31,30/12

呢兩日都唔駛返工 ~ 做個 2004 大事回顧 lo ~ 

今年真係發生左好多好多事 ~ 當然我講0既係自己0既事啦 ~ 

雖然有好多0既野 , 一早都已經有提示或許一早已經預知 ~ 但係 ~ 唔知點解個結果始終都係出乎意料之外 ~ 

甚至令我難以承受 ~ 可能太多野以前都未試過 ~ 所以當有轉變0既時候 ~ 自己低估左個結果啦 ~ 

太早0既年頭 ... ... 我都唔記得太多 lu ~ 只係知道就快要搵工喇 ~ 做野 ... ... 放慢晒 lu ~

四月中喇 ~ 嘩 ~ 比機會我 ... ... 我心淡喇 woo ~ 為唔為錢途好呀 ??

五月決定晒啦 ~ 好有型 woo ~ 放大假啦 ... ...

五月中 ... ... 死喇 ~ 呢個時候放棄我 ... ... 雖然講左好耐 ... ... 但係 ... ... 真係等多一陣都唔得 ... ...

六月尾 ... ... 一生人第一次 ~ 搭飛機 woo ~ 係就係大左 d , 不過冇問題啦 ~ 總算有飛過 ma ~ 

但係心情呢 ~ 似乎完完全全咁配合唔到 woo ~ 朋友真係重要架 ~~

七月 ... ... 完全變態啦 ~ 真係頂唔順 lu ~ 冇左份工 , 又冇左個好朋友仔 ~ 成日坐係屋企 ~ 又搵唔到工 woo ~ 

開始喇 ~ 後悔喇 ~ 有型丫拿 ~ 成日話唔開心唔做丫拿 ~ 知死未 ... ... ~ 成日煩丫拿 ~ 咩好朋友 ... ... 連朋友都冇得做 ... ...

知死未 ... ... 跌到落谷底啦 ... ... 灰到呢 ... ...

八月 ... ... 希望重現喇 ~~~ 請我 ~~~ 咩都做啦 ~ 唔係重坐係度 ~ 真係思覺失調架 woo ~ 我夠喇 ~ 你俾我0既 ~ 受夠喇 ... ...

九月 ... ... 識到個開心0既新朋友 ~~ 不過開心0既時間真係過得特別快 ... ... 繼續想去識多 d 新朋友 ... 可惜事與願違 ... ... 

十二月喇 ... ... 呢個月發生0既野特別多 ... ...朋友真係多左 woo , 但係 ~ 朋友始終係朋友 ma ~ 

返工 ~ 重神奇 ~ 直頭入到人生大事回顧 ~ 同阿頭吵 woo ~ 真係諗冇諗過 ... ... 至於到左半年後 ~ 而家0既心情 ... ... 都係咁啦 ... ...

諗起就差啦 ... ... 事實始終係事實 ~ 但係執著永遠都會執著 ~ 我要求唔高 ... 但你接受唔到 , 我都改變唔到 ~

唔記得幾時開始 lu ~ 上網睇人地0既日記 ~ 最初 , 係睇 d 唔識0既人0既日記 ~ 慢慢 , 自己識0既人又開始係網度寫日記 ~

講真 , 睇人日記 ~ 其實唔係幾好咁 ~ 不過放得上網都預左俾人睇架啦 ~ 

我最初睇都係因為好奇0者 ~ 但係之後就覺得咁樣其實可以了解果個人多 d ~ 都有 d 好處架 woo ~

但係最近就發覺自己唔多想再睇 ... ... 因為有時 ~ 當你睇到喇 ~ 知道一個人開心啦 ~ 唔開心啦 ~ 你可以一齊分享 ~ 

又或者去安慰下佢 ~ 可能只不過係留個言 , 簡單0既一句問候 ~ 都可以知道互相關心緊對方 ~ 

但係如果自己只可以睇 ~ 但係唔可以去反應呢 ~ 咁樣 ... ... 再睇落去又有咩意思呢 ? 

或者 , 當你發覺佢實在過得太好喇 ~ 原來自己真係差成咁0既時候 ~ 唔係會令自己更加傷心咩 ?

29/12

好耐都冇試過 lu ~ 00:30 收工 ~ 未算太夜 ~ 但好耐冇試過 lu ~ 當然 , 感覺唔同晒啦 ~ 

以前會好開心 ~ 一黎有錢 ~ 二黎班同事 ma ~ Good 啦 ~

但而家呢 ~ 始終唔同晒 ~ 而且我都唔係以前果個我 ~ 一切都變晒喇 ~

沙律芝士棒 + 雞油 ~ 應該係今年最後一次喇 ~

28/12

沙律芝士棒 ~~

27/12

好耐冇試過 ~ 紅假都要返工 ~ 唉 ... 是但啦 ~

今日同果日冇得收工個同事講左聲唔好意思 ~ 佢話冇野 woo ~ 遲左唔係好多走 ~ 都半粒鐘架 ~

點知食飯果陣佢又要整返我兩句 woo ~ 真係有 d 嬲嬲地 ~ 又係口口聲聲話冇野 ... ...

好彩有同佢講唔好意思 ~ 如果唔係呢 ~ 唔知會點 ... ...

唉 ... ... 又開始好悶喇 ~ 呢排發生 d 野都唔係太開心 ... ... 

希望出年會好 d 啦 ~

26/12

Boxing Day ma ~ 禮物 ~ 今年冇得拆啦 ~ 

不過都算係有禮物 woo ~ 

第一份 ~ 就係有人陪我係24號行街 lo ~ 幾好呀 ~ 

第二份 ~ 就係我想左好耐0既 ~ 一個 Gmail 0既 account ~ 嘩 ~ 勁開心啦 ~ 估唔到仲有人記得我 d 野 woo ~

真係要講聲 ~ 多謝 ~

25/12

中喇 ~ 想像中0既無聊啦 ~ 無聊聖誕 ~ 

不過都算係一個紀錄 ~ 因為我一個禮拜內已經去左 3 間玩具反斗城 ~ 仲要冇買野齋行 woo ~

係咪真係好無聊呢 ?? 不過我諗住會向第 4 間進發 ~ 唔知仲有冇人陪呢 ~ 

好想去一間 ~ 果一間特別多回憶 ~ 

有冇人知有幾多間玩具反斗城架 ? 講我知丫 ~

好鍾意去玩具反斗城個感覺 ~ 好好玩 ~ 好開心架 ~

24/12

今日發生左一件罕見0既大事 ~ 我同阿頭吵呀 ~

以我多年0既工作經驗 ~ 真係冇發生過 d 咁0既事 ~ 

唔好話阿頭喇 ~  就連普通同事都冇啦 ~ 不過究竟係為咩事呢 ? 你地一定估都估唔到 ~~

就係放唔放工呢個問題 lo ~ 今日係平安夜 ma ~ 老闆都出晒 e-mail 話放三點 ~ 

OK ~ 你係阿頭0既 ~ 你唔話有得放早 ~ 人地邊個敢收工0者 ~ 

好喇 ~ 一朝早開會就實牙實齒話收三點 ~ 信你 ~ 

兩點幾喇 ~ 人地個個都諗住準備收工喇 ~ 你就走埋黎話要做埋先走得 ~ 超 ~ !! 玩咩 ~ 你講晒啦 ~

車 ~ 唔比人收工都算喇 ~ 仲大大聲講話 ~ " 倫哥 ! 你放心啦 ~ 夠鐘你就收工 ~ 就算要 OT ~ O 到十點都唔駛你留低 !! " ~

嘩 ~ 咩唧 ~ 咩喎 ~ 咩意思呀 ~ 我錯呀 ~ 仲要笑笑口咁講 woo ~ 扮殺手呀 ~

真係心都淡埋 ~ 平時你叫我做咩就做咩咁濟 ~ 

最慘都仲係佢最後搵左個同事留低 woo ~ wa ~ 即係擺我上檯啦 ~ 大佬 ~ 果 part 唔係我做主力 ~ 

係你叫我幫下手 ~ 係留都唔係留我啦 ~ 你而家搞到好似係我累人地冇得收工咁 ~ 即係玩我0者 ~ 

wa ~ 我以前做過 d 咩錯事 ~ 真係咩都即刻唔記得晒 ~ 

其實本來今日都冇話真係唔可以做埋先走 ~ 不過之前個個講好晒 ~ 一齊堅持三點走 ~ 咁我緊撐啦 ~ 

不過最緊要都係我千辛萬苦先搵到做個人肯陪我係大節日行下 ~ 唔駛坐係屋企睇電視 ~ 你咪阻住得架 ~ 

好彩收左工都算行得幾開心 ~ 講得多野左 ~ 又唔駛點諗野 ~ 仲買左隻出色的馬仔 tim ~~

多謝晒你啦 ~ 陪我無聊左咁耐0既朋友 ~  

沙律芝士棒 ~~

23/12

唉 ... ... 我隻錶呀 ~~ 破左相 ~ 

希望有人會送比我啦 ~ 我以後都唔想買錶喇 ~ 我自己買親0既錶 ~ 都冇好結果0既 ~ 

沙律芝士棒 ~~

22/12

真係唔明 ~ 點解你講0既野 ~ 同佢咁似 ~ 有 d 重一模一樣 tim ~

有冇得咁似呀 ~ 但係我始終覺得咁樣諗係唔0岩 woo ~ 唔通我一路都諗錯 ~ 

是但啦 ~ 可能我都應該好似你地咁樣諗 ~~

21/12

喂 ~ 聖誕有咩做呀 ~ 搵埋我丫 ~ 

突然間覺得好寂寞 ~ 

有冇人想睇戲呀 ~ 想睇咩戲呢 ?  ' 功夫 ' 啦 ~ 一定 ~!!

邊個想睇 ' 北極快車 ' 0既搵埋我丫 ~ 

今日係葵芳見到好大棵聖誕 bear 樹 ~ 全部都係熊 bear bear ~ 勁型 ~ 

20/12

講聲對唔住 ~ 會唔會好 d 呢 ~ 

沙律芝士棒 ~~

17/12

其實一路落黎 , 同我諗0既都幾吻合丫 ~ 

由開心 ~ 到習慣我電話0既回答方式 ~ 到有更多其他0既開心電話 ~ 

到電話冇分鐘 ~~ 一切都好順理成章 ~~ 順其自然 ~~

有 d 失落都好自然0者 ~ 始終我諗野0既時間太多喇 ~ 

諗太多無謂野喇 ~ 始終 ... ... 始終 ... ...

尋日做錯野件事 ~ 唔諗 lu ~ 直到比人發現為止啦 ~ 

沙律芝士棒 ~~

16/12

唉 ... ... 今日 ~ 做錯左 d 野 ~ 唔知會唔會好大件事呢 ? 我冇講比人知呀 ~ 

因為唔知點解釋 ... ... 實在太白痴喇 ~ 唉 ... ... 唔知點算 ... ... 個心有 d 唔舒服 ... ...

補救唔到喇 ~ 我都唔明自己做乜會做 d 咁白痴0既野 ... ... 

唉 ... ................. .......................... 幾時會有人發現呢 ... ....... ........

沙律芝士棒 ~~

15/12

心情又開始唔好喇 ~ 有 d 唔好0既感覺開始左 ~ 可能係時候喇 ~ 

唔明白 ~ 我 ... 係咪真係咁差呢 ?

總有 d 失落0既感覺 ~ 

唔識尊重人0既阿頭 ~ 又做 d 唔尊重人0既白痴野喇 ~ 

真係可惡 ~

沙律芝士棒 ~~

14/12

沙律芝士棒 ~~

13/12 

今日澳門自由行 ~ 

食左幾樣 d 書介紹0既野 ~ 最正係 d 豆腐花 ~ 滑到丫 ~ 重有 d 椰子雪糕 ~ 

嘩 ~ 形容唔到 ~ 總之正啦 ~

返到香港收到個電話 ~ 一個令我開心0既電話 ~

12/12

澳門 ~ 有 d 似大陸 ~ 有 d 似台灣 ~ 始終都好似唔係同香港好同 ~

特別係 d 交通 ~ 好似好亂咁 ~ d 路又窄 woo ~ 

不過有 d 地方 ~ 好有特色幾靚咁 ~

11/12

聽日第一次去澳門 ~ 唔知係點既呢 ~ 

10/12

今日真係好累 ~ 好想休息下 ~ 不過聽日都星期六咯 ~ 可以抖下啦 ~ 

其實都唔係體力上0既累 ~ 而係精神上0既累 ~ 冇法啦 ~ 我諗太多無謂野喇 ~

今日心情好返晒 ~ 可能就係因為心靈雞油0既關係啦 ~~ 哈哈 ~~

好多日冇食新地 ~ 今日有得食 , 好開心呀 ~~

其實咩先至係我0既心靈雞油呢 ??? 要諗下 ~~

就到聖誕節喇 ~ 你地有咩野玩呢 ~ 冇人同我玩呀 ~ 好悶 ~~

9/12

都唔明點解可以有 d 咁0既人架 ~ 一 d 都唔尊重人0既 ~ 怪唔得知冇人尊重佢啦 ... ...

但係諗諗下 ... ... 又冇咩人尊重我喎 ... 唉 ... ... 大概 ... 我都唔識得去尊重人掛 ~~

呢個地方真係令我唔多開心呀 ~ 我諗唔會留得太耐 ... ...

今日係呢幾個禮拜黎 ~ 第一次同人食晏 ~ 因為多數都自己食 ... ... 所以都好耐冇係 lunch 食飯 lu ~ 

今日呢突然間好似諗到 d 野 ~ 心情好返好多 , 雖然重未可以叫好 ~ 但 ~  d 感覺番晒黎 ~ 

不過都發現左 d 野 ~ 就係自己跟本都唔太重要 ~ 係某 d 人0既心目中 ... ... 

沙律芝士棒 ~~

8/12

今日真係半天假喇 ~ 本來諗住訓覺好0既 ~ 不過後尾同左爸媽去超市超左半日 ~ 但又唔係買左好多野 ... ...

返到屋企沖完涼都成 18:00 喇 ~ 電話 ... ... 講左陣 ... ...

又開電腦 ~ 無聊到丫 ... ...

諗返起尋晚 send 果封 mail ~ 有 d 後悔 ~ 無無謂 ~ send 黎做咩呢 ~ 又冇意思0既 ~

一時衝動咪呢 d 囉 ... ... 不過都 send 左咯 ~ 仲可以點 ~ 唉 ... ... 算啦 ~~

今日想買個玩具俾自己 ~ 好耐都冇喇 ~ 

點知去到 ~ 佢話果款冇晒 ... ... 唉 ... ... 我其實去左兩次架喇 ~~

或者我同件玩具冇緣啦 ~ 又或者係我唔應該去買佢 ... ... 

7/12

寫左封喵 ~ 又收返封喵 ~ 好耐都冇試過 ~ 因為通常都係 forward ... ... forward 之後再 forward ... ...

唔想講 ~ 唔敢講0既野未喵 lo ~ 方便 d ~ 蕉唔到 ... ... 因為我打字太慢喇 ~~

唔知點解今日勁勁勁 down ~ 唔知係咪因為個喵 ~ 不過尋晚一 d 事都冇架喎 ~

可能又傻鬼左 ... ...

沙律芝士棒 ~~

6/12

今日再一次知道 ~ 又一次醒覺 ~ 

我係一個冇乜用0既人 ~ 一  d 都唔識得安慰人 ~ 一 d 都幫唔到人 ~ 

唔好話幫人解決 ~ 就算只係俾人提議都做唔到 ... ...

怪唔得知而家都仲係得自己一個啦 ~

 一次又一次知道 ~ 一次又一次醒覺 ~ 最後都只不過係得個知字 ~ 一 d d 都改唔到 ~

咩 ~~ 唧 ... ... 咩喎 ~~ 咁我係咁冇用 ... ... 咁點 ~

但係 ~ 每一次我都真係有為你地而擔心過 ~ 傷心過架 ... ...

堅持 ~ 沙律芝士棒 ~~

5/12

有 d 怪0既感覺 ~~

今晚又有怪事發生喇 ~ 但係點解永遠都係咁 ~ 唔可以比我行得稱心 d ~

我覺得自己行緊去懸崖邊 ... ... 一步一步 ... ...

但係 ... ... 唔知點去停 ... ... 唔想去停 ... ... 好驚 ~ 好驚會冇晒 ~ 唔見晒 ~ 消失晒 ~

都係果句啦 ~ 唔怕失敗 只怕失去 ~

4/12

今日係一個特別0既日子 ~ 特別在未試過 ~ 未見過 ~ 未做過 ~

緊張0既時間直至到見到0既果一刻 ~ 突然全部停左落黎 , 唔再緊張 ~

好特別0既獨角獸 ... ... 特別 ... ... 就係特別囉 ~

開心嘛 ? 好似只係一般 ~ 我0既情緒好易受其他人或事影響 ~ 

所以我0既心情亦都跟隨大隊 ... ... 咁我心情即係點 ??

即係你點我咪點囉 ~

係屋企諗返 ~ 突然覺得好迷茫 ... ... 點呢 ? 咁即係點呢 ???

3/12

今日好緊張 ~ 唔知究竟聽日會係點呢 ~ 好耐 lu ... ... 好耐冇試過呢種感覺 ~

呢幾日諗左好多好多野 ~ 其實我都唔知自己做緊咩 ? 為咩要咁 ~ 點解會咁做 ~

好想搵個心問下 ~ 好想搵個人講佢知 ~

但係呢個世界上究竟有冇呢個人呢 ? 突然覺得好迷茫 ~ 或者這就是人生啦 ~

今晚同 d 舊同事打邊爐 ~ 其實幾鍾意打邊爐呢個偉大發明 ~ 因為佢將人拉得更近 ~

大家圍埋一齊食野 ~ 非常親切 ~ 感覺好好 ~ 雖然好耐冇見 , 但係感覺仍然係度 ~ 可能因為大家以前相處左太耐喇 ~

雖然自己冇乜野講 , 但係睇見佢地你話下佢 , 佢又話下你咁 ~ 真係好開心 ~ 好似一家人 ~~

今日芝士沙津棒 ~ 應該停下喇 ... ... 係唔係 ?  ~

2/12

聽晚同舊同事打邊爐 ~ 好耐冇試過咁多人 lu ~ 期待中 ... ...

芝士沙津棒 ~

1/12

新一0既頁 ~

以前0既野唔可以唔要 ~ 咁唯有用 d 新0既野將以前遮住啦 ~

一路都諗其實以前 ~ 同而家 , 其實都冇衝突0既 ~ 應該可以共存 , 唔駛突登去遮住 ~

但係點解你唔比我咁做喎 ~ 點解一定要令我傷心咁放棄以前丫 ~

不過算啦 ~ 點都好 ... ... 我希望我可以有我0既新一頁啦 ~

不過有時時間呢樣野 ~ 真係令人好煩惱 ~ 點解永遠都要我去配合時間 ~ 而時間唔可以配合下我呢 ?

我想呀 ... ... 你知道 ma ~

一個月0既開始 ~ 芝士沙津棒 ~

2005