2003-07-31 -
11:45 p.m.
好好味既龍眼^^
今晚食左超多龍眼, 媽咪話我最少食磅半呀!! 勁呀! 不過看來我實肚疴啦... 食左咁多!! nevermind la! 咁好味, 疴下都抵o既~~ hehe^^
2003-07-31 -
04:05 p.m.
無聊 + ing
好享受每一日上網睇佢地 d 日記, 雖然唔可以日都見到佢地, 但感覺好似好近咁. 最近身邊既人全部都好似好開心,冇咩煩惱咁... 真係好呀^^ !! hoho~~~
************
真神奇呀!!! 瑋姐姐今日居然打比我... 到底係奇蹟出現, 抑或係我今期走運?!
haha~~~
************
今 day 自修室 "關門大吉" ; 冇自修室去, 響屋企硬係唔係好集中到精神温書咁,掛住搞 le 搞
lu!
2003-07-30 -
10:15 p.m.
零食之夜
嘩哈哈!!!Tonight is "snack night"
今日返到新達廣場響度發晒顛咁買野食~~ haha! 第一站係上 PK ( 即係百佳 ) 買零食 + 飲品, 有蝦條 and 童星點心面 (<--
都唔係好 low b 啫^^, 但經常比人串><, 好可憐呀我!!! ) 之后仲去左 seven 買左 n 支好好味既甜筒 & 朱古力奶,
有咁多零食食, 實在太 good 啦! 我既目標係今晚之內食晒佢地... hehe~~~
今日難得地見到植仔, 我又咁八, 梗係乘機問下 d 八卦問題啦, 點知居然佢答我 "ok", 我頓時比佢
"pump" 漲, 我話晒都鼓起左十級勇氣先敢問佢架嗎! 佢居然答我一個咁既答案, 激死人啦!!!仲要八卦不成功添!!!好傷心啊!!!.....haha~~~
><"
2003-07-29 -
09:55 p.m.
+ oil
呢排唔係發惡夢係訓唔著... 激死人啦!!最近呢幾年都冇發惡夢, 突然呢兩三日又發返, 今日仲眼眉"條"添! 難道係凶兆?! 哈哈~~ 唔係呀?!^^
************
正在努力適應中
......
2003-07-29 - 12:50
a.m.
八卦之夜
師父 and Queen, 生日快樂!^^
已經好耐冇見過佢地 lu~~ 所以今次見到佢地勁有久別重逢 feel --- 搞笑!!
今日係師父既正日生日, 而沉日就係阿Queen 既生日, 好難得兩個人會差一日生日~~ 好有緣 ar! Happy birthday!! 唔知佢地鍾唔鍾意份禮物呢?! 希望鍾意啦!!
今晚取名 "八卦之夜" (<-- 係我改既... hehee~~), 因為我地成餐飯都響度大談佢地以前呂中 d 人既近況, 每當佢地講到邊個, 鋒 sir 就充當 "翻譯" 話 "即係我地響邊度邊度見到果個" , 但我又個個都記得係邊個喎! 太勁啦我!!! 哈哈~~ 都怪我大厲害啦! 講下講下, 原來我都 "識" 幾多佢地呂中幾多人架喎! haha!
今晚響維園 (餐廳)
狂用數碼相機同鋒 sir 部手提電話黎影相, 果然係數碼產品既年代. 好後悔冇帶部數碼相機出黎呀!! 希望植 uncle 同鋒 sir 會 send 返
d 相比我啦!!不過我最近 n 個星期都有見過植係 online 啦! 睇怕今次 d 相都係凍過水, o羅唔返架啦! 嗚~~~太可憐啦我!!!
... >< ...
2003-07-25 - 10:25 p.m.
><"
"專心一致,
心無雜念" , 談何容易?!
唉 ~~!!
2003-07-24 - 10:42 p.m.
比人鬧
今日因為自修室冇開, 所以大模私樣咁狂訓, 醒都冇醒過.結果比我阿哥狠狠地鬧左一餐, 話我浪費晒 d
時間到咁晏唔温書. 諗下諗下佢都話我話得幾 "arm" , 呢排雖然口就不停話努力, 但實際上都冇話好盡力温過, 都冇話每日九點一定要去到自修室咁.
到底點先可以陪養到恒心?!
2003-07-23 - 10:59p.m.
哥哥
搞笑 ~~
平時我阿哥放工返黎都一定會哎晒救命話倦, 但今日唔單止冇, 仲鬼死咁開心添! 梗係啦! 聽日係佢新歷生日,Happy birthday!
雖然佢唔係好鍚好鍚我, 但我都戥佢開心既~~ 話晒一年先得一次ma~ 我真係好人啦, 呵呵^^
佢真係慘, 諗住生日特登請假, 可以去玩下, 點知打風冇得去街喎! ohoh~~!!
好可憐啊~~~ hoho! ( 有 d 奸添! )
... ^o^...
************
請注意：
天文台在下午十時四十分發出八號熱帶氣旋警告信號。
- 咁唔知我表妹聽日有冇得搭飛機去日本旅行呢?!
2003-07-23 - 5:02a.m.
壓力
心情叫做平服返,
都怪自己多心, 成日亂諗野, 搞到自己成日都唔開心, 嚇親大家, 真係唔好意思呀^^
努力 improve EQ 中 ~~~
************
三 號 強 風 信 號 現 正 生 效 。
唔知八號風球打唔打得成呢?!
************
冇咩心機温,
希望遲 d 會好 d 啦!!
2003-07-22 - 11:27a.m.
壓力
今日從新開始返自修室生活, 都ok喎!比我想像之中冇咁辛苦, 不過最驚係我輕看左佢. 做人真矛盾, 一方面驚佢難, 温極都唔識, 考得唔好;
到覺得想像中易, 又驚係自己輕視左佢, 到放榜收到張成績單同今年一樣.....
好驚會重蹈覆轍, 唔怪得知人地話repeat 好辛苦啦! 唔單止努力要加倍, 連心理壓力都自動加倍.
但願我有足夠既勇氣和體力去打完呢場仗
2003-07-21 - 1:31a.m.
開心
今日終於約到超難約既 Kimi 啦! 由此看來我今日都幾好運喎!! hehee~~
同 Kimi 傾心事, 感覺真好, 好真; 至少唔好似有d 人, 扮傾, 但其實背后既真正目的係想吐你講野, 我通常都會將呢d 人classify 為半個小人 (冇暗指邊個)
回想傾既內容, 我好似偏向踩左佢, 但你好似仲...ga woo, 死啦! "乃野"添! ^,^ 唔好意思woo, 但我真係咁覺得呀嗎!
兩個人發下顛, 傾下繼, 居然搞到成十一點幾先返屋企, 響沙田居然玩得咁耐喎!好耐都冇試過lu~~ 原來沙田都仲有野咁吸引我地ga woo... hehee.....
過左今日,
又唔知幾時先再見到佢(地) lu~
最衰死人大口嬋啦! 又放飛機! 餐餐都係咁! ><
Kimi,
take care la! Supporting you~~
2003-07-18 - 10:22 p.m.
鋒 sir 係星探?!
今日以出去温書既名義去左旺角行街... hehee~~ 費事比阿媽話未好返晒就掛住去玩啦!!人地話 "麻雀能醫百病" , 唔通我係 "行街能醫百病"
?!^^, 初初出去果時都仲有 d 唔舒服, 但行行下居然冇事?! 真搞笑~~
... ^ o ^ ...
************
<鋒 sir
轉行做星探?!>
今日鋒 sir 見
Neway 另一份工, 係物色d唱 k 靚女, 叫佢地參加 Cookies 選拔加入做 Cookies 新成員, 好搞笑呀~~ 有 $ 收之餘仲可以借
d 椅以 "料" 女仔作職業... 咁筍?! 佢就想啦!原來 d payment 極苛刻 ga, 欲知如何?請自行向鋒 sir查詢啦 ^^ (
都怪我d描寫技術太差啦, 唔識講 ar ^,^)
所以佢都係叠埋心水做佢既 secret customer 啦~~~
2003-07-16 - 10:32 p.m.
我要好返!!!
結果我都係逃不過睇醫生既扼運; 都唔知果 d 咩鬼野死人頭藥黎架, 難食不特止, 仲食極都唔退消, 激死人啦!!! 搞到我要食多兩日藥, 好可憐呀~~
唔怪得知我咁蠢啦! 再係咁落去遲早變弱能兒童 ga la~~~
... >< ...
希望快 d 好返, 唔駛再藥食啦!!!
************
唔知點解呢幾日好鬼死熱, 就咁企響度唔做野都出汗, 再係咁不停排汗遲早變人乾 ^^ ; 另一方面今日睇新聞見到有 d地方就有水患, 有d地方就旱災,
真係慘! 最衰都係 "聖嬰" (即厄爾尼諾現象), 不過歸根研底都係因為我地自己用得太多 chemicals, 呢 d 咪叫自己 o羅黎衰 law!
************
沉晚正當我同鋒
sir 煩惱緊幾時可以約齊人同植仔搞 farewell 既時候, 問起 Angela 佢先講話植仔唔會響呢個星期之內走, 早響 ar
ma~~ 等我地唔駛諗得咁辛苦. 植仔走唔到, 居然有d開心?! 好衰添!! 不過真係不太捨得佢走.
離別的滋味, 真的不好受.
2003-07-15 - 11:02 p.m.
激死!!
唔消又消返, 消完又消.....
剛剛探完熱, 又發返消, 搞咩鬼野呀!!!???
激死!!!
2003-07-15 - 10:23 p.m.
脫離魔奏
Yeah yeah!!
~~
今晩食埋最后一次藥, 終於食晒啦! 雖然未好得晒, 但以我咁驚食藥既性格, 梗係唔會再睇多次醫生啦! 邊有人會自討苦吃架! hehee~~
脫離藥引既魔奏, 感覺真好!!!
不過因為未好返晒,
所以行路果時都仲係好似企唔穩咁, 同埋個人成日都好似暈下暈下咁, 雖然咁樣生活好辛苦, 不過總比食藥好 hehee~~~ ...^^...希望遲 d
會好 d 啦!!!
好快 d 就好勒 ~~~
今日開始 pick up 返 d 書, 但因為仲係唔係好舒服, 所以温得極少 ... too
bad!!!
~ Add oil!!! "^, ^""
************
給他信心吧 ~ !!
2003-07-14 - 11:21 p.m.
大病一場
我好耐都冇試過病得咁嚴重啦! 呢幾日既生活唔係訓覺就係食藥, 個人成日都呆下呆下咁,超級辛苦.
都唔知點解 d 藥可以咁鬼死難食架! 粒膠囊又超乎正常地大粒, 支藥水又超級難飲, 一次要食五粒藥丸同一格藥水, 痴線架!!! 唔好再多 d !!!
沉日睇完醫生, 食足一日藥, 退左 "消", 今朝起身探又冇 "消" 喎, 諗住可以偷雞唔駛再食, 點知又"消"返, 要食返藥不特止, 仲比阿媽鬧左一餐
... >< ... 好可憐啊 !!!
雖然而家都仲未好得返晒, 但已經比初初果時好返好多啦! 希望可以快 d 好返繼續温書啦!! 費時到出年放榜又比藉口自己話唔夠時間温所以考得唔好.
帶狗既問題擾攘已經多時, 到底我應唔應該就我阿哥?! 我太清楚佢既性格, 我就得佢一次, 佢就會捉住我既痛腳一路蝦我, 我唔係唔想幫佢,
但我真係唔想一世比佢踏住. 到底我應該點做?!
今日先知原來植仔最遲呢個星期五就會走, 話走就走, 真係唔捨得. Take care la~~~
...^^...
2003-07-11 - 11:37 p.m.
自修室生活的第一天
From
Angela's diary:
“白痴仔的小插曲：
「大肚dum﹐如離開了健康的標準路……」
改自「落錯車」的歌詞！^^”
等我睇既時候仲滿心歡喜地以為講緊鋒 sir 添! 點知原來唔係…食詐糊 , 好失望添 ~~^o^~~hehe...
多謝Angela關心 ~~
************
今日都唔知叫唔叫有温書, 去左自修室, 但嚴重集中唔到, 冇咩心機温, 死啦!! 若果咁落去就真係死得啦! 唉~~ 但願只係自己未適應返自修室既生活,
遲 d 會好 d 啦! 響自修室都可以咁心散, 響屋企都唔知點算?!
明天繼續我既自修室生活....
Add oil~~
2003-07-10 - 10:46 p.m.
Last day
開心地過埋温書前最后一日假期, 多謝鋒哥哥相陪 ...^^... 雖然又係去旺角 --- 兩星期內去了 n 次, 但今日好似特別多野行咁,
大概係因為過埋今日, 唔知幾時再有得行. 明年三月尾 --- 再一次面對 A-level, 唔知結果會係點呢?! 好驚會再一次面對失敗. 經過今次經驗,
我深知道響 A-level 呢個 "遊戲" , 唔係話你付出幾多就收得返幾多, 呢個遊戲真係好殘忍, 好唔想再玩第二次, 但我要為已作的決定負上責任,
不得反悔.
好驚 .....
************
< 她 >
她係一個特別既人, 擁有特別既角色, 所以並唔係信唔信你既問題.
替她補習就當是給我倆的一個考驗吧!!
2003-07-09 - 10:48 p.m.
舊曆生日
因為阿媽投訴我成日出街, 所以今日就乖乖留左響屋企, 無無聊聊又一 day, 本想開始睇下 d 書, 但又的唔起決心, 比藉口自己話今日係舊曆生日,
最終都係冇温, 唉~~ 太差勁啦! 但願十一號唔會係咁, 真係可以的起心肝開始啦! Add oil~~
明天~~ 係我
"最後一日" holiday, 做咩好呢?!
不過可憐我冇人約 ar~
~~ ^ , ^ ~~
************
頭先收到
Connie 既 e-mail + 無聊, check 下自己出世果日既天氣, 先知原來我出世果日曾經掛過三號風球 ga! 好特別 ar!!! hehe~~
今日係我既舊曆生日, happy birthday to me (again)~~
2003-07-08 - 11:37 p.m.
Happy
birthday to me~~
今日係我既生日, 話咁快就十九歲啦! 唔知係因為開心抑或忙呢?! 今年好似過得特別快. 正如師父話齋, 今年係我最后一年既 “十幾歲”, 要好好珍惜,
不過看來我都係奉獻比 A- Level 架啦~~! 希望今年可以考好入到 U 啦 !!!
沉晚同師父、阿狗、植仔、紀文、阿 Queen、Yan Yan 同鋒 sir 響沙田既好運葡國餐廳同我預祝生日, 仲有飯後甜品...
就係好似我咁甜既雪糕蛋糕啦 ...^o^... 好開心呀!!佢地仲買左一隻大肥狗攬枕, 好cute 好舒服架, 我沉晚仲攬住佢黎瞓,
(好耐都冇試過攬住公仔瞓覺啦!) 令到身邊鋒 sir 送既 Winnie the Pooh 黯然失色添... hehe~~~ 多謝晒你地!!!
...^^...
不過要佢地破費, 真係唔好意思.
之後我地一齊落 bar ~~ 我的第一次, 雖然只係飲左大半支 , 但塊面已紅到飛起, 支撐到火炭火車站, 終於都頂唔住暈暈地, 鋒
sir仲居然以為我係扮野, 直到見到我 "mou" 左響個月台度先信, 比佢激死!!! 我咁大個女都係第一次咁樣 "mou" 左響個月台度, 同埋暈咋!
原來暈果種感覺好得意架!! hoho~~ ( <-- 比鋒 sir 話我痴線 ) ... >< ...
至於今日, 最
"難忘" 既就係收到鋒 sir 張生日咭o羅~~~上面寫住“打你”“搣你”“抌你”, 幅圖係個女仔打緊個男仔, 喻意?? 心照啦! 比佢激死!
又會咁好彩比佢搵到張咁既咭?! 激死人啦!!!
************
Kimi, take care~~
2003-07-07 - 1:17 a.m.
Thank you~
距離放榜日, 已過了數天, 心情已平服了許多.多謝各位相陪 & 安慰.
植仔, 紀文, 狗姐, 映映, Henry, 阿瑋, Kimi, 阿嬋,姚麗, etc. Thanks~~
************
前日同植仔, 紀文上左鋒 sir 屋企開檯 ; 沉日同鋒 sir 出左沙田行街 ; 今晚同鋒 sir 出左旺角 ; 自從放左榜之后鋒 sir 日日都陪住我, 同我散心, 冇晒 d 私人空間 ..... 多謝您 !!
今日同鋒 sir 出到旺角, 狂睇水貨同限量版波鞋, 見到一對真係好靚, 不過對我黎講實在太貴, “負擔不起”, 所以唯有擱置冇得買, 算 la! 唯有當慳 $ la~~~ ... >3< ...
************
好搞笑! 映映諗住八號同我興祝生日, 扮醒改左聽日(7.7) 食buffet, 點知我地約左聽晚食飯, 搞到佢都係冇得黎. 真係忍唔住偷笑一聲 ...^o^...不過 anyway, 多謝映姐姐咁有心
... ^^ ...
************
~ 十一號開始溫書,add oil!!!~~~
