冬之村	風之谷	回憶亭	友情軒	冰之園	思念崖	聚友林	留言台

 

歲月閣

27/08/2002 晴 星期二

今日兩點幾就上o左蒲窩睇我地隊波比賽，o係未比賽前我地傾開偈，
先知道有d人係姓【賴】嫁，輸波賴地硬，唉......我地隊波的確唔勁！
o甘都有個《季軍》喔！比賽完o左，我同阿熙、阿傑就去M記飲o野，
之後我同阿熙出o左銅鑼灣，因為今晚我地成班同學同Miss Chow餞行，
因為Miss Chow走喇，唔再o係香工教喇！好唔捨得
Miss Chow呀！她教過我好多年，同埋她對我地好好嫁！

12/08/2002 晴 星期一

依排o既心情唔係o甘好，因為之前87事變，所以搞到我到而家都係唔開心！
自己考到太差喇！一時間要面對好多問題，所以有o的措手不及。要諗
      o下自己有什麼出路？讀書定係做野呢？果排真係晚晚都訓唔到，
成晚都係諗果o的野。自己野搞掂晒，o甘就要諗o下D friend！
近住就要面對同o的 friend各散東西o既事實，又擔心他們Find唔到出路，
又怕他們find唔到學校喔！總之，而家我o既心情都係麻麻........

30/07/2002 陰 星期二

距離會考放榜仲有十日都唔夠，o甘就知道我o既去向喇！
都唔點o甘，唉....今日下晝同班小學同學去香港仔水塘BBQ，
前一晚以為今日會落雨添，點知？好好彩！無雨落。
我地玩到十一點幾，就走o左去海濱吹水喇！吹到兩點幾
就走，俾Chloe捉o左我、多口仔、趙仔送她返屋企，
chloe話自己怕自己一個人搭lift。送女仔返屋企係應該o既，
都無話俾人捉o既！自願嫁，跟住就死返屋企sleeping喇！

17/07/2002 陰 星期三

唉......今日同阿阮、小虎去find a job。點知？唉！
都係無得做，勁無奈。又做無業遊民。慘！慘！

14/07/2002 晴 星期日

今日天朗氣清，更係去游o下水、燒o下o野食喇！水就無游喇！
同班friend去o左深水灣燒o野食，不過四點幾去到，
簡直o係度爆曬，犀利啦！o的汗一直唔停。之後同加里仔、
June行去淺水灣買o野。之後我地就開始燒o野食，
燒到十點到。我地就行去淺水灣傾偈，不過琴晚好開心，
因為好耐未o甘笑過啦！熙、小虎、肥江、狄奇同埋我o係
度玩非洲話事牌，好鬼抵死！成晚我地幾個輪流玩
Unknown。嘩！肥坤仲勁，食糊！自摸........
跟住我地又玩天光！哈哈！遲早瓜老襯！

06/07/2002 陰 星期六

今日同班Friend去o左BBQ，不過燒燒o下落雨，
點算？就燒！落雨！話知佢！就燒。雖然今晚唔係好多人燒，
但係都好開心！到o左十點幾，我同埋阿阮、小虎、熙爺、
肥江、小明、傻強，又走o左去海濱傾偈，傾到兩點幾。
之後同埋小虎、熙爺、小明、肥江五個
去o左華貴海旁傾到天光！果隻Feel好正！

03/07/2002 陰 星期三

今晚我o既情緒起伏好大，因為我知道o左我識左好耐o既好
朋友可能要去外國讀書，而家我鐘於明白到離愁別緒o既感覺。
雖然個心好捨得他們離開，但係我o係度祝福他們前程錦繡、
平步青雲、希望你地找到一條適合自己o既路。o係度我要
同你地講句Sorry！點解？因為我o甘遲先知你地要去外
國升學。身為你地o既朋友，我都唔知，我覺得好慚愧！
Sorry！我唔係o甘識表達自己內心o既感受，唔係好識
講野。點都會好！你地如果有機會o既話，緊係要去外
國升學喇！因為o甘樣對你地o既前途好有幫助！唔好
為o左o的小問題而放棄依個機會。阿雞你啊！
收o下o的臭脾氣呀！唔好動不動就發脾氣呀！出到去無人
幫到你嫁！阮仔你！唔好o甘硬脛喇！知唔知，可
能你唔知，有時覺得你唔聽人講，一味照住自己
意思去做，o甘係唔得嫁，有時要聽o下人地o既意見。
至於狐狸，其實你係最識諗，如果你怕寂寞o既話，
可以send E-mail俾我地嫁，而家通訊o甘方便。

01/07/2002 晴 星期一

今日係公眾假期，我無出街，因為我唔鐘意同人迫喇！今晚
有煙花睇，因為今日係回歸紀念日。下晝同熙爺、
小明去o左海旁傾偈，o甘就過o左幾
粒鐘喇！時間過得真快.....

28/06/2002 晴 星期五

今日就係謝師宴o既大日，好開心等待今日o既黎臨，雖然今晚o
既氣氛唔係o甘好。但係，今晚睇到我地班o既團結。
我o既中五生涯終於o係依晚劃上一個完美
o既句號。今晚有我地學生表演外，仲有老師o既表演，
雖然唔係好多人，但係今晚o既氣氛都幾好！師生同樂！
完o左之後，我地一大班去o左海濱傾偈、飲o野，
例排菜........吹水，傾o下大家近來o既景況。
其實，過o左今晚大家都唔知有無機會再坐埋一齊傾偈！
可能各散東西.........老實講句，
今晚謝師宴搞到好唔掂。

24/06/2002 晴 星期一

今日下晝，我同我o既好朋友小虎落o左球場打波，足足打o左幾粒鐘。
屈o左o甘多日o係屋企，搞到個人癡癡地。於是我就出去活動o下
筋骨。打完波後，個人好舒服，可能將o甘多日o既悶氣發泄晒出黎！
爽呀！好開心呀！就黎到果日喇！邊日？咪係謝師宴law！但係又有
o的唔想依日到喔！到o左謝師宴果日亦代表我o既中五生涯劃上一個句號。
真係好矛盾！