冬之村	風之谷	歲月閣	回憶亭	思念崖	冰之園	聚友林	留言台

 

友情篇

曾經有一位朋友同我講過，向住流星許願，

一定會夢想成真。

希望各位朋友仔你地o既願望成真。

 

朋友仔介紹

阿海

 我記得我o係我小學四年班識你，唔經唔覺已經識o左他八、九年啦！
諗返起點樣識你，真係幾好笑嫁—我同你就係o係小學附近o既
 公園仔識o既，因為我地都係度做緊功課，所以我地就係o甘
樣識o左。之後，我地成日一齊去玩、打機、同埋打波添。雖然
 我同你而家o既聯絡比以前少左好多，但係我地o既感情依然係好好。
   無論點，你都係我一世o既朋友。Friendship Forever！

   祝你o係作o野方面有更高o既成就，生活快樂。

阿妍

 我o係小學四年班識你，跟住五、六年班大家都係同班。你俾我
 o既印象就係一個唔係好蝦、好鐘意講野o既女仔。
同埋可以傾得心事o既好朋友。畢業後，大家都各散
東西，大家只有間中o係電話上o既聯絡，得閒出黎聚o下舊。
你記唔記得我依個阿哥嫁？

希望你可以開開心心過生活，唔好諗啦！過o左去o既o野就算，
人最緊要就係開心！

阿瑜

我幾時識你呢？應該o係小學四年A班識你o既，係唔係？如果我無記
錯既話。果陣時你俾我o既印象係一個好靜、唔係o甘鐘意講野
o既女仔。可能果陣時我同你唔係o甘熟啦！
雖然大家畢業後好少聯絡，而依家你俾我o既印象
係一個好肯幫人、唔計較o既女仔。你依個朋友係交得過o既。
不過你唔好o甘易相信人，對人應該有適當o既誡心。
識到你依個朋友我好開心！真嫁！

祝你日日都o甘開心，無晒o的煩惱！永遠都o甘開心！

ICE

識o左你都有五、六年喇！初頭識你果陣時，你成個男仔頭o甘，巴巴喳喳。
同埋你好鐘意玩、好好動o既。嘩！記得你以前好似一塊朱古力o甘！
加上頭髮短短，真係十足成個男仔o甘。不過，而家同以前剛剛相反，
不過有樣o野同以前一樣，就係鐘意講o野喇！你俾我覺得，你係一個幾天
真o既女仔，對人好真誠，唔係太唔係好識理事啦！

最後，希望你永遠快樂。想同你講o既就係決定某些事
前要諗諗，唔係到最後搞到自己唔開心。知無！

               
 NEXT