我返到屋企之後,立即打比果班死仔問佢地點解今日唔好睇戲~佢地話本來柅通知我話唔去睇戲ge,改左去Karaoke,但果陣咁岩我已經出左門口,咪唯有放我飛機囉~我都廢究同佢地繼續嘈落去,好快就cut左佢地線~睇下隻錶先~而家仲好早~先不過十點幾~決定打比詩詩睇下有冇機會表白下先~

另一方面,詩詩正同緊玲玲傾緊電話,佢地既話題就係小炳~(即係我~哈~)

[你覺得Derrick點呀?岩唔岩你姐~嘰嘰~](炳按:玲玲真係好八....)

[冇乜野呀...你呢~你覺得佢點呀?](炳按:真係冇咩野?)

[我睇佢唔會係好人~佢食煙ge~]

[你點知佢食煙ga?]詩詩出奇咁問玲玲

[佢褲袋有包煙ga~你睇唔到咩?]玲玲隻眼真係好勁....

[係又點喎！法例規定好人唔比食煙咩？點睇佢都唔會係個壞人~一定唔會！]詩詩突然間變得好認真,連玲玲都嚇左一跳~

[唔好咁認真啦~等我講穿你啦~睇黎你真係鍾意左Derrich喎~你識左佢一日咋~咁快鍾意人地~你點知人地點諗呀?]

[哼！我中四喇,係都唔出奇！你冇聽過一見鍾情咩？講穿左你咪又係鍾意左Derrick~我冇講錯掛？]

[嘻嘻~我都中四喇~鍾意左佢都唔奇丫~但我睇佢都係鍾意你多d,因為我見佢成日都留意你ge~係呢~頭先佢送你返屋企果陣佢有冇同你講d乜野呀?]

[冇呀~只係傾下計咁咋~]嘟－嘟－嘟－[喂喂~我有電話入呀~下次再傾啦~Bye~]詩詩同玲玲斷左線之後,就即刻轉入線既電話,果個人就係我~

[你而家好忙?]我講左一個好無聊既開場白

[唔係呀~岩岩先同玲玲傾完電話~你搵我有事?]

[係呀....你地聽日柅去邊呀?Karaoke?BBQ?定係去第二度?]

[好耐冇去海洋公園喇,不如去海洋公園咯~好冇呀?]

[好呀∼]其實就算佢話去邊我都會去ge~

[咁我陣間同佢地講先~玲玲一定會好開心姐~]

[點解玲玲一定會好開心呀?]

[因為玲玲佢鍾意左你囉~唔通你睇唔出咩?]

[點...點會喎....]我聽到有d呆左,真係有d唔知點好~

[做咩呀,你討厭玲玲呀?]

[唔..唔係討厭佢...只係我一直當佢係fd...冇鍾意過佢之嘛....]

[哈~~咁即係你鍾意左第二個女仔啦~係咪呢?我冇講錯ga可~](炳:你係咪比機會我呀?=.=)

正~小炳~係機會~機會黎喇~[係呀,我鍾意果個女仔係你~]好簡單,好直接~

[下...點...點會喎...我地識左一日咋....]對住呢d咁尷尬既問題,詩詩多數會係咁答人~我就係鍾意佢呢點~(你好衰......=.=)

[係真ga~我真係鍾意左你~或者你可能覺得太快啦~但感覺呢d野話唔埋嘛~我今日第一眼見到你果一刻就有種好特別好特別既feel~o係其他女仔身上面冇ga~你可能覺得我o係度只你,或者之前同過好多女仔都講過呢d說話~但我好肯定話你知我未拍過拖ga~一直唔知鍾意一個人既feel係點...直到今日見到你....]我突然之間好認真咁講哂我心裡面想講既野出黎~

[其..其實我都有d鍾意你ge.....]

[真ge?咁...咁你可唔可以做我女朋友呀?]

[做咩咁直接喎,搞到我唔知點答你~人地係女仔黎ga~]其實呢個已經係答案

[做咩姐~嘻嘻~唔答就當你應承做我女朋友喇~]

[討厭~~明知故問~唔彩你呀~~衰人~~]

[係咩?我真係咁討厭咩?嘻嘻~]

就係咁~我就同左佢一齊喇~真係好快~識左一日就一齊~
不過如果識左一日就真正鍾意左大家既話~
唔知有幾多人做到?

第四集完