6/6

我真係唔係想煩你 , 我咩都要同你解釋清楚 , 係因為我注重你對我既睇法 ,

如果係第二個 , 我都懶得同佢講咁多 ~~

你係咪好想係第二個呢 ~~ 世事既野冇話你想點就點既 ~ 你有排都唔會係 ~ 　

12/6

我覺得自己真係好冇用 , 唉 ............ 點解重要咁0者 ............ 

我唔鐘意人扼我 , 其實你唔想做 , 你可以唔應承 , 就算我迫你 , 你都可以唔應承我 ............

但係你次次講完都當冇件事咁 , 可能你真係忙到唔記得左啦 ~ 

其實我果件都係小事0黎0者............ 以前又係咁 , 依家又係咁 , 其實你可唔可以認真d咁尊重一下我 ............

雖然我依家唔係你邊個 ............

13/6

你都唔係唔知我冇乜朋友架 ~ 呢個亦都係我重視你既原因 ~ 可能你朋友太多 , 所以你永遠都唔會明白 ,

亦都冇諗住再去明白我............　

17/6

似乎已經............

19/6

好唔容易先令你信我冇亂諗 ~ 我真係用左好多力氣 ~ 我真係好希望可以維持落去 ~

我想 ~ 可能我真係令你太心淡而絕望 ~ 我日日都會諗起我對你點差點差 , 而令自己好傷心同後悔 ~ 

但係一切已經番唔到轉頭 ~~ 

我都希望你可以開心同幸福 , 但係佢 ~ 令我對你講唔出口 ~ 因為我一路都為得唔到佢既待遇而唔開心 ~

始終我都係一個小氣既人 ~ 

29/6

我覺得好唔舒服 ~ 週身都好唔舒服 ~ 有冇人可以幫到我呀 ~ 雖然我知係度慘叫都冇用 ~ 但係我真係好辛苦 ~

唔知如果我唔見左 ~ 除左我家人之外 ~ 重會唔會有人為我而傷心呢 ~ 

不過我諗 ~ 如果有人知道我唔見左 ~ 我都應該開心 lu ~ 因為起碼有人知我唔見左 ~ 都重會有人知道我既存在 ~

我好唔鍾意比人遺棄既呢重感覺 ~ 可能我比過人 , 所以而家有報應啦 ~ 但係我真係冇心架 ~

我一路都覺得我既人生過得好冇義意  ~ 但係我就不斷俾借口自己唔去改善 ~ 最後時間一分一秒咁過 ~ 

浪費左咁多年時間 ! 年紀越大動力越細 ~ 唉 ... 雖然要做都重0黎得切 , 但係人有惰性 ~ (<---死性不改 ~ 籍口多多 ~ )

如果一切都可以返轉頭 ~ 講真 ~ 我諗我既人生都會係差唔多 ~ 只不過 , 我知道有 d 野我一定會做番好 d ~

有 d 野我一定唔會再做 ~ 咁樣 , 就算第時走都覺得自己走得乾淨 d 丫 ~

我份人一向做野都冇乜信心 , 我對人好 , 都係為左佢地唔好有野煩到自己 , 我絕對承認我呢重諗法係錯架 ~ 

但係咁做又影響唔到人 , 又煩唔到自己 , 都算唔錯丫 ~ 之但係 , 我一路都唔知道 ~ 有人係唔鍾意你對佢好架 ~

對人好都係錯 ~ 呢件事令我好煩惱 ~ 我應該點樣做人呢 ~ 一個人令我對 " 對人好 " 呢個處事方式有所動搖 ~

突然間 , 我好想做一個衰人 , 令人討厭既一個人 ~ 雖然我0係某一 d 人既心目中一路都係衰人 ~

一路都覺得衰人係受人關注 d ~ 既然做好人既目的都係自私 , 都係錯既 ~ 做衰人會唔會令自己開心 d 呢 ~ 

其實 ~ 我唔想俾希望你 ~ 呢個籍口 ~ 令我覺得好唔舒服 ~ 我唔想講點解 ~ 你想知點解不如自己諗下 ~ 

我知你冇時間去諗我既問題 , 所以都係果句 ~ 我冇迫你架 , 從來都冇 ~ 你想就諗啦 ~

我真係真係真係好想知有冇人睇過我今日講既野呀 ~ 如果有去留個言 ~ 比下意見丫 ~ 如果唔想講咁多既 ~

講句 " 點呀你 " 都好丫 ~ 

3/7

冇諗過會係咁 ~ 我真係好想可以做好 d , 究竟你個腦點諗野架 ~ 點解我做唔到好似你咁呢 ~

我想要      ~      關注 ~ 關心 ~ 關懷 ~ 傾訴 ~ 傾聽 ~ 留意 ~ 注視 ~ 抱抱 ~ 摸頭 ~

6/7

其實我已經有左壞0既念頭 ~ 我已經唔再係一個好人 lu ~ ( 雖然我一路都唔係 ~)

我會變得更壞 ~ 應該冇人可以令我返轉頭 lu ~

7/7

其實我真係好想好想知點解 ?? 我究竟又做錯左 d 咩呢 ~

我一路以來都只希望可以做番朋友 ~~ 我都有問過你可唔可以 ~ 只要你話唔得 , 我都唔會強求 ~ 但你一唔都冇話唔可以 ~

我為左希望可以做番你0既朋友 ~ 我已經冇再做 d 你叫我唔好做0既野啦 !! 又冇再無端端搵你 ~ 又冇0係 icq send 野比你 ~

連 e-mail 都好少 send 比你 ~ 仲係見你答我問題我先覆番你 ~

點解你依家要咁樣講丫~

我一心諗住已經好番 d 喇 ~ 已經過左去喇 ~ 可以真係做番朋友喇  ~ 點知你依家竟然咁樣講 ~

你係咪玩我丫 ~ 你而家當我係咩喎 ~ 乜我好好玩咩 ~ 你有壓力我都有架 ~ 做咩我連唔開心都唔得 , 都冇資格丫 ~

我同你講0既野都好認真唔係玩架 ~ 做朋友都係認真咁做架 ~ 你尊重一下我得唔得 ~ 

10/7

行啦你 ~ 企定呀 ~ 行定企都已經唔再重要 .......... 因為又有第二樣野o既來臨 ~~

又一次痛心o既感覺 ~ 呢種感覺令到我週身都唔舒服 ~ 好想講出黎 , 但係佢就永遠咁0係喉嚨同個口之間 ,卡住 , 永遠都出唔到黎 ~

我同佢真係唔同 ~ 起碼我唔會有佢所有o既待遇先啦 ~ 真係感到好難過 ~

心痛 ~ 心痛 ~ 本來好想試下試下 ~ 但係己所不欲 , 勿施於人喎 ~ 自己都知痛仲比人 , 好賤格架喎 ~

但係我依家都唔係好人咯 ~ 不過人地咁真誠咁對你 ~ 你咁對佢 , 佢會唔會咩都冇哂架 ~

11/7

每次一諗起我個心一定忍忍作痛 ~ 究竟幾時先唔會再係咁呢 ~ 心痛好難受 ~ 點解你要比 d 咁o既痛我丫 ~ 好痛 ~ 好痛 ~

生日快樂 ~ ^@^ ~

13/7

終於都有 d 似返以前o既感覺  , 其實我一路都只不過係想咁樣o者 ~ 唔算過份丫 ~ 舒服返 d ~

雖然今日 miss 左個機會 ~ 好 down ~ 但係今晚都算有返 d 安慰 ~

唔通希望真係在明天 ~ ( 唔係你 ~ 係份工 )

15/7

又比自己搞 wo 左 ~ 唉......次次都係咁 , 後悔都冇用 ~ 我真係好想好想  ...................................................................................................................

成日都講 sorry sorry 講到自己都煩晒 ~ 自己想做 d 咩又唔知 ~ 好想走  ....................................................................................................................

機會唔係時時有 ~ 但係我又次次都把握唔到 ~ 永遠都係爭一步就一步 ~ 永遠都想人幫 , 就永遠都係冇人幫你 ~

知你想點呀 ~ 係都唔比你想 ~ 如果我唔愛自己 , 唔愛人地 , 就唔駛咁煩啦 ~ 我想有人對我好 d ~

你可唔可以對我好 d 呀 ~ 你又唔係我邊個 , 做咩要對我咁好呀 ~ 因為我想 lo ..........點解唔係我邊個就唔可以對我好 d 喎 ~

我對人好都係無條件架啦 ~ 唉 .....................你永遠都唔肯諗下去明白我 ~ 一個自私o既我

20/7

突然間有 d 迷茫 ~ 你地0既反應 ~ 我自己0既反應 ~

似乎我諗得太多 ~  又或者我太寂寞  lu

23/7

真係同我諗o既一模一樣 ~ 我真係好唔開心 ~ 點解呢 ? ~ 唔通咁樣已經係對我好好 ~ 就算對其他o既朋友都係一樣 ?

就連一個電話都唔可以 ~ 只係 icq o既一句 ~ 唉 ...... 真係一個電話都唔得 ~

Happy Birthday to me ~ Happy Birthday to me ~ Happy Birthday to me......e ~ Happy Birthday t......o m......e...... ~~

28/7

病了便要早點睡 ~ 頭 ~ 痛得要緊 ~

心痛 ~ 去游游泳 ~ 可以放鬆一下嗎 ?

累了嗎 ? 多睡一會可以嗎 ?

已經不再喜歡早上 ~ 更開始討厭夜晚 ~ 究竟可時會最適合我呢 ~?

"唔通連個天都唔鍾意我~"