huan
逃走，但唔成功，佢最後交番 Beren 出黎 Huan
先放佢走，佢就變成 vampire 向東逃去 Taur-nu-Fuinl。
由呢個時候到 War of Wrath Melkor
被打倒，都再冇 Sauron o既消息，佢亦冇份參與 War of
Wrath
戰事，所以俾佢僥幸逃過，多數人推測同佢多以幕後身份攪事有關，因為佢都幾可憐，每次親身上戰場都輸，都有自知之名，所以後來的
War of the Ring 佢都冇出現過戰場上。
第二時代
Melkor 被打倒後成千年， Sauron
先再出現，今次佢以有天然屏障o既 Mordor為據點，亦開始建造
Barad-dur，以統治 Middle-Earth 及 Númenor (島，位於Aman
及Middle Earth之間) 為目標。
佢用左 600 年時間，一方面以 Annatar
o既身份指導 Elves 鑄造 Rings of Power，另一方面不斷鞏固
Mordor o既防禦，更在 Orodruin (Mount Doom) 秘密鑄造 the Ruling
Ring，此介指能控制佩戴 Rings of Power
的人的思想，可惜計劃失敗左。
Sauron 極為憤怒，出兵攻陷 Eriador，並在
Eregion 大肆破壞，Elves 只有向Númenor 求助，最後由
Númenor 第十一位統治者 Tar-Minastir 派兵擊退 Sauron的軍隊，唉，佢又輸喇！自此
Sauron 轉向東面擴張勢力，有好幾世紀時間 Eraidor
過住和平o既日子。
Númenor 到了25 任統治者 —
Ar-Pharazon，眼看 Sauron 在 Middle Earth
東面日漸坐大的勢力，便派遣一枝十分強大的軍隊前往
Umbar，要 Sauron 服從於其權威之下，Sauron 眼看 Númenorean
o既威力非自已所能對抗，只有接受 Ar-Pharazon 的要求。Ar-Pharazon
把 Sauron 帶回 Númenor，但反被 Sauron 假說只要統治
Valinor 者亦可得永生，誘使去攻打 Valinor，這使 Valar 把
Númenor 弄沉，Valinor
從此不能直接前往，世界變成球體，只有 Elves
可以利用 Straight Road 前往 Valinor。
接著，Elendil (Aragorn 的先祖)
的勢力增強，其後 Sauron 被 Gil-galad 及Elendil組成o既 Last
Alliance 打倒，一隻手指被斬，the Ruling Ring 亦被取去。
跟住就係 Lord of the Rings 裡面o既內容了。 |