30/11

唉 ~ 冇膽到丫 ~ ... ... 可能有 d 陰影都唔定 ... ...  ( 賴地硬喇開始 ~~ )

食左大半個月 lu ~ 沙律之士棒 ~

29/11

諗起喇 ~ 諗起喇 ~

沙律之士棒 ~

27/11

心情 ... ... 唔知點咁 ... ...

仲未係事實 ~ 係咪唔駛諗住呢 ? 你知道發生左咩事ma ~ 

係咪真0既呢 ? 懷疑緊 ... ... 但都會想係真0既 ... ...

點解永遠都係咁 ~ 有得揀既時間 ~ 多數都會揀錯 ~ 我唔想揀錯呀 ... ...

26/11

真係好奇怪 ~ 我之前都唔知會咁樣 ~ 點講好呢 ??

沙律之士棒 ~

25/11

傾電話 ~ 好耐冇試過 ~ 唔知點解可以咁耐 ~ 可能太耐冇人同我講咁多野啦 ~ 

有時 d 野就係咁 ~ 時間永遠配合唔到 ~ 好似出現左 d 問題 ~ 

好似一次過放得太多種子 ~ 而家唔夠肥料 ~ 點好呢 ~ 放棄一 d ~ 但係唔得架 woo ~ 用左好多時間 ~ 

我又開始思覺失調 ?? 諗得太多 ?

其實我真係想知道多 d ~ 但係時間上出現左問題 ~ 點解一係等極都冇 ~ 一係就 ... ...

已經開始覺得唔安樂 ~ 雖然咩都冇 ~ 咩都唔係 ~ 咩都唔知 ~ 

沙律芝士棒 ~ 

24/11

又有 d 奇怪事發生左 ~ 真係唔知會係咁 ~ 

沙律芝士棒 ~ 

23/11

沙律芝士棒 ~ 原來要熱既先最好食 ~ 新鮮出爐 ~ 

22/11

沙律芝士棒 ~ 

20/11

又有同事結婚 lu ~ 今年第二個喇 ~ 兩個同事都細過我 ~ 好似細佬妹咁 ~ 

所以見到佢地結婚都好開心 ~ 因為以前同佢地都好好朋友架 ~ 

始終細個 d 0既時候識到0既朋友仔 ~ 關係同感情都會好 d ~

就算好耐冇見 ~ 冇聯絡 ~ 見返個感覺都好親切 ~

不過 ~ 我呢 ~ 重仍然係一事無成咁 ~ 真係有 d 慚愧 ... ...

真係令自己難過 ~ 唔明白 ~ 但係唔會有答案 ~ 

19/11

仍然係沙律芝士棒 ~ 你地一定好奇怪 ~ 點解我日日都係講我食咩包呢 ~ 你知唔知點解 ?

18/11

應該叫沙律芝士棒 ~ ~ 真係幾好食架 ~ 

我今日重問左 ~ 果度係有生日蛋糕造架 ~ 不過可能冇乜人係果度造 , 所以佢初初好似唔明我講咩 ~ 

佢話 $50 / 磅 woo ~~ 諗諗下 ~ 我好似買唔到 ~ 因為時間都唔 arm ~~

16/11

究竟我係一個咩人呢 ~ 邊個會知呢 ~ 覺得我係一個咩人 ~ 可唔可以講我知呀 ... ...

又係沙律芝士咩 ... ... 究竟我幾時先知道自己食果個包叫咩名 ... ...

15/11

原來芝士長條係叫做沙律咩 ... 芝士咩 ... , 死喇 ~ 又唔記得左 ~ 不過真係幾好食 ... ...

14/11

或者我已經適應返悶0既日子 ~ 但係我仍然係成日咁 ~ 不自覺咁 ~ 好無奈咁 ... ... 好唔想咁 ~ 諗起 ... ...

真係唔明白 ~~ 可能諗唔明0既野 ~ 始終係難忘記 d ~ 

12/11

不安o既心情 ~ 有 d 擔心 ~ 無必要o既關心令自己覺得難受 ~ 但 ... ... 又如何 ... ...

芝士長條 ~ 係到目前為止 , 我覺得最好食0既 ~ 

11/11

只係想有人同我傾下都咁難 ~ 

不過算啦 ~ 都慣喇 ~ 如果有人同我傾 ~ 我訓少 d 又有咩所謂呢 ~

蜜汁叉燒包 ~ 一般啦 ~

10/11

個腦諗太多無謂野 ~ 好辛苦 ~ 

唔想諗 ~ 但係又停唔到 ~~

芝士餐肉包 ~ 幾好味 ~

9/11

今次衰喇 ~ 我係咪已經變左一個自私0既人呢 ? 

我發覺當自己知道身邊0既人 ~ 朋友呀 ~ 同事呀 ... ... 幸福快樂0既時候 ... ... 我就有一種失落0既感覺 ... ...

雖然我都算係幸福 ... ... 但係我唔快樂喎 ... ...

人地幸福快樂 ~ 我應該都覺得開心架 ... ... 但係 ~ 點解 ... ... 我咁0既 ... ...

8/11 

祝福你 ~~ 我0既好朋友 ~~

雞肉腸包 ~~ 普通啦 ~~

7/11

又一個禮拜喇 ~ 又係咁過 ~ 

點呢 ~ 諗0既野愈來愈奇怪 ~ 做人愈來愈冇所謂 ~ 只要唔好令我覺得唔公平 ... 唔應該 ... 唔開心 ...

你地想我點就點 ... ... 咁樣做人都真係好似好冇意思咁 ~ 不過有 d 野真係唔應該咁執著 ... ... 

過唔過到人已經再冇所謂 ~ 最緊要過得到自己 ~

成日都覺得錢係緊要 ~ 不過唔係好緊要好緊要果隻 ~ 不過 , 可能真係要覺得錢係超緊要 ~ 勁緊要 ... ... 咁個人先有 d 動力 ... ...

成日都想同人傾偈 ~ 試過幾次坐的士返屋企0既時候 ~ 有個衝動想同個司機傾偈 ... ... 好無聊 ... ...

講真 , 我真係好多野想同人講 ~ 不過每次面對面 , 又或者係隔住電話 ... ... 我都已經唔知點解咩都講唔出 ... ...

可能 ~ 我只係想有人知道自己0既存在 ~ 所以每次無論係面對面 , 又或者係隔住電話0既時候 ~ 

我都會覺得有人知道自己0既存在 ... ... 好滿足 ... ... 之前果 d 想講0既野 ~ 都已經唔再重要 ~ 

一路都知道自己冇咩嗜好 , 只係知道自己好鍾意睇電視 ~ 上網 download MP3 咁 ... ... 一得閒就係做 d 咁0既野 ~

但係之後比人改變左呢 d 習慣 ... ... 依家有冇得睇電視已經唔係咁重要 ~ MP3 亦都冇心機去 download 喇 ~ 

先發現自己真係冇野好做 ~ 就算開住個電視 , 都只係不斷咁轉台 ... ... 開住部電腦 , 都只係坐0向個 Mon 前面 ... ... 唔知有咩好做 ... ...

就算有野要做 ~ 都冇心機去做 ... ...

近排睇緊 [ 我和殭屍有個約會 III ] 覺得好有親切感 ~ 我記得 4 , 5 年前睇第 I , II 輯0既時候 ~ 自己仲好鍾意睇電視 ... ...

所以依家做第 III 輯 d 人物自己又識 woo ~ 好似返左以前咁 ... ...

~~ 過去左0既野係最好0既 ~ 原因好簡單 ~ 因為已經過去左 ~~ 呢句我幾鍾意 ... ...

5/11

芝士火腿包 ~~ 好似一般咋喎 ~~

4/11

腸仔包 ~~ 幾好食 ~~

31/10

係人都有好奇心 ~ 我好想知你係邊個 ~ 

萬聖節快樂 ~~

30/10

每逢節日 ~ 無論大小 ~ 都覺得特別寂寞 ~ 就連萬聖節亦都一樣 ~ 

呢幾日都有 d 唔開心 ~ 我已經好努力 ~ 但係都唔肯比多小小時間我 ~ 只不過一個禮拜 ~ 你想我點 ?

不過依家算啦 ~ 可能咁樣重好呢 ~~

24/10

尋日係一個朋友0既生日 ~ 早一個禮拜已經將生日禮物比左佢 (因為佢係大忙人) ~ 佢收到份禮物時好開心咁 ~ 

其實我買禮物0既時侯 ~ 都會諗下佢收到我份禮物時會唔會開心呢 ~ 結果佢比我想像中更開心 ~ 

令到我都好開心 ~ 好多時我買野比人0既時候都係咁 ~ 當有信心佢收到0既時候會覺得開心 ~

就算貴 d 我都會買 ~ 當冇信心0既時候 ~ 就算好平 , 我都唔會買 ... ... 

呢樣野 ~ 就算同我0既做人態度都好似 ~ 我有信心做得到0既 ~ 就會應承你去做 ~

但係當我冇信心可以做好0既時候 ~ 我就寧願唔做 ~ 雖然逃避係唔好 , 但係知道做唔好 , 都唔想再比壓力自己 ~

早幾日睇電視 ~ 睇到句幾 ' 娘 ' 0既對白 ~~ " 有人講過 ~ 就算心碎 , 個心仍然會跳 , 日子仍然係要過 ~ "

日子再難過 ~ 仍然係要過 ~ 我選擇左唔開心咁過 ~ 因為我搵唔到令我開心0既理由 ~

既然你覺得有人可以令你開心 ~ 或者你 ... ... 係咪應該比 d 信心自己 ~ 安心 d ~ 開心 d 呢 ?

23/10

你真係變左好多 ~ 雖然冇見到你 ... ... 雖然冇同你講過一句說話 ... ... 但係 ~ 感覺上已經唔同晒 ~

冇諗過你會為一個人改變自己 ~ 冇諗過你會認為人地想你靚 d 既原因 , 係因為佢係一個追求完美o既人 ~ 

冇諗過你可以將一切佢認為你唔好o既野 ~ 幫佢用 " 追求完美 " 黎解釋 ... ...

呢 d 咁o既解釋都可以接受咩 ? 點解要你幫佢諗解釋 ~ 而唔係佢向你解釋呢 ?

你究竟仲係唔係你呢 ? 你唔係好有自信o既咩 ? 唔係只有你 , 先可以去影響到人o既咩 ? 

佢真係好到可以令你咁冇自信 ? 佢有咁好咩 ?

你曾經講過我係最了解你o既人 ~ 不過我諗如果你唔係睇錯 , 就一定係敷衍我 ~ 

因為我真係一 d d 都唔了解你 ~ 

22/10

我讀完書之後 ~ 都冇試過秋季大旅行 lu ~ 今日同屋企人去西貢旅行 ~ 睇到人地放風箏 ~ 我都想放埋一份 ~ 

但係太多人 lu ~ 或者第時有機會 ~ 自己再去啦 ~ 

17/10

如果有人會因為我做0既一件事 ~ 又或者係我送0既一份禮物而覺得開心 ~ 我一定會比佢更開心 ~

因為要人因為自己而開心 ~ 我覺得係一件好難0既事 ~ 

不過我真係想見到有人因為自己所做0既野而開心 ~ 因為我都想自己會開心下 ~ 

太耐 lu ~ 太耐冇試過咁樣 lu 

只要係一個表情 ~ 一個笑容就足夠喇 ~ 

唔知幾時再會有咁0既機會呢 ? 

聽到 d 你o既消息 ~ 想問落去 ... ... 不過始終都係冇再問 ~ 唔係唔想知 ~ 只不過 ... ...

15/10

今日開始 ~ 睇野可以睇清楚 d ~ 不過只係表面 ... ...

呢排真係唔多掂 ... ... 由電腦 , 到電話 , 到做野 , 到只係講野 ... ... 都樣樣唔係幾順利 ... ...

壞完電腦 ~ 個電話又神 ~ 做野又好似遊魂咁 ~ 唔係做錯野 , 就整親手指 ~ 最討厭整親手指 ... ... 做野勁唔方便 ~ 

講野又成日講錯 woo ~~ 好好地傾偈又變左鬧交 woo ... ...

唉 ... ... 人生就係咁樣 ?? 

點解我覺得唔開心呢 ? 真係唔明 ? 可能唔開心就係因為唔明 ... ...

又開始成日亂諗野 ~ 無無謂 ... ...

好多野想講 ~ 邊個會想聽 ? ~ 邊個我會同佢講 ... ... ~ 

今日有個冇乜傾過偈0既同事 ~ 同我講左 d 野 ~ 係佢見到我平時個樣0既感覺 ~

佢可以講到好多我0既感覺 ~ 究竟係佢好野 ~ 定係跟本好多人都睇得出 ~ 但係只係得佢同我講呢 ?

12/10

唉 ... ... 幾時我先可以好似以前咁呢 ? 

唔想再咁樣喇 ~ 但係又冇辦法令自己好過 d 喎 ~ 似乎真係冇乜辦法 ~ 冇人可以幫到我 ... ...

都唔明點解 ~ 次次揀親 d 野都會揀錯 ~ 十次做左九次都係 ~ 真係好無奈 ... ...

我運氣真係咁差咩 ? ~ 可能都唔係太好 ~ 

人就係咁架喇 ~

我就係咁架喇 ~ 

但係我唔想係咁 ~ 咁樣就永遠咁樣就咁樣係咁樣咁點樣 ... ... 

轉多個彎 ~ 好唔好 ? 

5/10

乜係咁0既咩 ? 朋友係咁0既咩 ~ 你多朋友可能就唔會去重視 ~ 或者你除左有朋友 , 重有其他更多0既野 ~

但係朋友真係咁唔值得重視咩 ? 你身邊冇真正o既朋友o既咩 ? 如果佢地知你咁諗 , 你覺得佢地會有咩感覺呢 ??

真係想知你幾時先會學識為人設想呢樣野 ~~

自我係一種性格 ~ 會遷就人亦係一種性格 ~ 但係如果冇左會遷就人o既人 ~ 你呢種自我o既人根本就冇可能生存到 ~

如果全世界o既人都係咁自我 ~ 你覺得呢個世界會變成點 ??

有時遷就人唔係要委屈自己 ~ 係想被遷就o既人會開心 ~ 可以令人開心 ~ 自己都可以快樂 ~ 點解會覺得委屈喎 ?

朋友會肯去遷就你 ~ 你應該要覺得高興 ~ 因為唔係每個人都直得去遷就 ~ 遷就都有分級數架 ~~

為了愛 , 可以放棄什麼 ?

為了愛 , 可以付出什麼 ?

我諗真係愛o既話係唔會要人為自己放棄 d 咩架 ~

明明係放棄又點可以當係付出呢 ? 唔好自己扼自己啦 ~

你諗清楚啦 ~ 放棄唔係只不過係一個好聽  d o既籍口 , 同你講為你而冇左 d 咩 ~ 但其實佢為你有做過 d 咩 ?

1/10

個 hardisk 終於都壞左 lu ~ 佢完成左保養3年 ~ 每年都換一個0既目標 ~

但係我就咩都冇晒 lu ~ 因為早排冇心機 ~ 冇 backup d 野 ... ...

August - September 2004