揮著翅膀的女孩

５月１９日  星期一  晴 今日終於考左oral喇∼ A-Level 正式完結 唉~~考得唔好呀!!我都唔知點解既 我真係d都唔驚喎.....考第一part都好定 但唔好囉!!!第一part講左兩分鐘咋 第二part仲衰∼４個人都好叻 但我諗唔到應該講咩好>_< 結果只係講左兩句咋!!! 唉~都唔明點解考親oral都係咁既衰樣..... 我又fail 喇!!! (悲哀) 今晚睇左《乾柴烈火》勁好睇喎 首theme song(友誼小姐)好好聽~ 用你的心挑選我 何以要化妝 熱愛織女的你那怕骯髒 我自問曾用心等待牛郎 假使醜靠化妝 是否使我人生充滿希望

５月１８日  星期日  陰 今日上左小芳屋企練oral 佢整左個好好味既jelly俾我食啊^^ 之後去左葵芳行街街.... 夜晚o個餐去左去食米線~好懷念呀 唉!!!o個間野就快執喇....好唔捨得呀 以前讀書既時候日日都去食ga~~ 我仲記得last day o個日我地仲成班人一齊去幫襯添 依家去親o個邊都一定去食既....可能無機會喇! 好唔開心呀!!!今日我罕有地將成碗米線食哂.... 可能無機會再食ga lar!! 今日睇左《下一站天后》,想睇好耐ga lar! 但佢上既時候又要考試....所以無睇到 今日就租左隻VCD番黎睇 好似無我想像中咁好睇喎 但後尾o個度好感動囉!! (我好眼淺~)

５月１６日  星期五  晴   今日一早就同媽咪出左去飲茶   好開心啊∼小玲真係好鍾意飲茶ga   之後就去左行街街喇   買左件粉紅色既 Bear 衫(好cute好靚啊∼開心）   去左新開o個間三聯∼好大好舒服呀   可惜啦！又揀唔到想買既書   我行過一間鋪頭，入面賣ｄ野好得意ga   有好靚靚既紙袋啦、仲有o個ｄ裝雞蛋仔既袋、   蛋撻紙   好多好多哩ｄ野∼我仲搵到我想要好耐   o個ｄ有蓋既o者喱杯添呀.....Yeah ~   行左一陣就番屋企lu.....   聽完〈森美小儀〉之後( 勁好笑haha )   去左圖書館行，除左之前book左既書之外   我仲借左一本講 "HTML" 既書....( 整網頁用 )   好重呀！！我帶住４本書去左   我以前細個成日都去o個間Supermarket shopping   好開心呀 ^_^ 我買左我最愛既叮叮粥＋蕃茄餅   番到屋企我就狂睇o個本電腦書....都唔明既＞ˍ＜   又同Polly煲粥...呵呵

５月１５日  星期四  晴   今日要去補習，好耐無去lu   因為佢地之前停課   所以有一排都唔駛去   今日見番佢地∼哈哈.....嚴志威肥左啊   肥肥白白咁,真係好鬼得意ga!!   嚴翠芬就好似大個左咁   睇下睇下....佢都幾靚女喎   唔唔∼我諗佢上到中學一定好多男仔追   呵呵.....最開心係今日出左糧!!YEAH ^^   不過可能太耐無補，唔係好習慣   好眼訓啊－ˍ－Zz

５月１４日  　星期四  　(陰晴不定) 今日約左Miss Ip食Tea，好開心啊∼ 好掛住Miss＋好掛住葵芳 無番學之後都好少去lu.... １９號考oral (好驚)Miss叫我o個日番學校 同我練完先去考 唔唔∼Miss真係好好人啊！ 　唉....死啦！考oral要戴口罩呀... 喧樣講野咪好辛苦囉∼又要大聲喎.... 食完Ｔｅａ之後，我去左行葵芳 買左好夕好多野食啊∼呵呵....(開心） 之前記得好似有一檔買o個ｄ即整既魷魚ga 點知去到執左喎....所以咪買唔到囉！ 番到屋企,我阿妹竟然發脾４喎..... 車！咁佢執左關我鬼事咩＞ˍ＜”激死呀！！ 哈哈∼我個friend借左一隻 整動物園既ＧＡＭＥ俾我 嘩嘩.....好好玩好得意ga （勁開心呀）Yeah ! ! ! 不過好易無哂ｄ＄＄既....

５月１２日  星期一  晴    今日同光爺去街街....本來話去行下就算    但我地兩個K精又去左去唱K....HAHA    好抵呀∼唱左６個鐘...勁開心    之後就叫佢走先    因為我要買禮物...好趕呀    聽日生日，今日先買    但好彩都買到，仲包得好靚靚添啊∼   ５月１３日  星期二  晴        今日係小芳生日    不過佢好慘呀∼竟然要考oral喎    攪到成日都唔敢去街    話費事玩到無心機考喎    於是今晚我就同佢食宵夜喇    送左個禮物俾佢    加埋我自製既∼"I LOVE YOU SHINE'ｓ"    佢睇完之後笑到碌地    我地兩個傻婆就坐o係個海傍到係咁笑∼好低ｂ    小芳希望你唔好再成日〈ON ９９〉醒少少啦！    我３都係整緊我個網頁.....好多野都唔識    好鬼煩.....但我唔會放棄既∼反正得閒....haha

５月１０日  星期六  晴   　今日同妹妹去左唱k   　雖然有少少貴.....不過好開心啊∼   　之後出左旺角買禮物   　行左好耐咩都買唔到>.<   　死啦！聽日就係喇....(唔開心呀)   　媽咪聽日要番工   唔可以同佢出去食飯   　所以我好想送份好ｄ既禮物俾媽咪   　但偏偏我乜鬼野都買唔到(無用)   　結果只係買左兩隻VCD咋   　我個friend星期二生日   　但我都揀唔到禮物俾佢   　真係好失敗呀!!我最憎買禮物，好煩!   　我今日又買左本書喇∼   　Yeah!林詠琛既新作《戀如水》   　好野！有齊一套lu ^﹏^   　今日戰利品：   　Hello Kitty Notice Board (好cute ga~~)    VCD兩隻  《戀如水》

５月９日  星期五  晴   今日同Amy去左美心度interview  (月餅o個度)   我唔想搵其他喇∼講真作為summer job哩份真係幾唔錯   所以我今年都要做月餅妹   而且潔雯子,Polly仔都話做∼一定好開心   希望多d Friend一齊大啦   好多人呀∼排左都幾耐   我同Amy自從上年做完野之後都無見過lu...   今日我地仲一齊飲茶添  (開心)   我今日仲見到阿Miu , 純純 ,霞霞添   原來佢地個個都打算番黎做   好呀.....又可以一齊玩喇!!!     我好大頭蝦呀∼見工竟然唔記得帶相   所以朝早無得見一ˍ一"   我即刻去影.....下晝再去過   個看更叔叔認得我....   佢話"點解你成日都唔記得帶野ga??"你上年都係喎!  (無言)   唔係嘛?!咁都認得我   (上年我同polly一齊,因為佢唔得拎野   所以我地又係去左２次)   haha......咁都俾佢認到添  (尷尬...)     in 完後,我去左附近既一間書店度行   有重大發現....入面有好多舊雜誌賣  （我諗係新ga...但賣唔出o個ｄ）    於是我係咁摷(尋寶)yeah~~我搵到４本祖兒做cover ga!!   我諗都無諗就買哂lu ....  (勁興奮)   另外我仲買左一本叫《幸福ソ禮物》既書   我最鍾意ｄ同幸福有關既野   Yeah !!今日真係好開心呀.....但好倦

５月８日    星期四   晴   今日本來約左Polly出街ga   但我尋晚訓唔著....結果3點幾起左身    3 :45 ~ 6:00AM   睇ＶＣＤ (Feel 100%) 勁好睇 (我一次過睇左三集...我既理想男友 大概係戲入面既方力申咁 佢真係好好D性格) 6:00 ~ 10:00 AM　  聽收音機＋整網頁     10:00 AM　　　　 頂唔順喇.....訓左   所以無出到去，Sorry呀Polly....唔會有下次   我都好想同你去街街ga   我成日就留左o係屋企整我既website   我整好左個日記 ,祖兒相薄 and 小玲profile(建設中)   好野......我要整到好靚好靚HAHA   夜晚要拎野俾小芳   之後我就去左散步   行下行下又去左運動場   我o係看台度望住d人跑..   我諗我都應該跑埋一份   今次心情勁好....haha   唔知點解我仲係有o個種考緊試既感覺   成日都以為自己仲考緊咁   玩既時候好有罪疚感....我真係好傻   可能未太習慣哩種咁輕鬆and悠閒既生活掛   但當醒起原來已經考完哂     真係好開心......   可以做自己鐘意既野~~感覺真係好好呀^^   但我可能過慣左考試既刻苦生活   依家仲係訓唔到同無乜胃口咁   唉~我哩2個幾星期日日都係訓得o個3~4個   鐘就會好自然咁醒   不過都好既.....當減肥囉hehe~~~   2:25AM   有柯南睇~yeah!!!   4:00AM   訓LU~~~

５月７日  星期三   陰天 Yeah ~~終於考完喇....開心 今日都ok ,起碼揀到題目同夠時間做 (Miss Tong份mock paper好掂) 不過呢~~佢每一題都有一part係問d勁騎呢既野 好似「悟空同賈寶玉的性格有何相似之處」 文學史問埋d咁既野.....咁又無左6分喇 仲要題題都有5~6分係問哩d野喎 都無得讀既.....擺明要蝕俾佢>.<" 答4題就無左一題喇....我諗唔到,唔制呀 算啦~~~ 考得唔係太差就算lu 我諗應該好過上年既hehe.... "停筆!!!"(仰天大笑) 極度興奮,我搭巴士番o黎o個陣o係度傻笑 佢地個個都未考完 無人陪我去街街....我買左好多野食番屋企 狂食....好開心 跟住我就開始整我個網頁 整左好耐 之後去左圖書館....借左好多書 番o黎就同polly講電話(開心^^)好掛住你啊 哈哈.....今晚睇左"勁歌金曲"呀 有祖兒,好好好好睇呀 今日真係好日子 但係呢~~~我個網上日記寫唔到喇 我用左咁多心機整 仲諗住依家得閒可以整靚d 點知佢依家又唔俾人寫喎.....激死呀 >_<" 但我仲有個隱憂......因為我仲要考ORAL 我最o個樣,死喇!!!

The Girl With The Brandish Wishes
Page 1 2 3